ପ୍ରମୁଖ ଖବର
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ପେଟରେ ଗଜ କପଡ଼ା ଗୁଡ଼ାଇ ଗଞ୍ଜେଇ ଚାଲାଣ, ୪ଗିରଫ

ମାଲକାନଗିରି,୮/୪ :  ପେଟରେ ଗଜ କପଡା ଗୁଡ଼ାଇ ଅଭିନବ ଉପାୟରେ ଗଞ୍ଜେଇ ଚାଲାଣ କରୁଥିବାବେଳେ ଗଞ୍ଜେଇ ସହିତ ୪ ଜଣଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି । ମାଲକାନଗିରି ଏସପି ନିତେଶ ୱାଧ୍ବନୀ ଗଣ ମାଧ୍ୟମକୁ ଏହି ସୂଚନା ଦେଇଛନ୍ତି । ପୁଲିସ ସୂଚନା ଅନୁଯାୟୀ ଆଜି ସକାଳେ ଓର୍କେଲ ଥାନା ସବଇନ୍ସପେକ୍ଟର  ଅଜିତ ସିଂ ବରିହା ଓ ମନୋହର ସାହୁ ଅନ୍ୟ ପୁଲିସ କର୍ମଚାରୀମାନେ ବାଲିମେଳା ଚିତ୍ରକୋଣ୍ଡା ରାସ୍ତାରେ ପାଟ୍ରୋଲିଂ କରୁଥିଲେ । ସେହି ରାସ୍ତାରେ ୪ଜଣ ଅଚିହ୍ନା ବ୍ୟକ୍ତି ସନ୍ଦେହଜନକ ଅବସ୍ଥାରେ ଠିଆ ହୋଇଥିବା ଦେଖି ସେମାନଙ୍କ ନିକଟକୁ ଯିବାରୁ ସେମାନେ ଦୌଡ଼ି ପଳାଇବାକୁ ଚେଷ୍ଟା କରିଥିଲେ । ପୁଲିସ ଗୋଡ଼ାଇ ସେମାନଙ୍କୁ କାବୁ କରି ନେଇ ଥିଲେ । ଜଣଙ୍କ ପେଟ ଉଚ୍ଚା ଦେଖାଯିବାରୁ ସାର୍ଟ ଖୋଲି ଯାଞ୍ଚ କରିବାରୁ ପେଟରେ ଗଞ୍ଜେଇ ରଖି ଗଜ କପଡ଼ା ଗୁଡ଼ାଇ ରଖାଯାଇଥିବା ଦେଖିଥିଲେ । ବ୍ୟାଗ ମଧ୍ୟରୁ ମଧ୍ୟ କିଛି ଗଞ୍ଜେଇ ମିଳିଥିଲା। ସେମାନଙ୍କ ନିକଟରୁ ୩୮କେଜି୨୦୦ଗ୍ରାମ ଗଞ୍ଜେଇ ଜବତ କରାଯାଇଛି । 

ଗଞ୍ଜେଇ ଚୋରା ଚାଲାଣ ଅଭିଯୋଗରେ ମହାରାଷ୍ଟ୍ର ରାଜ୍ୟ  ଅମରାବତୀ ଜିଲ୍ଲାର ମହମ୍ମଦ ଫାଇଜନ(୨୫), ସେକ ସାରିକ(୪୫), ବଜରଙ୍ଗ ଅଶୋକ ପଟେଲ(୨୯) ଓ ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଥାନା ଅଞ୍ଚଳର ସୁନାଧର ଖିଲଙ୍କୁ ପୁଲିସ ଗିରଫ କରି ସେମାନଙ୍କ ନିକଟରୁ ଗଞ୍ଜେଇ, ଦୁଇଟି ମୋବାଇଲ ଫୋନ, ୨ ହଜାର ୧୦୦ଟଙ୍କା ଜବତ କରିଛନ୍ତି। ଗିରଫ ବ୍ୟକ୍ତିମାନଙ୍କୁ ଆଜି କୋର୍ଟ ଚାଲାଣ କରାଯାଇଛି।

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.