ବୋରିଗୁମ୍ମା, ୦୬/୧୨ : ବାପାଙ୍କ ଶବ ସତ୍କାର ବେଳେ ଶବ ହୋଇଗଲେ ପୁଅ। କୋରାପୁଟ କାମତା ଅଞ୍ଚଳରେ ଏଭଳି ହୃଦୟ ବିଦାରକ ଘଟଣା ଘଟିଛି। ମୃତକଙ୍କ ପରିବାର ଉପରେ ଦୁଃଖର ପାହାଡ଼ ଭାଙ୍ଗିପଡ଼ିଛି। କାମତା ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି। ଗୋଟିଏ ଜୁଇରେ ବାପା ପୁଅଙ୍କ ଶବ ସତ୍କାର କରାଯାଇଛି।
ସୂଚନାନୁଯାୟୀ, ମଙ୍ଗଳବାର ରାତିରେ ଲକ୍ଷ୍ମଣ ମଣ୍ଡଳଙ୍କ କୋରାପୁଟରେ ମୃତ୍ୟୁ ହୋଇଥିଲା। ଲକ୍ଷ୍ମଣଙ୍କ ଶବ ସତ୍କାର ପାଇଁ ନିଜ ଗ୍ରାମ କାମତାକୁ ଆଣିଥିଲେ ପରିବାର ଲୋକେ। ଆଜି ସକାଳୁ ସକାଳୁ ଶବ ସତ୍କାର ପାଇଁ ପ୍ରସ୍ତୁତି କରୁଥିବା ବେଳେ ତାଙ୍କ ପୁଅ ବେଣୁଧର ମଣ୍ଡଳଙ୍କ ମୁଣ୍ଡ ଉପରେ ଏକ ଗଛର ଡାଳ ପଡି ଗଭୀର ଆଘାତ ଲାଗିଥିଲା। ଫଳରେ ସଙ୍ଗେସଙ୍ଗେ ପରିବାର ଲୋକେ ବୋରିଗୁମ୍ମା ମେଡ଼ିକାଲକୁ ଆଣିଥିଲେ। କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହି ଘଟଣା ସମ୍ପର୍କରେ ଖବର ପ୍ରଚାର ପରେ କାମତା ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି। ଗୋଟିଏ ଜୁଇରେ ବାପ-ପୁଅଙ୍କ ଶବ ସତ୍କାର କରାଯାଇଛି।
Also Read ;-
ଜେଲରୁ ବାହାରିବେ ବ୍ଲାକ୍ମେଲିଂ କୁଇନ୍ ଅର୍ଚ୍ଚନା ନାଗ, ସର୍ତ୍ତମୂଳକ ଜାମିନ ଦେଲେ ହାଇକୋର୍ଟ
