ପ୍ରମୂଖ ଖବର
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

କର୍ଣ୍ଣାଟକ ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ: ବିବାହ ପର୍ଯ୍ୟନ୍ତ ଝିଅଙ୍କୁ ମିଳିବନି ଭରଣପୋଷଣ

ବେଙ୍ଗାଲୁରୁ,୦୫/୦୯: ଘରୋଇ ହିଂସା ଆଇନ ୨୦୦୫ ଅନୁସାରେ ବିବାହ କରିବା ପର୍ଯ୍ୟନ୍ତ ଜଣେ ଝିଅକୁ ଭରଣପୋଷଣ ଦିଆଯିବାର ପ୍ରାବଧାନ ନାହିଁ । ତେଣୁ ସେହି ସମୟ ପର୍ଯ୍ୟନ୍ତ ଝିଅକୁ ଭରଣପୋଷଣ ମିଳିବ ନାହିଁ ବୋଲି କର୍ଣ୍ଣାଟକ ହାଇକୋର୍ଟ ରାୟ ଦେଇଛନ୍ତି । ହାଇକୋର୍ଟର ବିଚାରପତି ରାଜେନ୍ଦ୍ର ବାଦାମିକରଙ୍କୁ ନେଇ ଗଠିତ ଜଣିକିଆ ଖଣ୍ଡପୀଠ କହିଛନ୍ତି ଘରୋଇ ହିଂସା ଆଇନ ଅନୁସାରେ ଝିଅମାନଙ୍କୁ ପ୍ରାପ୍ତ ବୟସ୍କ ହେବା ପର୍ଯ୍ୟନ୍ତ ଭରଣପୋଷଣ ବାବଦରେ ଆର୍ଥିକ ସହାୟତା ମିଳିପାରିବ । କିନ୍ତୁ ସେମାନେ ବିବାହ କରିବା ପର୍ଯ୍ୟନ୍ତ ସହାୟତା ମିଳିପାରିବ ନାହିଁ । 

ମାଜିଷ୍ଟ୍ରେଟ ଓ ସେସନ୍ସ କୋର୍ଟର ନିଷ୍ପତ୍ତିକୁ ବିରୋଧ କରି ଜଣେ ପିତାଙ୍କ ପକ୍ଷରୁ ଆଗତ ଆବେଦନକୁ ଗ୍ରହଣ କରିବା ଅବସରରେ ବିଚାରପତି ବାଦାମିକର ଏହା କହିଛନ୍ତି । ପୂର୍ବରୁ ମାଜିଷ୍ଟ୍ରେଟଙ୍କ କୋର୍ଟ ଏବଂ ପରେ ସେସନ୍ସ କୋର୍ଟ ଜଣେ ପିତାଙ୍କୁ ତାଙ୍କର ଦୁଇ ଝିଅ ବିବାହ କରିବା ପର୍ଯ୍ୟନ୍ତ ଭରଣପୋଷଣ ଦେବାକୁ ରାୟ ଶୁଣାଇଥିଲେ । ହାଇକୋର୍ଟ କହିଛନ୍ତି ଘରୋଇ ହିଂସା ଆଇନର ଧାରା ୨୦(୧)(ଘ) ଅନୁସାରେ ପତ୍ନୀ ଓ ପିଲାଙ୍କୁ କ୍ଷତିପୂରଣ ପ୍ରଦାନ କରାଯିବାର ପ୍ରାବଧାନ ରହିଛି । ତେବେ ପିଲାଙ୍କ ସଂଜ୍ଞା ସମ୍ପର୍କରେ ଧାରା ୨ (ଘ)ରେ ସ୍ପଷ୍ଟ କରାଯାଇଛି କି ପିଲା (ଜନ୍ମିତ, ପାଳିତ, ସାବତ କିମ୍ବା ପୋଷ୍ୟ ସନ୍ତାନ)ଙ୍କୁ ୧୮ ବର୍ଷରୁ କମ୍‌ ବୟସ ହୋଇଥିବା ଆବଶ୍ୟକ । ଏ କ୍ଷେତ୍ରରେ ପ୍ରାପ୍ତ ବୟସ୍କ ଝିଅମାନଙ୍କୁ ଭରଣପୋଷଣ ମିଳିବ ନାହିଁ । କିନ୍ତୁ ହିନ୍ଦୁ ବିବାହ ଆଇନ କିମ୍ବା ଫୌଜଦାରୀ ଆଇନର ଧାରା ୧୨୫ ଅନୁସାରେ ଯଦି ଝିଅମାନେ ଚଳିବା ଲାଗି ଅକ୍ଷମ ହୋଇଥାନ୍ତି ତେବେ ସେମାନେ ଭରଣପୋଷଣ ଦାବି କରିବାର ପ୍ରାବଧାନ ରହିଛି ।

ହାଇକୋର୍ଟ କହିଛନ୍ତି ଯେ ଏହି ମାମଲାରେ ପିଲାମାନଙ୍କୁ ମାସିକ ୫ ହଜାରରୁ ୬ ହଜାର ଟଙ୍କା ପର୍ଯ୍ୟନ୍ତ ଭରଣପୋଷଣ ମିଳିବ । ମାଜିଷ୍ଟ୍ରେଟ କୋର୍ଟ ଯେଉଁ ୫ ହଜାର ଟଙ୍କା ଧାର୍ଯ୍ୟ କରିଛନ୍ତି ତାହା ସାମାନ୍ୟ ଅଧିକ । ହେଲେ ସେସନ୍ସ କୋର୍ଟ ତାକୁ ହ୍ରାସ କରି ୪ ହଜାର ଟଙ୍କା ଧାର୍ଯ୍ୟ କରିଥିବା ଯଥାର୍ଥ । ସେହିଭଳି ପିଲାମାନଙ୍କୁ ଭରଣପୋଷଣ ଦେବା କେବଳ ପିତାଙ୍କର ଦାୟିତ୍ୱ ନୁହେଁ, ମା ମଧ୍ୟ ସମାନ ପରିମାଣର ଭରଣପୋଷଣ ବହନ କରିପାରିବେ । କାରଣ ପିତାଙ୍କ ଭଳି ମା ମଧ୍ୟ ଜଣେ ଶିକ୍ଷକ । ଘରୋଇ ହିଂସା ଆଇନ ଅନୁସାରେ ପତ୍ନୀଙ୍କୁ ୫ ଲକ୍ଷ ଟଙ୍କା ଦେବାକୁ ମାଜିଷ୍ଟ୍ରେଟ କୋର୍ଟ ସ୍ୱାମୀଙ୍କୁ ନିର୍ଦ୍ଦେଶ ଦେଇଥିଲା ବେଳେ ସେସନ୍ସ କୋର୍ଟ ତାକୁ ୧ ଲକ୍ଷ ଟଙ୍କାକୁ ହ୍ରାସ କରିଥିଲେ । ଏହାକୁ ହାଇକୋର୍ଟ ଉପଯୁକ୍ତ ବୋଲି ଦର୍ଶାଇଛନ୍ତି । ଉଭୟ ପତିପତ୍ନୀ ସରକାରୀ ସ୍କୁଲରେ ଶିକ୍ଷକତା କରନ୍ତି । ୧୯୯୮ ମାର୍ଚ୍ଚ ୧୫ରେ ସେମାନଙ୍କ ବିବାହ ହୋଇଥିଲା । ଉଭୟଙ୍କର ଦୁଇଜଣ ଝିଅ ଅଛନ୍ତି । କିନ୍ତୁ ପରବର୍ତ୍ତୀ ସମୟରେ ସ୍ୱାମୀଙ୍କ ବିରୋଧରେ ପତ୍ନୀ ଘରୋଇ ହିଂସା ମାମଲା ଦାୟର କରିବା ସହ ୧୦ ଲକ୍ଷଟଙ୍କା କ୍ଷତିପୂରଣ ଦାବି କରିଥିଲେ । ଏଥିସହ ସେ ସ୍ୱାମୀଙ୍କ ବିରୋଧରେ ପୃଥକ ଯୌତୁକ ନିର୍ଯାତନା ମାମଲା  କରିଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.