ପ୍ରମୁଖ ଖବର
  • ଭୁବନେଶ୍ୱର : ଜାତୀୟ ସ୍ତରୀୟ ଗବେଷଣା ସୁଯୋଗ, ମୁଖ୍ୟମନ୍ତ୍ରୀ ରିସର୍ଚ୍ଚ ଫେଲୋସିପ୍‌ ପାଇଁ ୩୦୦ ଶିକ୍ଷାର୍ଥୀ ଚୟନ
  • ||
  • ଭୁବନେଶ୍ୱର : ମହିଳାଙ୍କ ସୁରକ୍ଷା ପାଇଁ ନିଯୁକ୍ତ ହୋଇଥିଲେ; ତାଲିମ ନେଇଥିଲେ ୨୪୮ ଜଣ, ଏବେ ବନ୍ଦ ହୋଇଗଲା ଏସ୍‌ଓପି ବ୍ୟବସ୍ଥା
  • ||
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

ଅପହରଣ ମାମଲାରେ ପୂର୍ବତନ ପ୍ରଧାନମନ୍ତ୍ରୀ ଦେବେଗୌଡ଼ାଙ୍କ ପୁଅଙ୍କୁ ଗିରଫ କଲା ପୋଲିସ

ବେଙ୍ଗାଲୁରୁ: କର୍ଣ୍ଣାଟକର ଜେଡିଏସ୍‌ ଏମଏଲଏ ଏଚଡି ରେବାନ୍ନାଙ୍କୁ ଗିରଫ କଲା କର୍ଣ୍ଣାଟକ ପୋଲିସର ସ୍ବତନ୍ତ୍ର ତଦନ୍ତ ଟିମ୍‌ (ଏସଆଇଟି) । ଅପହରଣ ମାମଲାରେ ରେବାନ୍ନାଙ୍କୁ ତାଙ୍କ ପିତା ଏବଂ ପୂର୍ବତନ ପ୍ରଧାନମନ୍ତ୍ରୀ ଦେବେଗୌଡ଼ାଙ୍କ ବାସଭବନରୁ ଗିରଫ କରାଯାଇଛି । ଏହା ପୂର୍ବରୁ ବେଙ୍ଗାଲୁରୁ କୋର୍ଟରେ ଗିରଫଦାରୀ ଉପରେ ରୋକ ଲଗାଇବାକୁ ଏଚଡି ରେବାନ୍ନା ଆବେଦନ କରିଥିଲେ । ଆଉ ଏହାର କିଛି ସମୟ ପରେ କର୍ଣ୍ଣାଟକ ପୋଲିସ ତାଙ୍କୁ ଗିରଫ କରିଛି । 

ଜଣେ ୨୦ ବର୍ଷୀୟ ଯୁବକଙ୍କ ମା’ଙ୍କୁ ଏଚଡି ରେବାନ୍ନାଙ୍କ ସହଯୋଗୀ ଅପହରଣ କରିଥିବା ଅଭିଯୋଗ ହୋଇଥିଲା । ଅଭିଯୋଗକାରୀ ରାଜୁ ଏଚଡି ଏବଂ ତାଙ୍କ ମା’ ରେବାନ୍ନାଙ୍କ ଫାର୍ମ ହାଉସରେ କାମ କରୁଥିଲେ । ଏପ୍ରିଲ ୨୯ରେ ମହିଳାଙ୍କୁ ସତିଶ ବାବନ୍ନା ନାମକ ବ୍ୟକ୍ତି ଅପହରଣ କରି ନେଇ ବିଧାୟକ ରେବାନ୍ନାଙ୍କ ସହଯୋଗୀ ରାଜାଶେଖରଙ୍କ ଘରେ ରଖିଥିଲା । ଅଭିଯୋଗ ପରେ କର୍ଣ୍ଣାଟକ ପୋଲିସ ଅପହୃତ ମହିଳାଙ୍କୁ ଉଦ୍ଧାର କରିଥିଲା ।

ସୂଚନାଯୋଗ୍ୟ, ଏଚଡି ରେବାନ୍ନା ଏବଂ ତାଙ୍କ ପୁଅ ପ୍ରଜ୍ବଳ ରେବାନ୍ନା ଉଭୟ ଯୌନ ନିର୍ଯାତନା ଏବଂ ଅଶ୍ଳୀଳ ଭିଡିଓ ମାମଲାରେ ଫସିଛନ୍ତି । ଏହି ମାମଲାରେ ଉଭୟ ବାପା ପୁଅଙ୍କ ବିରୋଧରେ ନୋଟିସ୍‌ ଜାରି କରିଛି କର୍ଣ୍ଣାଟକ ପୋଲିସ । ପ୍ରଜ୍ବଳ ବିଦେଶ ଚାଲିଯାଇଥିବା ବେଳେ ହାସନ ଲୋକସଭା କ୍ଷେତ୍ରରେ ଘୁରିବୁଲୁଥିବା ଅଶ୍ଳୀଳ ଭିଡିଓରେ ପ୍ରଜ୍ବଳଙ୍କ ସଂପୃକ୍ତି ନେଇ ହଇଚଇ ସୃଷ୍ଟି ହୋଇଛି । ଏହି ମାମଲାର ତଦନ୍ତ କରିବା ଲାଗି ରାଜ୍ୟ ସରକାର ଏସଆଇଟି ଗଠନ କରିଛନ୍ତି । 

ପ୍ରଜ୍ବଳ ରେବାନ୍ନା ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବେଗୌଡ଼ାଙ୍କ ନାତି । ସେ ହାସନ ଲୋକସଭା ଆସନରୁ ବିଜେପି-ଜେଡିଏସ୍‌ ମେଣ୍ଟ ପ୍ରାର୍ଥୀ ଥିଲେ । ଏହି ଆସନରେ ଏପ୍ରିଲ ୨୬ରେ ମତଦାନ ହୋଇଛି । ଠିକ ଏହା ପରେ ଅଶ୍ଳୀଳ ଭିଡିଓ ମାମଲାରେ ଛନ୍ଦି ହୋଇଥିବା ପ୍ରଜ୍ବଳ ଏପ୍ରିଲ ୨୭ରେ ବିଦେଶ ଚାଲିଯାଇଛନ୍ତି । ସେପଟେ ପ୍ରଜ୍ବଳଙ୍କୁ ଧରିବା ଲାଗି ଅନ୍ୟ ରାଷ୍ଟ୍ରର ସହାୟତା ନେବା ଲାଗି ସିବିଆଇକୁ କହିଛନ୍ତି କର୍ଣ୍ଣାଟକ ସରକାର । ଏହା ସହ ପ୍ରଜ୍ବଳ ରେବାନ୍ନାଙ୍କ ବିରୋଧରେ ବ୍ଲୁ କର୍ଣ୍ଣର ନୋଟିସ୍‌ ଜାରି କରିଛି ସିବିଆଇ । 

  • Karnataka
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.