ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

‘ମୋୟେ ମୋୟେ’ ପ୍ରେମରେ ସୋସିଆଲ ମିଡିଆ, ସାରା ବିଶ୍ୱରେ ନମ୍ବର ୧ ଟ୍ରେଣ୍ଡିଂ ପାଲଟିଛି ଗୀତ

ନୂଆଦିଲ୍ଲୀ ୨୭/୧୧: ୟୁଟ୍ୟୁବରେ ୫୭ ମିଲିୟନ୍ ଭ୍ୟୁଜ୍ ପରେ ପୁରା ସୋସିଆଲ ମିଡିଆରେ ଛାଇ ଯାଇଛି ‘ଡଜାନମ’ ଗୀତର ‘ମୋୟେ ମୋୟେ’ ମ୍ୟୁଜିକ୍ । କେବଳ ଭାରତ ନୁହେଁ ସାରା ବିଶ୍ୱରେ ନମ୍ବର ୧ ଟ୍ରେଣ୍ଡିଂ ଗୀତ ପାଲଟିଛି ‘ମୋୟେ ମୋୟେ’ । ଏହା ଏକ ସର୍ବିଆନ୍ ମ୍ୟୁଜିକ୍ ଭିଡିଓ ଯାହାର ନାଁ ‘ଡଜାନମ’ । ବିଶ୍ୱବ୍ୟାପୀ ଲୋକ ଏହି ମ୍ୟୁଜିକ୍ ଉପଭୋଗ କରୁଛନ୍ତି । ବିଶେଷକରି ରିଲ୍ସ, ଟିକ୍ ଟକ୍, ଫେସବୁକ୍ ଭିଡିଓ, ୟୁଟ୍ୟୁବ୍ ଶର୍ଟସ୍, ସ୍ନିପେଟ୍ ତଥା ଶର୍ଟ ଭିଡିଓ ସାରା ଏବେ ‘ମୋୟେ ମୋୟେ’ । ସଭିଙ୍କ ମୁହଁରେ ଏହି ଗୀତର ‘ମୋୟେ ମୋୟେ’ ଅଂଶ ଶୁଣିବାକୁ ମିଳୁଛି । କଂଗ୍ରେସ ସମେତ ଭାରତରେ ଅନ୍ୟ ରାଜନୈତିକ ଦଳଗୁଡ଼ିକ ମଧ୍ୟ ସେମାନଙ୍କ ଇନଷ୍ଟାଗ୍ରାମ୍ ରିଲ୍ସରେ ଏହି ଗୀତକୁ ବ୍ୟବହାର କରୁଛନ୍ତି । ଏପରିକି ଦିଲ୍ଲୀ ପୁଲିସ ମଧ୍ୟ ଏହି ଗୀତକୁ ସଡ଼କ ସୁରକ୍ଷା ସଚେତନତା ବାର୍ତ୍ତା ବାଣ୍ଟିବାରେ ବ୍ୟବହାର କରିଛି । 

ଗୀତର ବହୁଳ ପ୍ରସାର ହେବା ଦେଖି ଏହାର ଗାୟିକା ଟେୟା ଡୋରା ସୋସିଆଲ ମିଡିଆରେ ସଭିଁଙ୍କୁ ଧନ୍ୟବାଦ ଦେଇଛନ୍ତି । ମଜା କଥା ହେଉଛି ଏହାର ଉଚ୍ଚାରଣ ବାସ୍ତବରେ ‘ମୋୟେ ମୋର’ । ଏହାର ଟ୍ୟୁନ୍ ଅତି ଆକର୍ଷଣୀୟ ହୋଇଥିବାରୁ ଏବେ ଅଧିକାଂଶ ଦେଶରେ ସୋସିଆଲ ମିଡିଆ ୟୁଜର୍ସଙ୍କ ନିକଟରେ ଏହା ପହଞ୍ଚିପାରିଛି । ଏହାର ଜବରଦସ୍ତ ମ୍ୟୁଜିକ୍କୁ ବହୁସଂଖ୍ୟାରେ ଲୋକ ପସନ୍ଦ କରୁଛନ୍ତି । ଭାରତୀୟ ମଧ୍ୟ ଏହି ମ୍ୟୁଜିକ୍ ପ୍ରେମରେ ପଡ଼ିଛନ୍ତି । ବିଭିନ୍ନ ମଜାଦାର ଭିଡିଓ ତଥା ରିଲ୍ସରେ ଏହାର ଟ୍ୟୁନ୍କୁ ଲୋକେ ବ୍ୟବହାର କରୁଛନ୍ତି ।

ପ୍ରକୃତରେ ‘ଡଜାନମ୍’ ଏକ ଦୁଃଖଭରା ଗୀତ । ଏହାକୁ ଟେୟା ଡୋରା ଗାଇବା ସହ ଏଥିରେ ଅଭିନୟ ମଧ୍ୟ କରିଛନ୍ତି । ସର୍ବିୟ ରାପର ସ୍ଲୋବୋଦାନ୍ ଭେଲ୍କୋଭିକ୍ କୋବି ଗାୟିକା ଡୋରାଙ୍କ ସହ ମିଶି ଏହି ଗୀତକୁ ଲେଖିଛନ୍ତି । ଗୀତକୁ ଅଧିକାଂଶ ବୁଝି ପାରୁ ନ ଥିଲେ ମଧ୍ୟ ଏହାର ଟ୍ୟୁନ୍ ଲୋକଙ୍କୁ ବେଶ୍ ପସନ୍ଦ ଆସିଛି । ସର୍ବିଆ ଭାଷାରେ ‘ମୋରେ’ ଶବ୍ଦର ଅର୍ଥ ଦୁଃସ୍ୱପ୍ନ । ହେଲେ ଗୀତର ଅର୍ଥ ତୁଳନାରେ ଏହାର ମ୍ୟୁଜିକ୍ ତଥା ଟ୍ୟୁନ୍ ଲୋକଙ୍କ ମନକୁ ଛୁଇଁଛି ଏବଂ ଏହା ମାଧ୍ୟମରେ ସଙ୍ଗୀତ ପ୍ରେମୀ ଏକ ନିଆରା ଅନୁଭୂତି ପାଇଛନ୍ତି । ନିକଟରେ ଦିଲ୍ଲୀ ପୁଲିସ ଏକ୍ସରେ ଏହି ଗୀତକୁ ବ୍ୟବହାର କରି ଏକ ପୋଷ୍ଟ କରିଛି । ଭିଡିଓରେ ଜଣେ ବାଇକ୍ ଚାଳକ ଷ୍ଟଣ୍ଟ୍ କରୁଥିବାବେଳେ ଦୁର୍ଘଟଣା ଘଟିଥିବା ଦେଖିବାକୁ ମିଳିଛି । କ୍ୟାପ୍ସନରେ ଦିଲ୍ଲୀ ପୁଲିସ ଲେଖିଛି, ଗାଡ଼ି ଉପରୁ ନିୟନ୍ତ୍ରଣ ହରାନ୍ତୁ ନାହିଁ, ନ ହେଲେ ଆପଣଙ୍କ ‘ମୋୟେ ମୋୟେ’ ହୋଇଯିବ । ପୁଲିସର ଏହି ପୋଷ୍ଟ ଲୋକଙ୍କ ଦୃଷ୍ଟି ଆକର୍ଷଣ କରିଛି । ପ୍ରାୟ ୧୦ ଲକ୍ଷ ଲୋକ ଏହି ପୋଷ୍ଟକୁ ଦେଖିଥିବାବେଳେ ଅନେକେ ମଜାଳିଆ କମେଣ୍ଟ ଦେଇଛନ୍ତି ।


News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.