ଜଟଣୀ,୩୧।୮:   ଜଟଣୀ ବ୍ଲକ  ପାଇକାରପୁରରେ ମଦ୍ୟପ ଯୁବକଙ୍କ ଉନ୍ମତ୍ତ କାଣ୍ଡ।  ଘରେ ପଶି ମହିଳାଙ୍କୁ ନିଆଁ ଲଗାଇ ଜାଳି ଦେବାକୁ  ଉଦ୍ୟମ କରିଛି। ପୋଡି ହୋଇ ମହିଳା ଜଣକ ଗୁରୁତର ହୋଇଛନ୍ତି। ସ୍ଥାନୀୟ ଲୋକେ ମହିଳାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛନ୍ତି  l ପୋଡି ହୋଇଯାଇଥିବା ମହିଳା ଜଣକ ହେଲେ ପ୍ରତିମା ବେହେରା। 

 ଜଟଣୀ ବ୍ଲକ  ପାଇକାରପୁରରେ ଜଣେ ନିଶାଗ୍ରସ୍ତ ଯୁବକ ଘରେ ପଶି ପ୍ରତିମାଙ୍କ ଦେହରେ ନିଆଁ ଲଗାଇ ଦେଇଥିଲେ। ଏଥିରେ ମହିଳା ଜଣକ ପୋଡିଯାଇଥିଲେ। ମହିଳାଙ୍କ ପରିବାର ଲୋକ ଉଦ୍ଧାର କରି ଚିକିତ୍ସା ପାଇଁ ଏମ୍ସରେ ଭର୍ତ୍ତି କରିଛନ୍ତି। ଖବର ପାଇ ପୋଲିସ ପହଞ୍ଚି ନିଶାଗ୍ରସ୍ତ ଯୁବକକୁ କାବୁ କରିବା ସହିତ ଘଟଣାର ଅଧିକ ତଦନ୍ତ   ଜାରି ରଖିଛି ।  ମହିଳାଙ୍କ ଶରୀରର ୮୦ ପ୍ରତିଶତ ପୋଡ଼ି ଯାଇଥିବା ପରିବାର ପକ୍ଷରୁ ସୂଚନା  ଦିଆଯାଇଛି।