କୋଇଡ଼ା, ୦୨/୦୯ : ନିଖୋଜ ମହିଳାଙ୍କ ମୃତଦେହ ଉଦ୍ଧାର। କୋଇଡ଼ା ଥାନା ଅନ୍ତର୍ଗତ ମାଲଦା ପଞ୍ଚାୟତ କଳମଙ୍ଗ ଗ୍ରାମ ନିକଟସ୍ଥ ମେଣ୍ଢାମାରୁଣୀ ଜଙ୍ଗଲରୁ ଜଣେ ମହିଳାଙ୍କ ଗଳିତ ଶବ ଉଦ୍ଧାର ହୋଇଛି।

ସୂଚନା ଅନୁଯାଇ, କଳମଙ୍ଗ ଗ୍ରାମ ନିବାସୀ ଦେବେନ୍ଦ୍ର ନାଏକଙ୍କ ପତ୍ନୀ ଗୁରା ନାଏକ (୪୫ ବର୍ଷ) ୬ ଦିନ ତଳେ ନିକଟସ୍ଥ ଜଙ୍ଗଲକୁ କାଠ ସଂଗ୍ରହ ପାଇଁ ଯାଇ ଆଉ ଘରକୁ ଫେରି ନଥିଲେ I ପରିବାର ଲୋକ ବହୁ ଖୋଜାଖୋଜି କଲା ପରେ ମହିଳାଙ୍କ କୌଣସି ସନ୍ଧାନ ମିଳି ନଥିଲା। ପରିବାର ଲୋକ ଏନେଇ କୋଇଡା ଥାନାରେ ଏତଲା ଦେଇଥିଲେ I ଗତକାଲି ଗ୍ରାମର କିଛି ଲୋକ ମେଣ୍ଡାମାରୁଣୀ ଜଙ୍ଗଲକୁ ଯାଇଥିଲେ। ଏହି ସମୟରେ ମହିଳାଙ୍କ ଖଣ୍ଡବିଖଣ୍ଡିତ ଗଳିତ ଶବଟିକୁ ଦେଖି ଘର ଲୋକଙ୍କୁ ଖବର ଦେଇଥିଲେ I 

ପରିବାର ଲୋକ ଘଟଣାସ୍ଥଳରେ ପହଞ୍ଚି ଗୁରା ପିନ୍ଧିଥିବା ଶାଢ଼ୀ ଓ ଶବକୁ ଦେଖିବା ପରେ ଏହା ଗୁରାଙ୍କର ବୋଲି ଚି଼ହ୍ନଟ କରିଥିଲେ I ମୃତଦେହ ନିକଟରେ ହାତୀ ପାଦ ଚି଼ହ୍ନ ପଡ଼ିଥିବା ବେଳେ ମୃତ ଶରୀରର କିଛି ଅଂଶକୁ ଜଙ୍ଗଲୀ ଜନ୍ତୁ ଖାଇଥିବା ଅନୁମାନ କରାଯାଉଛି I ଘଟଣା ସମ୍ପର୍କରେ ଖବର ପାଇ ଆଜି ସଖାଳୁ କୋଇଡ଼ା ପୋଲିସ ମୃତଦେହ ଉଦ୍ଧାର କରି ଶବ ବ୍ୟବଛେଦ ପାଇଁ କୋଇଡା ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ I ଶବ ବ୍ୟବଛେଦ ପରେ ମୃତ୍ୟୁର ସଠିକ କାରଣ ଜଣାପଡିବ ବୋଲି ପୋଲିସ ସୂଚନା ଦେଇଛି I