ମୁମ୍ବାଇ,୨୫/୦୯: ପୁଣି ପରଦାକୁ ଆସୁଛନ୍ତି ସଲମାନ ଖାନ। ନିକଟରେ ସେ ତାଙ୍କ ଆଗାମୀ ଫିଲ୍ମ 'ସିକନ୍ଦର' ଘୋଷଣା କରିଥିବା ବେଳେ ବର୍ତ୍ତମାନ ସେ ଏହି ଫିଲ୍ମ ପାଇଁ ଜୋରଦାର ପ୍ରସ୍ତୁତିରେ ଲାଗି ପଡିଛନ୍ତି । ତେବେ ଏହି ଫିଲ୍ମ ଘୋଷଣା ହେବା ଦିନ ଠାରୁ ଫ୍ୟାନ୍ସ ଉତ୍ସାହର ସହ ଫିଲ୍ମର ଅପଡେଟକୁ ଅପେକ୍ଷା କରିଥିବା ବେଳେ ଏହାରି ମଧ୍ୟରେ ବର୍ତ୍ତମାନ ସଲମାନ ଖାନଙ୍କ ଫିଲ୍ମ 'ସିକନ୍ଦର'ରୁ ନୂଆ ଲୁକ ସାମ୍ନାକୁ ଆସିଛି । ଯାହା ବର୍ତ୍ତମାନ ସୋସିଆଲ ମିଡିଆରେ ଧମାକା ସୃଷ୍ଟି କରୁଛି । ଭାଇଜାନଙ୍କ ସିକନ୍ଦର ଲୁକ ଦେଖି ଫ୍ୟାନ୍ସ ଖୁବ୍ ପ୍ରଶଂସା କରିଛନ୍ତି ।

ତେବେ ସଲମାନ ଖାନ ଗତକାଲି ରାତିରେ ନିଜ ଇନଷ୍ଟାଗ୍ରାମ ଆକାଉଣ୍ଟରେ 'ସିକନ୍ଦର'ରୁ ପ୍ରଥମ ଲୁକ୍ ଫଟୋ ସେୟାର କରିଛନ୍ତି । ସଲମାନ ଖାନଙ୍କ ଏହି ଲୁକ ଏବେ ତାଙ୍କ ପ୍ରଶଂସକଙ୍କ ମଧ୍ୟରେ ଲୋକପ୍ରିୟ ହୋଇପାରିଛି । ଏହି ଫଟୋରେ ସଲମାନ ଖାନ ଜିମ୍ କରୁଥିବା ନଜର ଆସିଛନ୍ତି । ବଡ଼ି ଟ୍ରାନ୍ସଫର୍ମେସନ ଦେଖିବାକୁ ମିଳିଛି । ଯାହା ଏବେ ସୋସିଆଲ ମି଼ଡିଆରେ ଖୁବ ଭାଇରାଲ ହେଉଥିବା ବେଳେ ଫ୍ୟାନ୍ସ ଏହାକୁ ବେଶ ପସନ୍ଦ କରିବା ସହ ଭାଇଜାନଙ୍କ ଖୁବ ପ୍ରଶଂସା କରିଛନ୍ତି । ଜଣେ ଫ୍ୟାନ୍ ଲେଖିଛନ୍ତି, SRK ବର୍ତ୍ତମାନ ଚାଲିଯାଇଛନ୍ତି... ଭାଇଜାନ ବକ୍ସ ଅଫିସରେ ଧମାକା କରିବେ । ଅନ୍ୟ ଜଣେ ଲେଖିଛନ୍ତି, ତୁଫାନ ଆସୁଛି । ଅନ୍ୟ ଜଣେ ଲେଖିଛନ୍ତି, ଭାଇ ପୁରା ଫର୍ମରେ ଅଛନ୍ତି ।