କଟକ ,୨୫।୬ : ନିର୍ବାଚନ ଡ୍ୟୁଟି ସମୟରେ ଜଣେ ପୋଲିଂ ଅଧିକାରୀଙ୍କ ମୃତ୍ୟୁ ହୋଇଛି। ମୃତକ ଜଣକ ହେଲେ ସୁଜାତା ମିତ୍ର। କଟକ ହାଡିବନ୍ଧୁ ବିଦ୍ୟାପୀଠରେ ଥିବା ବୁଥ ରେ ସେ ପୋଲିଂ ଅଧିକାରିଣୀ ଥିଲେ। ଏହି ଘଟଣାରେ ମୁଖ୍ୟ ନିର୍ବାଚନ ଅଧିକାରୀ ଦୁଃଖ ପ୍ରକାଶ କରିବା ସହ ୧୫ ଲକ୍ଷ ଟଙ୍କା ଅନୁକମ୍ପା ସହୟତା ରାଶି ଘୋଷଣା  କରିଛନ୍ତି। 

ସୁଜାତା ମିତ୍ର ଏକ ସରକାରୀ ପ୍ରାଥମିକ ବିଦ୍ୟାଳୟରେ ଶିକ୍ଷୟିତ୍ରୀ ଭାବେ କାର୍ଯ୍ୟରତ ଥିଲେ। କଟକ-ବାରବାଟୀ ବିଧାନସଭା  ନିର୍ବାଚନମଣ୍ଡଳୀର ବୁଥ ନଂ ୧୧୪  ହାଡିବନ୍ଧୁ ନୋଡାଲ ବିଦ୍ୟାପୀଠରେ ସେ  ପୋଲିଂ ଅଫିସର ଭାବେ ନିଯୁକ୍ତ ହୋଇଥିଲେ। ଡ୍ୟୁଟିରେ ଥିବା ସମୟରେ ସେ ଅସୁସ୍ଥ ହୋଇ ପଡିଥିଲେ। ତାଙ୍କୁ ତୁରନ୍ତ ଏସସିବିରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହି ଘଟଣାରେ ମୁଖ୍ୟ ନିର୍ବାଚନ ଅଧିକାରୀ ଦୁଃଖ ପ୍ରକାଶ କରିବା ସହ ୧୫ ଲକ୍ଷ ଟଙ୍କାର ଅତିରିକ୍ତ ଅନୁକମ୍ପାମୂଳକ ସହାୟତା ରାଶି ପ୍ରଦାନ କରିବାକୁ ଘୋଷଣା କରିଛନ୍ତି।  ଏହାକୁ ଶୀଘ୍ର କାର୍ଯ୍ୟକାରୀ କରିବାକୁ ନିର୍ଦେଶ ଦେଇଛନ୍ତି।