ନୂଆଦିଲ୍ଲୀ,୨୨।୯: ଆମେରିକା ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ସମୟରେ ସେ ରାଷ୍ଟ୍ରପତି ଜୋ ବାଇଡେନ ଏବଂ ତାଙ୍କ ପତ୍ନୀ ଜିଲ୍ ବାଇଡେନଙ୍କୁ ଦେଇଛନ୍ତି ଖାସ୍ ଉପହାର ଦେଇଛନ୍ତି। ପ୍ରଧାନମନ୍ତ୍ରୀ ମୋଦି ବାଇଡେନଙ୍କୁ ଏକ ରୁପାର ଟ୍ରେନ୍ ମଡେଲ୍ ଦେଇଛନ୍ତି। ଏହି ଟ୍ରେନ୍ ମଡେଲ ପୂର୍ବ ସମୟରେ ପ୍ରଚଳିତ ଥିବା ଟ୍ରେନ୍ ମଡେଲ ପରି, ଯାହା ୯୨.୫% ରୁପାରେ ତିଆରି। ସେହିପରି ପ୍ରଧାନମନ୍ତ୍ରୀ ମଧ୍ୟ ଆମେରିକାର ପ୍ରଥମ ମହିଳା ତଥା ବାଇଡେନଙ୍କ ପତ୍ନୀ ଜିଲ୍ ବାଇଡେନଙ୍କୁ ଜମ୍ମୁ କଶ୍ମୀରର ପ୍ରସିଦ୍ଧ ପାଶମିନା ସାଲ୍ ଉପହାର ଦେଇଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକାର ରାଷ୍ଟ୍ରପତି ଜୋ ବାଇଡେନ୍ଙ୍କୁ ତାଙ୍କ ବ୍ୟକ୍ତିଗତ ବାସଭବନରେ ସାକ୍ଷାତ କରିଛନ୍ତି। ଏହି ସମୟରେ ତାଙ୍କୁ ଉପହାର ପ୍ରଦାନ କରିଛନ୍ତି। ପ୍ରଧାନମନ୍ତ୍ରୀ ମୋଦି କ୍ବାଡ ନେତାଙ୍କ ଷଷ୍ଠ ଶିଖର ବୈଠକରେ ଭାଗ ନେବା ପାଇଁ ଶୁକ୍ରବାର ଯେତେବେଳେ ରାଷ୍ଟ୍ରପତି ବାଇଡେନ୍ଙ୍କ ଗୃହନଗର ଓ୍ବିଲାମିଙ୍ଗଟନ୍ ପହଁଞ୍ଚିଥିଲେ। ବାଇଡେନ୍ ମଧ୍ୟ ମୋଦିଙ୍କୁ ଭବ୍ୟ ସ୍ବାଗତ କରିଥିଲେ।ପ୍ରଧାନମନ୍ତ୍ରୀ ମୋଦି ଆମେରିକା ରାଷ୍ଟ୍ରପତିଙ୍କ ହାତରେ ରୂପାରେ ପୁରୁଣା ବାସ୍ପଚାଳିତ ଏକ ଟ୍ରେନ୍ର ଇଞ୍ଜିନ ମଡେଲକୁ ଉପହାରରେ ଦେଇଥିଲେ। ଏହି ପୁରୁଣା ରୂପାର ଟ୍ରେନ୍ ମଡେଲ ଏକ ଦୁର୍ଲଭ ଓ ଅସାଧାରଣ କଳାକୃତ୍ତି, ଯାହାକୁ ରୂପାର ସମୃଦ୍ଧ ଶିଳ୍ପ କୌଶଳ ପାଇଁ ପ୍ରସିଦ୍ଧ ମହାରାଷ୍ଟ୍ରର କାରିଗରଙ୍କ ଦ୍ବାରା ବିଶେଷ ଭାବରେ ତିଆରି କରାଯାଇଛି। ୯୨.୫% ରୂପାରେ ତିଆରି ଏହି ମଡେଲ ଭାରତୀୟ ଧାତୁ କଳାତ୍ମକର ଭବ୍ୟତାକୁ ପ୍ରଦର୍ଶିତ କରିଥାଏ।
କେବଳ ସେତିକି ନୁହେଁ ଆମେରିକାର ପ୍ରଥମ ମହିଳା ଜିଲ୍ ବାଇଡେନ୍ଙ୍କୁ ମୋଦି ମାଶମିନା ସାଲ୍ ଉପହାର ଦେଇଥିଲେ। ଅସାଧାରଣ ଗୁଣବତ୍ତା ଓ ଅଦ୍ବିତୀୟ ସୁନ୍ଦରାର ପ୍ରତୀକ ହେଉଛି ଜମମୁ-କଶ୍ମୀରର ଏହି ଶଲ୍। ଏହା ଲଦାଖଣ ଉଚ୍ଚ ଅଞ୍ଚଳରେ ମିଳୁଥିବା ଚାଙ୍ଗଥାଙ୍ଗି ଛେଳିର ଲୋମରୁ ତିଆରି କରାଯାଇଥାଏ। ଏହି ଲୋମ ଖୁବ ମୁଲାୟମ, ଯାହାକୁ ପଶମ ନାଁରେ ମଧ୍ୟ ଜଣାଯାଏ।
