ଲକ୍ଷ୍ନୌ ୬/୯: କୌଶାମ୍ବୀ ଜିଲ୍ଲାର ମହେୱାଘାଟ ଅଞ୍ଚଳରେ ନିଜ ବିବାହ ମନୋକାମନା ପୁରା ନହେବାରୁ ଜଣେ ଯୁବକ ମନ୍ଦିରରୁ ଶିବଲିଙ୍ଗ ଚୋରି କରିଛନ୍ତି । ପୋଲିସ ଅଭିଯୁକ୍ତକୁ ଗିରଫ କରି ଶିବଲିଙ୍ଗକୁ ମନ୍ଦିରରେ ପୁଣି ସ୍ଥାପିତ କରିଛି । ପୋଲିସ ଅଧିକାରୀ ଅଭିଷେକ କୁମାର ବୁଧବାର ଜଣାଇଛି କି ମହେୱାଘାଟ ଥାନା ଅଞ୍ଚଳରେ କୁମ୍ହିୟାବା ଗାଁର ଛୋଟୁକୁ ଏକ ସ୍ଥାନୀୟ ମନ୍ଦିରରେ ଶିବଲିଙ୍ଗ ଚୋରି କରିବା ଅଭିଯୋଗରେ ଗିରଫ କରାଯାଇଛି । ପୋଲିସ ଶିବଲିଙ୍ଗ ଜବତ କରି ପୁଣି ମନ୍ଦିରରେ ସ୍ଥାପନ କରିଛି । 

ପୋଲିସ ଜଣାଇଛି କି ସେପ୍ଟେମ୍ବର ୧ ତାରିଖରେ କିଛି ଲୋକ ମନ୍ଦିରରେ ପୁଜା କରିବାକୁ ପହଞ୍ଚିବା ପରେ ଦେଖିଲେ କି ଶିବଲିଙ୍ଗ ନାହିଁ । ସୂଚନା ମିଳିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ସନ୍ଦେହ ଆଧାରରେ ୩ ସେପ୍ଟେମ୍ବରରେ ଛୋଟୁକୁ ଧରିଥିଲା । ପଚରାଉଚରା ପରେ ସବୁ ଜଣାପଡିଯାଇଥିଲା । 

ପୋଲିସ ସୂଚନା ଅନୁସାରେ ଛୋଟୁ ନିଜ କୌଣସି ସମ୍ପର୍କୀୟ ଝିଅକୁ ବିବାହ କରିବାକୁ ଚାହୁଁଥିଲା । କିନ୍ତୁ ତାଙ୍କ ପରିବାର ଲୋକେ ରାଜିହେଲେନି । ଏଥିରେ ଛୋଟୁ ଶ୍ରାବଣ ମାସରେ ଭଗବାନ ଶିବଙ୍କ ମନ୍ଦିରରେ ପୂଜା କରି ବିବାହ ପାଇଁ ମାନସିକ କରିଥିଲା । ଗାଁ ଲୋକଙ୍କ କହିବାନୁସାରେ ସେ ବିଧି ବିଧାନ ଅନୁସାରେ ଭଗବାନଙ୍କୁ ପୂଜା କରୁଥିଲା । କିନ୍ତୁ ମନୋକାମନା ପୂରଣ ନହେବାରୁ ସେ ମୂର୍ତ୍ତି ଚୋରି କରିଥିଲା ।