ଧର୍ମଗଡ଼, ୦୮/୧୨ : ଏସଡିଓଙ୍କ ସନ୍ଦେହଜନକ ମୃତ୍ୟୁ। ମୁଖିଗୁଡ଼ା ସ୍ଥିତ କ୍ଵାର୍ଟର୍ସରୁ ମିଳିଲା ମୃତଦେହ। ଜଳ ସମ୍ପଦ ବିଭାଗର ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ହେଉଛନ୍ତି ରଞ୍ଜିତ କୁମାର କାର୍ଜି।
ସୂଚନାନୁଯାୟୀ, ଜଳ ସମ୍ପଦ ବିଭାଗର ଏସଡିଓ ରଞ୍ଜିତ କାର୍ଜି ଇନ୍ଦ୍ରାବତୀ ଅଧୀକ୍ଷଣ ଯନ୍ତ୍ରୀଙ୍କ କାର୍ଯ୍ୟାଳୟରେ କାର୍ଯ୍ୟରତ ଥିଲେ। ଶୁକ୍ରବାର ମୁଖିଗୁଡ଼ା ସ୍ଥିତ କ୍ଵାର୍ଟର୍ସରୁ ସନ୍ଦେହଜନକ ଭାବେ ତାଙ୍କର ମୃତଦେହ ଉଦ୍ଧାର ହୋଇଛି। ତାଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଛି। ରଞ୍ଜିତ କାର୍ଜି ରାୟଗଡ଼ା ଜିଲ୍ଲା ପାରଳାଖମୁଣ୍ଡିର ବୋଲି ଜଣାପଡ଼ିଛି। ଘଟଣା ସ୍ଥଳରେ ଜୟପାଟଣା ପୋଲିସ ପହଞ୍ଚି ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛି। ପୋଲିସ ଏନେଇ ଅଧିକ ତଦନ୍ତ କରୁଛି।
