ବୌଦ୍ଧ, ୧୩।୫ : ବୌଦ୍ଧ ଫ୍ଲାଇଙ୍ଗ ସ୍କ୍ବାଡ୍ ଦ୍ଵାରା ପୁରୁଣା କଟକ ଥାନା ଅନ୍ତର୍ଗତ କଲରାକୋଠା ଠାରେ ବ୍ଲକିଂ ଏବଂ ଚେକିଂ ବେଳେ ଏକ ଗାଡ଼ି ରୁ ବିପୁଳ ପରିମାଣର ଟଙ୍କା ଜବତ ହୋଇଛି। ଏଥିସହ  ଡ୍ରାଇଭର ସହ ଗାଡିରେ ଥିବା ୨ ମହିଳାଙ୍କୁ ଫ୍ଲାଇଙ୍ଗ ସ୍କ୍ୱାର୍ଡ ଅଟକ ରଖିଛି। 

 ପୁରୁଣା କଟକ ଥାନା ଅନ୍ତର୍ଗତ କଲରାକୋଠା ଠାରେ ଚେକିଂ ବେଳେ ବୌଦ୍ଧ ରୁ ଭୁବନେଶ୍ୱର ଅଭିମୁଖେ ଯାଉଥିବା ଏକ ଗାଡ଼ି କୁ ଅଟକାଇ ତନଖି କରିଥିଲେ ଫ୍ଲାଇଙ୍ଗ ସ୍କ୍ୱାର୍ଡ। ତେବେ ସେହି ଗାଡ଼ି ରେ କିଛି ଟଙ୍କା ଥିବା ଦେଖିବାକୁ ପାଇଥିଲେ ଫ୍ଲାଇଙ୍ଗ ସ୍କ୍ୱାର୍ଡ । ତେବେ ଗାଡ଼ି ରେ ଡ୍ରାଇଭର ଙ୍କ ସମେତ ଦୁଇ ଜଣ ମହିଳା ରହିଥିବା ବେଳେ ସମସ୍ତଙ୍କୁ ଅଟକ ରଖିବା ସହିତ ଗାଡ଼ିରୁ ଟଙ୍କା ଜବତ କରି ତଦନ୍ତ ଆରମ୍ଭ କରିଛି ପୁରୁଣା କଟକ ପୋଲିସ । ତେବେ ଏ ଦୁଇ ମହିଳା କିଏ ଏବଂ କେଉଁଠାରୁ ଏମାନେ ଏ ଟଙ୍କା ନେଉଥିଲେ ଏବଂ କେଉଁ କାରଣରୁ ଏତେ ଟଙ୍କା ନେଇ ଯାଉଥିଲେ ସେ ଦିଗରେ ପୁରୁଣା କଟକ ପୋଲିସ ତଦନ୍ତ ଆରମ୍ଭ କରିଥିବା ସୂଚନା ମିଳିଛି।

ଆହୁରି ପଢନ୍ତୁ : ରାଜ୍ୟରେ ପ୍ରଥମ ପର୍ଯ୍ୟାୟ ମତଦାନ : ଅପରାହ୍ନ ୩ଟା ସୁଦ୍ଧା କୋଟିଆରେ ୮୦% ମତଦାନ