ମାଲକାନଗିରି,୧୪ । ୪ : ଗତ ୧୩ଦିନଧରି ଚାଲିଥିବା ମାଲକାନଗିରିର ମା’ ଦଣ୍ଡକାଳୀଙ୍କ ଦଣ୍ଡଯାତ୍ରା ଆଜି ପବିତ୍ର ପଣାସଂକ୍ରାନ୍ତି ଅବସରରେ ଉଦ ଯାପିତ ହୋଇ ଯାଇଛି । ମାଲକାନଗିରି ଜିଲ୍ଲା ମା’ ଦଣ୍ଡକାଳି ପୁଜା କମିଟିର ରାମଚନ୍ଦ୍ର ଦଲେଇ,ଚିତ୍ରସେନ ନାୟକ, ପ୍ରକାଶ ଖଟାଇ,ବିପ୍ରବରାଡ ଙ୍କ ନେତୃତ୍ବରେ ଜିଲ୍ଲାର ମୁଖ୍ୟ ୧୨ଟି ଦେବୀ ସ୍ଥାନ ଭ୍ରମଣକରି ଆଜି ମାଲକାନଗିରି ମା’ ଦଣ୍ଡକାଳୀଙ୍କ ପୀଠରେ ପହଁଚି ଥିଲେ |
ମା’ ଙ୍କ ପିଠରେ ଦଣ୍ଡ ଯାତ୍ରାଦଳ ପ୍ରଥମେ ଧୁଳିଦଣ୍ଡ ପରେ ପାଣିଦଣ୍ଡ ଓ ଅପରାହ୍ନରେ ମେରୁଦଣ୍ଡ ପ୍ରଦର୍ଶନ କରିଥିଲେ ।ମା’ଙ୍କ ପୀଠରେ ଭୋଗପ୍ରସାଦ ସହିତ ପଣାର ବ୍ୟବସ୍ଥା ହୋଇଥିଲା । ମା’ ଦଣ୍ଡକାଳିଙ୍କ ପୀଠରେ ଶତାଧିକ ମାନସିକ ଧାରି ଭକ୍ତମାନେ ପୁଜା ଅର୍ଚ୍ଚନା କରିଥିଲେ । ଏହି ମେରୁ ଯାତ୍ରା ଦେଖିବା ପାଇଁ ଶତାଧିକ ଭକ୍ତ ଓ ଦର୍ଶକ ମାନଙ୍କ ଭିଡ ଲାଗିଥିଲା।