ନୂଆଦିଲ୍ଲୀ: ବିଜେପି ନେତା ଜ୍ୟୋତିରାଦିତ୍ୟ ସିନ୍ଧିଆ ମଧ୍ୟପ୍ରଦେଶର ଗୁନା ଲୋକସଭା ଆସନରୁ ଜିତିବା ପରେ ମଧ୍ୟପ୍ରଦେଶରରୁ ଏକ ରାଜ୍ୟସଭା ଆସନ ଖାଲି ପଡିଛି। ଏଥି ସହିତ ଏହି ଆସନକୁ ରାଜ୍ୟସଭାକୁ ପଠାଇବା ପାଇଁ ଅନେକ ନାମ ଉପରେ ଆଲୋଚନା ହେଉଛି । ମଧ୍ୟପ୍ରଦେଶର ରାଜ୍ୟସଭାର ଏହି ଗୋଟିଏ ଆସନ ଖାଲି ହେବା ପରେ ବିଜେପି ଏହି ଖାଲି ଆସନରେ କେପି ଯାଦବ କିମ୍ବା ନରୋତ୍ତମ ମିଶ୍ରାଙ୍କ ଉପରେ ମୋହର ଲଗାଇବାର ସମ୍ଭାବନା ରହିଛି।
ସୂଚନାଥାଉ କି,ଯେ ଜ୍ୟୋତିରାଦିତ୍ୟ ସିନ୍ଧିଆଙ୍କ କାର୍ଯ୍ୟକାଳ ୨୦୨୬ ବର୍ଷ ପର୍ଯ୍ୟନ୍ତ ରହିଛି। ଜୁନ୍ ୨୦୨୦ରେ ସିନ୍ଧିଆ ରାଜ୍ୟସଭା ସାଂସଦ ଭାବରେ ନିର୍ବାଚିତ ହୋଇଥିଲେ । ସେ ବର୍ତ୍ତମାନ ଲୋକସଭାର ସଦସ୍ୟ ହୋଇଥିବାରୁ ତାଙ୍କ ରାଜ୍ୟସଭା ଆସନ ଖାଲି ପଡିଛି। ସୂଚନାଥାଉକି, ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସର ଯାଦବନ୍ଦ୍ର ସିଂଙ୍କୁ ୫ ଲକ୍ଷ ୪୦ ହଜାର ୯୨୯ ଭୋଟରେ ପରାସ୍ତ କରିଛନ୍ତି।
ତେବେ ଲୋକସଭା ନିର୍ବାଚନ ପର୍ଯ୍ୟନ୍ତ ମଧ୍ୟପ୍ରଦେଶରୁ ବିଜେପିର ୮ ଜଣ ସାଂସଦ ଥିଲେ। ଯେଉଁଠାରେ କଂଗ୍ରେସର ତିନିଜଣ ରାଜ୍ୟସଭା ସାଂସଦ ଅଛନ୍ତି । ବର୍ତ୍ତମାନ ବିଜେପିର ଗୋଟିଏ ଆସନ ଖାଲି ପଡିଛି, ଯେଉଁଥିରେ ବିଜେପି କେ.ପି ଯାଦବ କିମ୍ବା ନରୋତ୍ତମ ମିଶ୍ରାଙ୍କୁ ପଠାଇ ପାରିବେ ।
ତେବେ ଚଳିତଥର ଜ୍ୟୋତିରାଦିତ୍ୟ ସିନ୍ଧିଆ ପୁଣି ଥରେ କ୍ୟାବିନେଟରେ ସ୍ଥାନ ପାଇଛନ୍ତି । ଗତଥର ମୋଦୀ ସରକାରରେ ସିନ୍ଧିଆଙ୍କୁ ବେସାମରିକ ବିମାନ ଚଳାଚଳ ମନ୍ତ୍ରୀ କରାଯାଇଥିଲା ବେଳେ ଏଥର ମୋଦୀ କ୍ୟାବିନେଟରେ ଟେଲିକମ୍ ମନ୍ତ୍ରଣାଳୟର ଦାୟିତ୍ବ ଦିଆଯାଇଛି । ତାଙ୍କ ବ୍ୟତୀତ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କୁ କୃଷି ଓ କୃଷକ କଲ୍ୟାଣ ଏବଂ ପଞ୍ଚାୟତ ଏବଂ ଗ୍ରାମ୍ୟ ଉନ୍ନୟନ ମନ୍ତ୍ରୀ କରାଯାଇଛି