ନୂଆଦିଲ୍ଲୀ,୩୦।୫: ୭୫ ଦିନ ହେବ ଚାଲିଥିବା ଲୋକସଭା ନିର୍ବାଚନର ପ୍ରଚାର ଅଭିଯାନ ଗୁରୁବାର ଥମି ଯାଇଛି। ବଡ ବଡ ରାଲି, ନିର୍ବାଚନୀ ସଭା ଓ ରୋଡ ଶୋ’ ଶେଷ ହୋଇଛି। ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରାହୁଲ ଗାନ୍ଧୀ, ଜେପି ନଡ୍ଡା, ଯୋଗୀ ଆଦିତ୍ୟନାଥ ଓ ପ୍ରିୟଙ୍କା ଗାନ୍ଧୀ ରାଲି କରିଛନ୍ତି। ସେପେଟ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କୋଲକାତାରେ ୮ କିଲୋମିଟର ଲମ୍ବା ପଦଯାତ୍ରା କରିଛନ୍ତି। ପ୍ରଧାନମନ୍ତ୍ରୀ ପଞ୍ଜାବର ହୋସିୟାରପୁରରେ ନିଜର ଶେଷ ରାଲି କରିଛନ୍ତି। ଏଠାରୁ ପ୍ରଧାନମନ୍ତ୍ରୀ କନ୍ୟାକୁମାରୀ ଅଭିମୁଖେ ଯାତ୍ରା କରିବେ।
କନ୍ୟାକୁମାରୀରେ ମୋଦି ୪୫ ଘଣ୍ଟା ପର୍ଯ୍ୟନ୍ତ ଧ୍ୟାନରେ ବସିବେ। ୧ଜୁନ୍ ମଧ୍ୟାହ୍ନ ୩ଟା ବେଳେ ସେଠାରୁ ପ୍ରଧାନମନ୍ତ୍ରୀ ବାହାରିବେ।ସେ ଦିନ ତାଙ୍କ ଆସନ ବାରଣାସୀ ସହିତ ୮ ରାଜ୍ୟ ଓ ଚଣ୍ଡୀଗଡର ୫୭ଟି ଆସନରେ ଭୋଟିଂହେବ। ଏହି କାରଣରୁ ବିରୋଧି ତାଙ୍କ ଧ୍ୟାନକୁ ଆଚାର ସଂହିତାର ଉଲଂଘନ ବୋଲି କରି ବିରୋଧ କରିଛନ୍ତି।
୭ଟି ପର୍ଯ୍ୟାୟର ନିର୍ବାଚନୀ କାର୍ଯ୍ୟକ୍ରମ ବେଳେ ସବୁ ଦଳର ବଡ ବଡ ନେତାମାନେ ନିଜର ଜୋର ଲଗାଇ ଦେଇଛନ୍ତି। ଏହି ସମୟରେ ପ୍ରଧାନମନ୍ତ୍ରୀ ମୋଦି ୧୭୨ଟି ରାଲି ଓ ରୋଡ ଶୋ’ କରିଛନ୍ତି। ଅମିତ ଶାହ ୧୧୫ ରାଲି ଓ ୧୮ଟି ରୋଡ୍ ଶୋ’ କରିଚନ୍ତି। ସେଭଳି ବିରୋଧି ଦଳର କଥା ଯଦି ହେବା ତେବେ ରାହୁଲ ଗାନ୍ଧୀ ୧୦୭ ଟି ରାଲି ଓ ରୋଡ୍ ଶୋ’ କରିଛନ୍ତ। ଅଖିଳେଶ ଯାଦବ ୬୯ ରାଲି ଓ ୪ଟି ପଦଯାତ୍ରା କରିଛନ୍ତି, ସେଭଳି ମମତା ବାନାର୍ଜୀ ୬୧ଟି ରାଲି ଓ ବହୁ ରୋଡ ଶୋ’ କରିଛନ୍ତି।
କଂଗ୍ରେସରୁ ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଭଦ୍ରା ଓ ମାଲିକାର୍ଜୁନ ଖଡଗେଙ୍କ ଭିତରୁ ପ୍ରିୟଙ୍କା ସବୁଠାରୁ ଅଧିକ ରାଲି, ରୋଡ୍ ଶୋ’ ଓ ମିଡିଆ ସହ କଥା ହୋଇଛନ୍ତି। ପ୍ରିୟଙ୍କା ୧୪୦ ରୁ ଅଧିକ ରାଲି ଓ ରୋଡ୍ ଶୋ’ କରିଛନ୍ତି। ୧୦୦ ମିଡିଆ ବାଇଟ୍ ଓ ଇଣ୍ଟରଭ୍ୟୁ ଦେଇଛନ୍ତି। ଏହା ସହିତ ୫ଟି ଫୁଲ ପ୍ରିଣ୍ଟ ଇଣ୍ଟରଭ୍ୟୁ ଦେଇଛନ୍ତି। ସେଭଳି ଖଡଗେ ୧୦୦ରୁ ଅଧିକ ରାଲି ୨୦ରୁ ଅଧିକ ପ୍ରେସ୍ କନଫ୍ରେନ୍ସ ଓ ୫୦ରୁ ଅଧିକ ଇଣ୍ଟରଭ୍ୟୁ କରିଛନ୍ତି।