ଫିରିଙ୍ଗିଆ -୨୬/୫ : ସରକାର ଙ୍କ ତରଫରୁ ଗରିବ ଓ ଜନ ସାଧାରଣ ଙ୍କ ସୁବିଧା ପାଇଁ ବିଭିନ୍ନ ଯୋଜନା କରାଯାଉଛି। କିନ୍ତୁ ଯୋଜନା ଲୋକଙ୍କ ନିକଟରେ ପହଞ୍ଚି ପାରୁ ନାହିଁ। ଘର ଖଣ୍ଡେ ନ ଥିବାରୁ ଜରି ପାଲ ତଳେ ରହିବାକୁ ପଡୁଛି। ଏପରି ଘଟଣା ଦେଖିବାକୁ ମଳିଛି କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ କେଳାପଡା ପଞ୍ଚାୟତ କେଳା ପଡା ଗାଁରେ ।
ଏହି ଗାଁର ଫକିର ବିଶୋଇ । ରହିବାକୁ ଘର ଖଣ୍ଡେ ନାହିଁ। ବର୍ଷ ବର୍ଷ ଧରି ଜରିପାଲ ତଳେ ରହୁଛନ୍ତି । କିନ୍ତୁ ବର୍ଷା ଦିନରେ ଘର ଭିତରେ ପାଣି ଜମା ହୋଇ ରହି ଘରେ ରହିବା କଷ୍ଟକର ସାଧ୍ୟ ହୋଇ ପଡ଼ିଛି । ଖରାଦିନରେ ଯେଣେ ତେଣେ ପ୍ରକାର ରେ ଚଳୁଥିବା ବେଳେ ଶୀତ ଦିନେ ଓ ବର୍ଷାଦିନେ ବହୁ ସମସ୍ୟାରେ ପରିବାର ଲୋକେ ଚଳୁଛନ୍ତି। ପରିବାର କୁ ପ୍ରଶାସନ ତରଫରୁ ସୁବିଧା ଯେତିକି ମିଳୁଛି ସେତିକି ରେ ପରିବାର ଚଳାଇବା କଷ୍ଟ । ଦିନ ମଞ୍ଜୁରୀ କରି ଯେତିକି ମିଳୁଛି ସେତିକି ରେ ପରିବାର ଚଳିବା ଅସମ୍ଭବ । ସେପଟେ ଭଲ ଘର ଖଣ୍ଡିଏ ତିଆରି କରିବା ଅସମ୍ଭବ ବୋଲି କହିଛନ୍ତି ଫକିର ବିଶ୍ଵୋଇ । ଏହି ଜରି ପାଲ ତଳେ ୫ ଜଣ ସଦସ୍ୟ ବସବାସ କରୁଥାନ୍ତି କିନ୍ତୁ ଦୁଃଖ ବିଷୟ ପରିବାର କୁ ଏଯାଏଁ ମିଳିପାରିନାହିଁ ଆବାସ ଗୃହ । ବାରମ୍ବାର ଆବାସ ଗୃହ ପାଇଁ ପଞ୍ଚାୟତ କାର୍ଯ୍ୟାଳୟ ଠାରୁ ବ୍ଲକ କାର୍ଯ୍ୟାଳୟ ପ୍ରଶାସନିକ ଅଧିକାରୀ ଙ୍କୁ ଜଣେଇ ଥିଲେ ମଧ୍ୟ କିଛି ସୁଫଳ ମିଳି ନ ଥିବା କହିଛନ୍ତି ପରିବାର ଲୋକେ । ତୁରନ୍ତ ପରିବାର କୁ ଆବାସ ଗୃହ ଯୋଗାଇ ଦେବା ନିମନ୍ତେ ଗ୍ରାମ ବାସୀ ଦାବି କରିଛନ୍ତି । ଅନ୍ୟ ପଟେ ଏହି ବିଷୟରେ ସ୍ଥାନୀୟ ସରପଞ୍ଚ ସ୍ବର୍ଣ୍ଣଲତା ପ୍ରଧାନ ଙ୍କୁ ପଚାରିବାରୁ କିଭଳି ଘର ଖଣ୍ଡିଏ ପାଇ ପାରିବେ ସେ ନେଇ ଉଚ୍ଚ କର୍ତ୍ତୃପକ୍ଷଙ୍କୁ ଅବଗତ କରାଯିବ ବୋଲି କହିଛନ୍ତି ।