ପ୍ରମୂଖ ଖବର
  • ସପ୍ତମ ଥର ପାଇଁ ବଜେଟ ଉପସ୍ଥାପନ କଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||
  • ବିଧାନସଭା ଅଧିବେଶନର ଦ୍ବିତୀୟ ଦିନ, ଦିନ ସାଢ଼େ ୧୧ଟା ଯାଏଁ ଗୃହ ମୁଲତବି
  • ||
  • ମାହାଙ୍ଗା: ଭାରସାମ୍ୟ ହରାଇ କେନାଲକୁ ଖସିଲା କାର୍, ଯୁବକଙ୍କ ମୃତ୍ୟୁ
  • ||
  • ମୋହନ ସରକାରଙ୍କ ପ୍ରଥମ ଅଧିବେଶନ, ୨୪ରେ ଉପବାଚସ୍ପତି ନିର୍ବାଚନ, ୨୫ରେ ପୂର୍ଣ୍ଣାଙ୍ଗ ବଜେଟ୍
  • ||
  • ପ୍ୟାରିସ୍‌ ଅଲିମ୍ପିକ ୨୦୨୪: ୨୫ରୁ ତୀରନ୍ଦାଜୀ ଇଭେଣ୍ଟ, ରିକର୍ଭ ଇଭେଣ୍ଟରେ ଭାଗ ନେବେ ୬ ଭାରତୀୟ
  • ||
  • ଆସନ୍ତା ୨୬ ସୁଦ୍ଧା ଆଉ ଏକ ଲଘୁଚାପ, ତିନିଦିନ ପ୍ରବଳ ବର୍ଷା ସମ୍ଭାବନା: ଏବେ ବି ନିଅଣ୍ଟିଆ ସ୍ଥିତିରୁ ବାହାରିନି ୧୬ ଜିଲ୍ଲା
  • ||
  • ମୋଦି ୩.୦ ସରକାରର ପ୍ରଥମ ବଜେଟ୍‌, ୭ମ ଥର ପାଇଁ ବଜେଟ୍‌ ଉପସ୍ଥାପନ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||

ସରକାରୀ କ୍ୱାର୍ଟର୍ସ ଭଙ୍ଗା ଘଟଣା: ବବି ଦାସଙ୍କ ନାଁରେ ଏତଲା

ଭୁବନେଶ୍ୱର,୦୬/୦୭: ସରକାରୀ କ୍ୱାର୍ଟର୍ସ ପରିସରରେ ବେଆଇନ ନିର୍ମାଣ କରିଥିଲେ । ଏବେ ତାକୁ ଭାଙ୍ଗିଛନ୍ତି । ସେଠାରେ କ'ଣ ଚାଲିଥିଲା, ତା'ର  ତଦନ୍ତ ହେଉ । ଏହାକୁ ନେଇ ପ୍ରଣବ ପ୍ରକାଶ ଦାସ (ବବି)ଙ୍କ ନାଁରେ କ୍ୟାପିଟାଲ୍‌ ଥାନାରେ ଅଭିଯୋଗ କରିଛନ୍ତି ଆଇନଜୀବୀ ସତ୍ୟ ଶିବସୁନ୍ଦର ମହାନ୍ତି । ସ୍ୱତନ୍ତ୍ର କମିଟି ଗଢ଼ି ଏହାର ଉଚ୍ଚସ୍ତରୀୟ ତଦନ୍ତ ପାଇଁ ସେ ଦାବି କରିଛନ୍ତି ।  

ଆଇନଜୀବୀ କହିଛନ୍ତି, ଯାଜପୁରର ପୂର୍ବତନ ବିଧାୟକ ଶ୍ରୀ ଦାସଙ୍କ  ବିରୋଧରେ ଆମେ ଏତଲା ଦେଇଛୁ । ଏତଲାରେ ସ୍ପଷ୍ଟ ଭାବେ ଉଲ୍ଲେଖ କରିଛୁ ଯେ, ସେ କାହିଁକି ନିଜ ସରକାରୀ କ୍ୱାର୍ଟର୍ସ ପରିସରରେ ବେଆଇନ  ନିର୍ମାଣ କରିଥିଲେ ଏବଂ ସେଠାରେ କ'ଣ ଚାଲିଥିଲା, ତା'ର ତଦନ୍ତ  ହେଉ । ସରକାରୀ ଘର ନେବା ପରେ ସେଠାରେ କିଛି ନିର୍ମାଣ କାର୍ଯ୍ୟ  କରିବାକୁ ହେଲେ ଅନୁମତି ନେବାକୁ ପଡ଼େ । କିନ୍ତୁ ଶ୍ରୀ ଦାସ ଅନୁମତି  ନେଇ ନଥିଲେ । ସେ ତାଙ୍କ ସରକାରୀ ଘରେ ବେଆଇନ ଭାବେ ନିର୍ମାଣ  କାର୍ଯ୍ୟ କରିଥିଲେ ଓ ତାକୁ ଏବେ ଭାଙ୍ଗି ଦେଇଛନ୍ତି ।  

ତା’ଛଡ଼ା ୟୁନିଟ-୬ ଭିଆଇଆଇଆଇ-ଏମଆର-୧ କ୍ୱାର୍ଟର୍ସଟି ତାଙ୍କୁ  ଆଲଟ୍‌ ହୋଇଥିଲା । ପରବର୍ତ୍ତୀ ସମୟରେ ସେ ତାଙ୍କ କ୍ୱାର୍ଟର୍ସ ୨ପାଶ୍ୱର୍ରେ  ଥିବା ଅନ୍ୟ ୨ଟି ସରକାରୀ କ୍ୱାର୍ଟର୍ସ ଯଥା- ଭିଆଇଆଇଏମଆର-୨  ଏବଂ ଭିଆଇଆଇଆର-୧ର ପ୍ରାୟ ୪୦% ଜାଗାକୁ ଆଣି ନିଜ କ୍ୱାର୍ଟର୍ସ  ସହ ମିଶାଇ ବିଶାଳ ପାଚେରି ନିର୍ମାଣ କରିଥିଲେ । କାହା ଅନୁମତି  ନେଇ ସେ ଏମିତି କଲେ ତାହାର ମଧ୍ୟ ତଦନ୍ତ ଆବଶ୍ୟକ ବୋଲି  ଆଇନଜୀବୀ କହିଛନ୍ତି । ଏନେଇ କ୍ୟାପିଟାଲ ଥାନା ପୁଲିସ୍‌ କହିଛି ତାଙ୍କ  ଅଭିଯୋଗ ଗ୍ରହଣ କରାଯାଇଛି । ବରିଷ୍ଠ ଅଧିକାରୀଙ୍କ ସହ ଆଲୋଚନା  ପରେ ଯାହା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.