ବେତନଟୀ, ୦୭/୦୯ : ଗୁରୁବାର ବଡ଼ସାହି ଥାନା ଅଧୀନ କୋଲକୋଠା ଗ୍ରାମରେ ଅବକାରୀ ବିଭାଗର ଚଢାଉ। ବିପୁଳ ପରିମାଣର ଗଞ୍ଜେଇ ଜବତ। ବେଆଇନ କାରବାରରେ ସମ୍ପୃକ୍ତ ଗଞ୍ଜେଇ ବେପାରୀ ଗିରଫl ଗିରଫ ଅଭିଯୁକ୍ତ ଜଣକ ହେଉଛି କୋଲକୋଠା ଗ୍ରାମର ରବୀନ୍ଦ୍ର ମହାଳିକଙ୍କ ପୁଅ ବାପି ଓରଫ କ୍ଷୀରୋଦ କୁମାର ମହାଳିକ l 

ସୂଚନା ମୁତାବକ, କ୍ଷୀରୋଦ ଗଞ୍ଜେଇ ଚୋରାଚାଲାଣ ଓ ବ୍ୟବସାୟକୁ ନେଇ ମୟୁରଭଞ୍ଜ ଜିଲ୍ଲା ଅବକାରୀ ଅଧିକ୍ଷକ ପ୍ରଶାନ୍ତ କୁମାର କହଁର ବିଶ୍ୱସ୍ତ ସୂତ୍ରରୁ ଖବର ପାଇ ବେତନଟୀ ଅବକାରୀ ଥାନାକୁ ଚଢ଼ାଉ ପାଇଁ ନିର୍ଦ୍ଦେଶ ଦେଇଥିଲେ l ବେତନଟୀ ଅବକାରୀ ଥାନା ଅଧିକାରୀ ନିରଞ୍ଜନ ସାହୁ, ଏଏସଆଇ ସୁଧାଂଶୁ ବେହେରାଙ୍କ ସମେତ ପ୍ରକାଶ ଦେବତା, ଦୀପିକା ପରିଡା, କାଶୀନାଥ ସୋରେନ ପ୍ରମୁଖ ସଦଳବେଳେ ଚଢ଼ାଉ କରି ଅଭିଯୁକ୍ତ ନିକଟରୁ ୭ କିଲୋଗ୍ରାମ ଓଜନର ଗଞ୍ଜେଇ ଜବତ କରିବା ସହିତ ଅଭିଯୁକ୍ତକୁ ଗିରଫ କରିଛନ୍ତି l କ୍ଷୀରୋଦ ଗଞ୍ଜେଇ କିଭଳି ଏବଂ କେଉଁଠାରୁ ଆଣୁଥିଲା ଏବଂ ସେ କେବଳ ନିଜେ ବ୍ୟବସାୟ କରୁଥିଲା ନା ଆଉ କିଏ ନିଶା ବ୍ୟବସାୟୀଙ୍କୁ ଗଞ୍ଜେଇ ଚାଲାଣ କରୁଥିଲା ସେନେଇ ତଦନ୍ତ ଜାରି ରଖିଛି ଅବକାରୀ ବିଭାଗ l