ମୁମ୍ବାଇ, ୩।୦୨: ଜୀବିତ ଅଛନ୍ତି ମଡେଲ ତଥା ଅଭିନେତ୍ରୀ ପୁନମ୍ ପାଣ୍ଡେ । ଗତକାଲି ତାଙ୍କର ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଥିଲା । କିନ୍ତୁ, ଆଜି ସେ ଜୀବିତ ଥିବା ଜଣାପଡ଼ିଛି । ହଠାତ ପୁନମଙ୍କ ଏଭଳି ବୟାନ ପରେ ଆଶ୍ଚର୍ଯ୍ୟ ହୋଇଯାଇଛନ୍ତି ତାଙ୍କ ଫ୍ୟାନ୍ସ । ପୁନମ୍ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରି ସେ ଜୀବିତ ଥିବା ନେଇ ସୂଚନା ଦେଇଛନ୍ତି । ଗତକାଲି ପୁନମଙ୍କ ଟିମ୍ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରିଥିଲେ । ସେହି ପୋଷ୍ଟରେ ପୁନମଙ୍କର ସର୍ଭାଇକାଲ କ୍ୟାନସରରେ ମୃତ୍ୟୁ ହୋଇଥିବା ତାଙ୍କ ମ୍ୟାନେଜର ଜଣାଇଥିଲେ । କିନ୍ତୁ ଆଜି ନିଜେ ପୁନମ ଏକ ପୋଷ୍ଟ କରି ପ୍ରଶଂସକଙ୍କୁ ଚମକାଇ ଦେଇଛନ୍ତି ।
ତେବେ କହିରଖୁ କି, ପୁନମ୍ ଜାଣିଶୁଣି ମୃତ୍ୟୁର ମିଛ ନାଟକ ରଚିଥିଲେ । ପୋଷ୍ଟରେ ସେ କହିଛନ୍ତି, ମୁଁ ବଞ୍ଚିଛି । ସମ୍ପୂର୍ଣ୍ଣ ସୁସ୍ଥ ଅଛି । ସର୍ଭାଇକାଲ କ୍ୟାନସର ମୋ ଜୀବନ ନେଇନି । କିନ୍ତୁ ଏହି କ୍ୟାନସର ଯୋଗୁଁ ଅନେକ ମହିଳା ଜୀବନ ହରାଉଛନ୍ତି । ସଚେତନ ହୁଅନ୍ତୁ । ଗର୍ଭାଶୟ କ୍ୟାନ୍ସରକୁ ନେଇ ସଚେତନତା ସୃଷ୍ଟି କରିବାକୁ ଏହା କେବଳ ତାଙ୍କ ପବ୍ଲିସିଟି ପାଇଁ ଥିଲା ।