ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ମ୍ୟାଚ୍‌ ପରେ ହୋଟେଲରେ ଅଫିସ୍‌ କାର୍ଯ୍ୟ କରୁଛନ୍ତି ନେତ୍ରାଭଲକର, ଖୁଲାସା କଲେ ଭଉଣୀ ନିଧି

ନୂଆଦିଲ୍ଲୀ,୧୫/୦୬: ଟି-ଟ୍ୱେଣ୍ଟି ବିଶ୍ୱକପ୍‌ରେ ଅନ୍ୟତମ ଚର୍ଚ୍ଚିତ ଖେଳାଳି ଭାବେ ଉଭା ହୋଇଛନ୍ତି ୟୁଏସ୍‌ଏର ପ୍ରମୁଖ ଫାଷ୍ଟ୍‌ ବୋଲର ସୌରଭ ନେତ୍ରାଭଲକର । ସେ ପାକିସ୍ତାନ ଓ ଭାରତ ବିପକ୍ଷ ମ୍ୟାଚ୍‌ରେ ପ୍ରଭାବୀ ପ୍ରଦର୍ଶନ କରି ରାତାରାତି ଷ୍ଟାର୍‌ ପାଲଟି ଯାଇଛନ୍ତି । ୟୁଏସ୍‌ଏ ପକ୍ଷରୁ କ୍ରିକେଟ୍‌ ଖେଳିବା ସହ ସେ ଅଫିସ୍‌ କାର୍ଯ୍ୟ ମଧ୍ୟ ଜାରି ରଖିଥିବା ତାଙ୍କ ଭଉଣୀ ନିଧି ସୂଚନା ଦେଇଛନ୍ତି । ନେତ୍ରାଭଲକର ଜଣେ ସଫ୍ଟୱେର ଇଞ୍ଜିନିୟର ଏବଂ ଓରାକଲ କମ୍ପାନୀରେ ଚାକିରି କରୁଛନ୍ତି ।

ନିଧି କହିଛନ୍ତି, ବିଶ୍ୱକପ୍‌ ମ୍ୟାଚ୍‌ ଶେଷ ହେବା ପରେ ନେତ୍ରାଭଲକର ହୋଟେଲରେ ପହଞ୍ଚି ଅଫିସ୍‌ କାର୍ଯ୍ୟ କରନ୍ତି । ସେ କ୍ରିକେଟ୍‌ ଏବଂ ଚାକିରିକୁ ସମାନ ଗୁରୁତ୍ୱ ଦେଇ ଆସିଛନ୍ତି । କ୍ରିକେଟରୁ ଦୂରରେ ଥିଲେ ସେ ଚାକିରି ପାଇଁ ୧୦୦% ଦିଅନ୍ତି । ଏପରିକି ସବୁଆଡ଼େ ଲାପଟପ୍‌ ଧରି ଯାଇଥାନ୍ତି । ଭାରତ ଆସିଲେ ସେ ଲାପଟପ୍‌ରେ ଅଫିସ୍‌ କାର୍ଯ୍ୟ  କରନ୍ତି । ନେତ୍ରାଭଲକର ମୁମ୍ବାଇରେ ବଢ଼ିଛନ୍ତି । ତାଙ୍କ ନିକଟରେ ମୁମ୍ବାଇର ଜୀବନଶୈଳୀ ଏବେ ବି ରହିଛି ।’  

ସୂଚନାଯୋଗ୍ୟ, ନେତ୍ରାଭଲକର ପାକିସ୍ତାନ ବିପକ୍ଷ  ମ୍ୟାଚ୍‌ରେ ୟୁଏସ୍‌ଏର ସୁପର ଓଭର ବିଜୟରେ ମୁଖ୍ୟ  ଭୂମିକା ଗ୍ରହଣ କରିଥିଲେ । ପ୍ରଥମେ ୪ଓଭରରେ ୨ଟି  ୱିକେଟ୍‌ ନେଇଥିଲେ । ସୁପର ଓଭରରେ ୧୮ରନ୍‌  ଡିଫେଣ୍ଡ କରି ଦଳକୁ ଅବିଶ୍ୱସନୀୟ ବିଜୟ ଭେଟି  ଦେଇଥିଲେ । ଏହି ଓଭରରେ ସେ ୧୩ରନ୍‌ ପ୍ରଦାନ  କରି ଗୋଟିଏ ୱିକେଟ୍‌ ନେଇଥିଲେ । ସେହିପରି  ଭାରତ ବିପକ୍ଷ ମ୍ୟାଚ୍‌ରେ ଷ୍ଟାର୍‌ ବ୍ୟାଟର ରୋହିତ  ଶର୍ମା ଏବଂ ବିରାଟ କୋହଲିଙ୍କୁ ଆଉଟ୍‌ କରିଥିଲେ ।

  • PrameyaOdia
  • prameya
  • T-20 World Cup
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.