ପ୍ରମୂଖ ଖବର
  • କଟକ: କୋର୍ଟରେ ହାଜର ହେଲେ ଅନୁଭବ ମହାନ୍ତି, ଘରୋଇ ହିିଂସା ମାମଲାରେ ଜାରି ହୋଇଥିଲା NBW
  • ||
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

ରଥଖଳା ହାଲ୍‌ଚାଲ୍‌...୩୨ ଚକ ଶେଷ, ଯୋକା ଆରମ୍ଭ, ଆଜି ମୁହାଁଟ ବିନ୍ଧ ଅନୁକୂଳ

ପୁରୀ,୦୩/୦୬: ରଥତ୍ରୟର ଚକ, ଅଖ, ଗୁଜ ତିଆରିରେ ବ୍ୟସ୍ତ ନିର୍ମାଣକାରୀ । ବିଶ୍ୱକର୍ମାମାନେ ଚକ ତିଆରିରେ ନିମଗ୍ନ । ଭୋଇସେବକମାନେ ସିଙ୍ଗଡ଼ା ବାଡ଼େଇ ଚକ ତିଆରିରେ ବିଶ୍ୱକର୍ମାଙ୍କୁ ସାଥ୍‌ ଦେଉଛନ୍ତି । ରବିବାର ସନ୍ଧ୍ୟା ସୁଦ୍ଧା ୩ ରଥର ପ୍ରାୟ ୩୨ ଚକ ଶେଷ ହୋଇଛି । ରଥ ଖଳାରେ ସାନ ଉଛୁଳା ବ୍ରେକ ଅଖ ତିଆରି ଶେଷ ହେବା ଉପରେ। ରଥର ମୁହାଁଟ କାମ ସରିଛି । ଏବେ ମୁହାଁଟରେ ସୂତା ବାଡ଼ିଆ ଯାଇଛି । ସୋମବାର ମୁହାଁଟରେ ବିନ୍ଧ ଅନୁକୂଳ ପାଇଁ ପ୍ରସ୍ତୁତି ଚାଲିଥିବା କୁହାଯାଉଛି । 

ରବିବାର ରଥର ଯୋକା କାମ ଆରମ୍ଭ ହୋଇଛି । ତାଳଧ୍ୱଜର ୫ଟି ଯୋକା ନିର୍ମାଣ ହୋଇଥିବା କୁହନ୍ତି ବାଳକୃଷ୍ଣ ମହାରଣା । ତିନି ରଥରେ ସମନ୍ୱୟ ରଖି କାର୍ଯ୍ୟ କରାଯାଉଛି । ନନ୍ଦିଘୋଷ ଓ ତାଳଧ୍ୱଜର ୧୬  ଲେଖା ଯୋକା ସଂଖ୍ୟା । ଦେବଦଳନ ରଥରେ ୧୨ଟି  ଯୋକା ଲାଗିଥାଏ । ରଥର କୋଣମାନଙ୍କରେ ଯୋକା  ସ୍ଥାପନ କରାଯାଏ। ତାଳଧ୍ୱଜ ରଥର ୪ କୋଣରେ ୪ଟି  କରି ୧୬ଟି ଗୁଜ ଓ ସେହି ଅନୁସାରେ ଯୋକା ଲାଗିବ ।  ନନ୍ଦିଘୋଷ ରଥରେ ସେହି ଅନୁସାରେ ଯୋକା ଲାଗେ । ଦେବଦଳନ ରଥରେ ୪ କୋଣରେ ୩ଟି କରି ୧୨ଟି  ଯୋକା ଲଗାଯିବ ।  

ଚକ ଶେଷ ହେବାକୁ ପହିକୁ ଅପେକ୍ଷା । କିଛି ପହି କାଠ ଉପୋଯୋଗୀ ନହେବାରେ କରତକଳରୁ ପୁଣି  ପହି ଆସିବାକୁ ପ୍ରତୀକ୍ଷା ରହିଛି । ତେବେ ସବୁ ଚକ  କାମ ସରିଲେ ଖଳାରୁ ବାହାରିବ । କେହି ଆଗୁଆ କି  ପଛୁଆ ହେବେ ନାହିଁ । ଶୀତଳଷଷ୍ଠୀ ସୁଦ୍ଧା ସବୁ ଚକ  ଓ ଅଖ ତିଆରି ସରିଯିବ ବୋଲି ନିର୍ମାଣକାରୀ କୁହନ୍ତି ।  ରୂପକାରମାନେ ଗୁଜ ନିର୍ମାଣରେ ନିମଗ୍ନ । ମୁଗୁର ଓ  ନିହଣ ମୁନରେ ଚାଲିଛି ସିଂହବିରାଳ ମୂର୍ତ୍ତି ଖୋଦେଇ ।  ନୃସିଂହ ଜନ୍ମ ଅବସରରେ ଶ୍ରୀନୃସିଂହଙ୍କ ଆବାହନ କରି  କାର୍ଯ୍ୟ ଆରମ୍ଭ କରିଥିଲେ ରୂପକାର । ସେବେଠାରୁ ତିନି  ରଥର ରୂପକାରମାନେ ଗୁଜରେ ଖୋଦେଇ କରୁଛନ୍ତି । ଓଝା  ସେବକମାନେ ଦଣ୍ଡା କଣ୍ଟା ପ୍ରସ୍ତୁତ କରୁଛନ୍ତି । ଅଗପାତଳି  ଓ ଚଉରସ କଣ୍ଟା ତିଆରି ହେଉଛି । ତିନି ରଥ ପାଇଁ  ସ୍ୱତନ୍ତ୍ର ୩ଟି ଶାଳରେ ପ୍ରସ୍ତୁତ ହେଉଛି ଲୌହ ସାମଗ୍ରୀ ।

  • PrameyaOdia
  • prameya
  • Ratha Yatra 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.