ପ୍ରମୁଖ ଖବର
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ପାକିସ୍ତାନକୁ ‘ଭ୍ରମଣ ପାଇଁ ବିପଦଜନକ’ ଦେଶ ତାଲିକାରେ ସାମିଲ କଲା ବ୍ରିଟେନ୍‌

ଇସ୍ଲାମାବାଦ: ବ୍ରିଟେନର ଲୋକେ ଏବେ ପାକିସ୍ତାନ ବୁଲିବାକୁ ଆସିପାରିବେ ନାହିଁ । ଭ୍ରମଣ ଲାଗି ପାକିସ୍ତାନ ସବୁଠୁ ଭୟଙ୍କର ଦେଶ ବୋଲି  ବ୍ରିଟେନ୍‌ର ଫରେନ୍‌, କମନଓ୍ବେଲ୍ଥ ଆଣ୍ଡ ଡେଭେଲପମେଣ୍ଟ ଅଫିସ (ଏଫସିଡିଓ) ତାଲିକା ଜାରି କରିଛି । ଭ୍ରମଣ ଲାଗି ଅନୁପଯୁକ୍ତ ଦେଶ ତାଲିକାରେ ପାକିସ୍ତାନ ସମେତ ୮ଟି ଦେଶକୁ ସାମିଲ କରିଛି ବ୍ରିଟେନ୍‌ ।  ମୋଟ ୨୪ଟି ସ୍ଥାନକୁ ଭ୍ରମଣରେ ନଯିବା ଲାଗି ନିଜ ଦେଶର ଲୋକମାନଙ୍କୁ ସତର୍କ କରାଇଛି ବ୍ରିଟେନ୍ । 

ଏବେ ଏବେ ଏହି ତାଲିକାରେ ପାକିସ୍ତାନ, ଋଷିଆ, ୟୁକ୍ରେନ୍‌, ଇସ୍ରାଏଲ, ଇରାନ୍‌, ସୁଡାନ, ଲେବାନନ, ବେଲାରୁଷ ଏବଂ ପାଲେଷ୍ଟାଇନ୍‌ ରିଜିୟନ୍‌କୁ ସାମିଲ କରିଛି ଏଫସିଡିଓ । ଯୁଦ୍ଧ, ଅପରାଧ, ରୋଗ, ଆତଙ୍କବାଦ, ପାଣିପାଗର ସ୍ଥିତି ଏବଂ ପ୍ରାକୃତିକ ବିପର୍ଯ୍ୟୟକୁ ଦୃଷ୍ଟିରେ ରଖି ଏହି ସବୁ ଦେଶକୁ ଭ୍ରମଣ ଲାଗି ବ୍ରିଟେନ ନିଜର ନାଗରିକଙ୍କୁ ବାରଣ କରିଥିବା ଜଣାପଡ଼ିଛି । 

ଏହା ପୂର୍ବରୁ ଏଫସିଡିଓ ବ୍ଲାକ ଲିଷ୍ଟ କରିଥିବା ଦେଶଗୁଡ଼ିକ- ଆଫଗାନିସ୍ତାନ, ବୁରକିନା ଫାସୋ, ସେଣ୍ଟ୍ରାଲ ଆଫ୍ରିକାନ୍‌ ରିଜିୟନ୍‌, ଚାଦ, ହାଇତି, ଇରାକ, ଇସ୍ରାଏଲ, ଲେବାନନ୍‌, ଲିବ୍ୟା, ମାଲି, ନାଇଜର, ଉତ୍ତର କୋରିଆ, ସୋମାଲିଆ, ସୋମାଲିଲାଣ୍ଡ, ସାଉଥ ସୁଡାନ୍‌, ସିରିୟା, ଭେନେଜୁଏଲା ଏବଂ ୟେମେନ୍‌ । ଏହା ବ୍ୟତୀତ ଏଫସିଡିଓ ରେଡ୍‌ ଲିଷ୍ଟ ମଧ୍ୟ ଜାରି କରିଛି । ଏହାର ଅର୍ଥ ରେଡ୍‌ ଲିଷ୍ଟ ଜାରି ହୋଇଥିବା ଦେଶକୁ ଅତ୍ୟାବଶ୍ୟକ ନଥିଲେ ଭ୍ରମଣ କରିବାକୁ ନାଗରିକଙ୍କୁ ମନା କରିଛି ବ୍ରିଟେନ୍‌ । 

ସେପଟେ ୨୦୨୩ରେ ହିଂସାକାଣ୍ଡରେ ୧୫୨୪ ଜଣଙ୍କ ମୃତ୍ୟୁ ହୋଇଥିଲା ଏବଂ ୧୪୬୩ ଆହତ ହୋଇଥିଲା । ସେଥିମଧ୍ୟରୁ ଆତଙ୍କବାଦୀ ଆକ୍ରମଣ ଯୋଗୁ ୭୮୯ ଜୀବନ ଯାଇଥିଲା । ଏନେଇ ପାକିସ୍ତାନୀ ଗଣମାଧ୍ୟମ ଡନ୍‌ରେ ରିପୋର୍ଟ ପ୍ରକାଶ ପାଇଛି । ୨୦୧୭ ପରେ ୨୦୨୩ରେ   ପାକିସ୍ତାନରେ ଅଧିକ ହିଂସାକାଣ୍ଡ ଘଟିଥିଲା । ଏପରିକି ୨୦୨୧ରୁ ଲଗାତାର ୩ ବର୍ଷ ଦେଶରେ ହିଂସାକାଣ୍ଡ ସଂଖ୍ୟା ବୃଦ୍ଧି ପାଇଛି ।  

  • Pakistan
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.