ନୂଆଦିଲ୍ଲୀ ୦୫/୦୬: ଭାରତର ଚେସ୍ ବିସ୍ମୟ ଆର୍. ପ୍ରଜ୍ଞାନନ୍ଦା ଚଳିତ ନରୱେ ଚେସ୍ ଟୁର୍ଣ୍ଣାମେଣ୍ଟରେ ଆଉ ଏକ ବିପର୍ଯ୍ୟୟ ଘଟାଇଛନ୍ତି । ଓପନ ବର୍ଗର ସପ୍ତମ ରାଉଣ୍ଡ୍ରେ ସେ ବିଶ୍ୱ ଚାମ୍ପିଅନ୍ ଚୀନର ଡିଙ୍ଗ୍ ଲିରେନଙ୍କୁ ପରାସ୍ତ କରିଥିଲେ । ଉଭୟଙ୍କ ମଧ୍ୟରେ ପ୍ରଥମେ କ୍ଲାସିକାଲ ଗେମ୍ ଡ୍ର’ ରହିଥିଲା । ଏହାପରେ ପ୍ରଜ୍ଞାନନ୍ଦା ଆର୍ମାଡେଗନ ଗେମ୍ରେ ଲିରେନଙ୍କୁ ହରାଇଥିଲେ । ପୂର୍ବରୁ ସେ ବିଶ୍ୱର ୧ନଂ ଖେଳାଳି ମାଗନସ୍ କାର୍ଲସେନ ଏବଂ ୨ନଂ ଖେଳାଳି ଆମେରିକାର ଫାବିଆନୋ କାରୁଆନାଙ୍କୁ ହରାଇଥିଲେ ।
GM Praggnanandhaa Rameshbabu beat World No.1 Magnus Carlsen and World No.2 Fabiano Caruana in their classical games, and now he beat the World Champion Ding Liren in their Armageddon game! WHAT A PERFORMANCE by the Indian prodigy 🔥🔥 #norwaychess pic.twitter.com/VNIcduLUh4
— Norway Chess (@NorwayChess) June 3, 2024
ସପ୍ତମ ରାଉଣ୍ଡ୍ ଶେଷ ସୁଦ୍ଧା ପ୍ରଜ୍ଞାନନ୍ଦା ମୋଟ ୧୧ପଏଣ୍ଟ ସହ ତୃତୀୟ ସ୍ଥାନରେ ରହିଛନ୍ତି । ନରୱେ ତାରକା କାର୍ଲସେନ (୧୩) ଓ ଆମେରିକାର ହିକାରୁ ନାକାମୁରା (୧୨.୫) ଯଥାକ୍ରମେ ପ୍ରଥମ ଓ ଦ୍ୱିତୀୟ ସ୍ଥାନ ବଜାୟ ରଖିଛନ୍ତି । ମହିଳା ବର୍ଗରେ ପ୍ରଜ୍ଞାନନ୍ଦାଙ୍କ ଭଉଣୀ ଆର୍ ବୈଶାଳୀ କ୍ରମାନ୍ୱୟରେ ଦ୍ୱିତୀୟ ମ୍ୟାଚ୍ ପରାଜିତ ହୋଇଛନ୍ତି । ସେ ନିଜ ଦେଶର କୋନେରୁ ହମ୍ପିଙ୍କ ନିକଟରୁ ହାରି ଯାଇଥିଲେ । ସପ୍ତମ ରାଉଣ୍ଡ୍ ଶେଷ ସୁଦ୍ଧା ବୈଶାଳୀ ୧୦ପଏଣ୍ଟ ସହ ତୃତୀୟ, ହମ୍ପି ୮ପଏଣ୍ଟ ସହ ପଞ୍ଚମ ଏବଂ ୟୁକ୍ରେନର ଆନ୍ନା ମୁଜିଚୁକ (୧୨) ଶୀର୍ଷ ସ୍ଥାନ ବଜାୟ ରଖିଛନ୍ତି ।
