କୋଲକାତା: ପଶ୍ଚିମବଙ୍ଗର ମୁର୍ଶିଦାବାଦରୁ ଜଣେ ମହିଳା ସୁନା ସ୍ମଗଲରଙ୍କୁ ଗିରଫ କଲା ବର୍ଡର ସିକ୍ୟୁରିଟି ଫୋର୍ସ (ବିଏସଏଫ୍‌) । ୪୬୬ ଗ୍ରାମର ୪ଟି ସୁନା ବିସ୍କୁଟ ସହ ମହିଳାଙ୍କୁ ଗିରଫ କରିଛି ବିଏସଏଫ୍‌ । ଏହି ବିସ୍କୁଟର ଆନୁମାନିକ ବଜାର ମୂଲ୍ୟ ୨୮ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡ଼ିଛି ।

ପାଖରେ ବନ୍ଧୁକ ରଖି ଶୋଇପଡ଼ିଥିଲେ କେୟାର ଟେକର, ଭୁଲରେ ନିଜକୁ ଗୁଳି କରିଦେଲା ୫ ବର୍ଷର ପୁଅ

ମହିଳାଙ୍କୁ ଶୁକ୍ରବାର ସନ୍ଧ୍ୟାରେ ମୁସଲିମପଡ଼ା ଅଂଚଳରେ ଧରିଥିଲା ବିଏସଏଫ। ଏହି ସମୟରେ ମହିଳାଙ୍କ ବ୍ୟାଗଟିକୁ ସର୍ଚ୍ଚ କରିବା ପରେ ଏଥିରେ ୪ଟି ସୁନା ବିସ୍କୁଟ ଥିବା ଜଣାପଡ଼ିଥିଲା । ସେପଟେ ମହିଳାଜଣଙ୍କ କହିଛନ୍ତି ତାଙ୍କୁ ଏହି ବିସ୍କୁଟ ତାଙ୍କ ଗାଁର ମିରାଜୁଲ ମଣ୍ଡଳ ଦେଇଥିଲା । ବେଙ୍ଗଲ-ବାଂଲାଦେଶ ସୀମା ପାର କରି ଏହି ବିସ୍କୁଟ ନେଇଯାଇଥିଲେ ତାଙ୍କୁ ୫୦୦ ଟଙ୍କା ମିଳିଥାନ୍ତା ।

ମହିଳାଙ୍କ ନାଁ ଉତ୍ତରା ବେଓ୍ବା ବୋଲି ଜଣାପଡ଼ିଛି । ତାଙ୍କ ବୟସ ୪୦ ବର୍ଷ ହେବ । ତାଙ୍କୁ ଗିରଫ କରିବା ପରେ ବିଏସଏଫ ତାଙ୍କ ପାଖରୁ ସୁନା ବିସ୍କୁଟ ଜବତ କରିଛି । ଅଭିଯୁକ୍ତ ମହିଳା ଏବଂ ଜବତ ସୁନାକୁ କରୀମପୁର କଷ୍ଟମ ଅଫିସରେ ଜିମା ଦେଇଛି ବିଏସଏଫ୍‌ ।