ଭୁବନେଶ୍ୱର,୦୫/୦୯: ଓଡ଼ିଶାରେ ଖାଣ୍ଟି ଓଡ଼ିଆ ଖାଦ୍ୟ ପରଷୁଥିବା ୩ଟି ନିମନ୍ତ୍ରଣ ରେସ୍ତୋରାଁ ଥିଲାବେଳେ ଖୁବ୍ଶୀଘ୍ର ରାଜ୍ୟ ବାହାରେ ୨ଟି ଆଉଟ୍ଲେଟ୍ ଖୋଲିବ । ଓଡ଼ିଆ ଖାଦ୍ୟର ଚାହିଦା ଅନୁଯାୟୀ ସେଠାରେ ଲୋକଙ୍କୁ ସୁସ୍ୱାଦୁ ଓଡ଼ିଆ ବ୍ୟଞ୍ଜନ ପରଷିବାକୁ ନୂଆଦିଲ୍ଲୀ ଏବଂ ବେଙ୍ଗାଲୁରୁରେ ୨ଟି ନିମନ୍ତ୍ରଣ ରେସ୍ତୋରାଁ ଖୋଲିବାକୁ ପ୍ରସ୍ତୁତି ଚାଲିଛି । ଏନେଇ ନିମନ୍ତ୍ରଣ ରେସ୍ତୋରାଁର ଦ୍ୱିତୀୟ ବାର୍ଷିକ ଉତ୍ସବ ପାଳନ ଅବସରରେ ସୂଚନା ଦିଆଯାଇଛି ।
ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ (ଓଟିଡିସି) ଅଧ୍ୟକ୍ଷ ଡ. ଲେନିନ ମହାନ୍ତିଙ୍କ ଉପସ୍ଥିତିରେ ଜନପଥ ଆଉଟ୍ଲେଟ୍ଠାରେ ବାର୍ଷିକ ଉତ୍ସବ ପାଳିତ ହୋଇଯାଇଛି । ଓଡ଼ିଆ ସୁସ୍ୱାଦୁ ଖାଦ୍ୟ ପ୍ରସ୍ତୁତି ପ୍ରଣାଳୀର ସଂରକ୍ଷଣ ଓ ପ୍ରୋତ୍ସାହନ ପାଇଁ ଆମର ପ୍ରତିବଦ୍ଧତା ଅତୁଟ ରହିଛି ବୋଲି ଡ. ମହାନ୍ତି କହିଛନ୍ତି । ଏହି ପରିପ୍ରେକ୍ଷୀରେ ଓଟିଡିସିର ଅଧିକାରୀ ଓ କର୍ମଚାରୀଙ୍କ ସହ ରେସ୍ତୋରାଁକୁ ଆସୁଥିବା ଅତିଥିଙ୍କ ଉପସ୍ଥିତିରେ କେକ୍ କଟାଯାଇଥିଲା । କାର୍ଯ୍ୟକ୍ରମରେ ଓଡ଼ିଶା ପର୍ଯ୍ୟଟନ ବିଭାଗ ସ୍ୱତନ୍ତ୍ର ଅଧିକାରୀ ଅଂଶୁମାନ ରଥ, ଓଟିଡିସି ଡିଭିଜନାଲ ମ୍ୟାନେଜର (ଫାଇନାନ୍ସ) ଅଭିଜିତ ସ୍ୱାଇଁ, ଡିଭିଜନାଲ ମ୍ୟାନେଜର (ମାର୍କେଟିଂ) ପ୍ରଶାନ୍ତ ପଣ୍ଡା, ଡିଭିଜନାଲ ମ୍ୟାନେଜର (କାର୍ମିକ) ଡ. ଆଲୋକ ମିଶ୍ର, ଡିଭିଜନାଲ ମ୍ୟାନେଜର (ପରିବହନ) ରଞ୍ଜନ ମିଶ୍ର, ଅଧୀକ୍ଷଣ ଯନ୍ତ୍ରୀ ସୁନୀଲ ବେହେରା, ନିମନ୍ତ୍ରଣର କାର୍ଯ୍ୟନିର୍ବାହୀ ସେଫ୍ ସଞ୍ଜୟ ସରକାର, ମ୍ୟାନେଜର ନିମନ୍ତ୍ରଣ ଭୁବନେଶ୍ୱର ଚିତ୍ତରଞ୍ଜନ ମଲ୍ଲିକ ପ୍ରମୁଖ ଉପସ୍ଥିତ ଥିଲେ ।