ଭୁବନେଶ୍ବର: ପୁଅ-ଝିଅ ନୂଆ ନୂଆ ପ୍ରେମରେ ପଡ଼ିଲେ ଦୁହିଁଙ୍କ ମଧ୍ୟରେ କଥାବାର୍ତ୍ତା ବହୁତ ବଢ଼ିଯାଏ । ମେସେଜ୍ କରିବା ସହ ପରଷ୍ପରର ହାଲଚାଲ ବୁଝିବା ପାଇଁ ଉଭୟ ପୁଅ ଓ ଝିଅ ତତ୍ପରତା ପ୍ରକାଶ କରନ୍ତି । କିନ୍ତୁ ରିଲେଶନସିପ୍ ଆରମ୍ଭରୁ କେତେକ ଦିଗ ଉପରେ ଧ୍ୟାନ ଦେବା ଜରୁରି। ପ୍ରଥମରୁ ଅତ୍ୟଧିକ ମେସେଜ୍ କରିବା ଦ୍ବାରା ସଂପର୍କ ବିଗିଡ଼ିବାର ମଧ୍ୟ ସମ୍ଭାବନା ରହିଛି ।
ପ୍ରେମ ଖୋଜୁଥିବା ଏବଂ ପ୍ରମେକୁ ଦୀର୍ଘସ୍ଥାୟୀ କରିବା ଲାଗି ଚେଷ୍ଟା କରୁଥିବା ପ୍ରେମୀଯୁଗଳଙ୍କ ଲାଗି ସାବଧାନତା ଅବଲମ୍ବନ କରିବା ଜରୁରି ବୋଲି ବିଶେଷଜ୍ଞ ମତ ଦେଇଛନ୍ତି । ଡେଟିଂ କରିବାର ଅର୍ଥ ଏହା ନୁହେଁ ଯେ, ସାମ୍ନା ବାଲା ସବୁବେଳେ ଆପଣଙ୍କ ପାଇଁ ଉପଲବ୍ଧ ରହିବେ। ଦୁହେଁ ଦୁହିଁଙ୍କ ଇଚ୍ଛା ଯୋଗୁଁ ସାଥିରେ ରହିବାକୁ ନିଷ୍ପତ୍ତି ନେଇଥାନ୍ତି । ତେବେ ଏଭଳି ସମୟରେ ନିଜର ଖୁସି ପାଇଁ ଅନ୍ୟ ଜଣଙ୍କୁ ବାରମ୍ବାର ଟେକ୍ସଟ୍ କରି ହଇରାଣ କରିବା ଉଚିତ ନୁହେଁ । ପ୍ରେମିକ ହୁଅନ୍ତୁ ବା ପ୍ରେମିକା ପରଷ୍ପରକୁ ଭାବିଚିନ୍ତି ମେସେଜ୍ କରିବା ଦରକାର।
ବାରମ୍ବାର ମେସେଜ୍ କଲେ କ’ଣ ହେବ ?
୧. ପାର୍ଟନରକୁ ବାରମ୍ବାର ମେସେଜ କରିବାରୁ ବିରତ ରୁହନ୍ତୁ । କାରଣ ଏଭଳି କଲେ ପ୍ରତିପକ୍ଷଙ୍କୁ ଆପଣ ନିୟନ୍ତ୍ରଣ କରୁଛନ୍ତି ବୋଲି ମନେ ହେବ । କୌଣସି କ୍ଷେତ୍ରରେ ନିୟନ୍ତ୍ରଣ ରଖିବାକୁ ଚେଷ୍ଟା କରିବାକୁ ଯାଇ ବାରମ୍ବାର ମେସେଜ୍ କରିବା ଉଚିତ ନୁହେଁ ।
୨. ଯଦିଓ ସାଥିଙ୍କ କଥା ମନେ ପଡ଼ୁଛି ବା ସେ କଣ କରୁଛନ୍ତି ତାହା ଜାଣିବାକୁ ଇଚ୍ଛୁା ଥାଏ କିନ୍ତୁ ଏହାର ଅର୍ଥ ନୁହେଁ ବାରମ୍ବାର ମେସେଜ କରି ବିରକ୍ତ କରିବେ । ପ୍ରେମ ଏବଂ ଚିନ୍ତାକୁ ଭାବିଚିନ୍ତି ପ୍ରକାଶ କରନ୍ତୁ ।
୩. ଯଦି ଆପଣଙ୍କ ପାର୍ଟନର ଦୀର୍ଘ ସମୟ ଧରି ଆପଣଙ୍କ ମେସେଜର ରିପ୍ଲାଏ ଦେଇନାହାନ୍ତି ତେବେ ଏନେଇ ତୁରନ୍ତ କୌଣସ ଭାବନା ମନ ଭିତରକୁ ଆଣନ୍ତୁ ନାହିଁ । ଅନେକ ଲୋକ ଟେକ୍ସଟ୍ କରିବାକୁ ପସନ୍ଦ କରୁନଥିବା ବେଳେ କେହି କେହି ବିଳମ୍ବରେ ମେସେଜର ରିପ୍ଲାଏ କରନ୍ତି । ଏଭଳି ସ୍ଥିତିରେ ବାରମ୍ବାର ମେସେଜ କରିବା ପରିବର୍ତ୍ତେ ଆପଣଙ୍କୁ ଧୈର୍ଯ୍ୟ ରଖିବାକୁ ପଡ଼ିବ ।
୪. ଏଭଳି ହୋଇପାରେ ଯେ, ଆପଣଙ୍କ ପାର୍ଟନର କୌଣସି କାର୍ଯ୍ୟରେ ବ୍ୟସ୍ଥ ଥିବା ଯୋଗୁଁ ଆପଣଙ୍କ ମେସେଜ୍ର ରିପ୍ଲାଏ କରିପାରି ନାହାନ୍ତି । ତେଣୁ ପାର୍ଟନରଙ୍କ କାର୍ଯ୍ୟ ସଂପର୍କରେ ଆପଣଙ୍କୁ ଧ୍ୟାନ ଦେବା ଜରୁରି ।
୫. ଯଦି ଆପଣଙ୍କ ମେସେଜ ସତରେ ଗୁରୁତ୍ବପୂର୍ଣ୍ଣ ତେବେ ଏଭଳି ସ୍ଥିତିରେ ଆପଣ କଲ୍ କରିଦେବା ଉଚିତ ହେବ । କଲ କରିବା ଦ୍ବାରା ଆପଣଙ୍କ ପାର୍ଟନର ଆପଣଙ୍କ ମେସେଜର ଗୁରୁତ୍ବ ବୁଝିପାରିବେ ଏବଂ ହୁଏତ ତୁରନ୍ତ ରିପ୍ଲାଏ ଦେଇପାରନ୍ତି ।
