ମାଲକାନଗିରି, ୭।୯ ହାଇଦ୍ରାବାଦରେ ସେଣ୍ଟ୍ରିଂ ଭୁଶୁଡି ପଡିବାରୁ ୩ ଓଡ଼ିଆ ଶ୍ରମିକଙ୍କ ମୃତ୍ୟୁ ଘଟିଛି। ମୃତକ ମାନେ ମାଲକାନଗିରି ଜିଲ୍ଲା ବଣ୍ଡାଘାଟି ସ୍ଥିତ ବଡପଡାର ସନ୍ୟା ଚାଲାଣ ଓ ସମା ବଡନାୟକ , ଗୋଇଗୁଡାର ସନିଆ ବଡନାୟକ। ଏହି ଘଟଣା ପରେ ମୃତକଙ୍କ ମୃତଦେହ ଗାଁକୁ ଆଣିବା ସହ କ୍ଷତିପୂରଣ ଦାବି କରି ପରିବାର ପକ୍ଷରୁ ମୁଦୁଲିପଡା ଥାନାରେ ଏତଲା ଦିଆଯାଇଛି।
ମାଲକାନଗିରି ଜିଲ୍ଲା ଖଇରପୁଟ ବ୍ଲକସ୍ଥ ବଣ୍ଡା ଘାଟିମୁଦୁଲିପଡା ପଞ୍ଚାୟତ ବଡ଼ପଡା ଗ୍ରାମର ସନିଆ ଚାଲାଣ(୧୯),ସମା ବଡ଼ନାଇକ(୨୦),ବଳରାମ ବଡ଼ନାଇକ,ବୁଦା ବଡ଼ନାଇକ,ଶୂକ୍ରା ବଡ଼ନାଇକ ଓ ଗୋଇଗୁଡା ଗ୍ରାମର ସନିଆ ବଡ଼ନାଇକ(୧୯) ହାଇଦ୍ରାବାଦ ର ଆସ୍ଥାକୁଟା ଅଞ୍ଚଳ ର ଏକ କୋଠା ଘର ନିର୍ମାଣ କାମ କରୁଥିଲେ। ଆଜି ସକାଳେ ସେଣ୍ଟ୍ରିଙ୍ଗ କାମ କରୁ ଥିବା ବେଳେ ହଟାତ ସେଣ୍ଟ୍ରିଙ୍ଗ ଭାଙ୍ଗି ଯାଇଥିଲା। ସେଣ୍ଟ୍ରିଙ୍ଗ ତଳେ ଚାପିହୋଇ ଗୋଇଗୁଡା ଗ୍ରାମର ସନିଆ ବଡ଼ନାଇକ,ବଡ଼ପଡା ଗ୍ରାମର ସନିଆ ଚାଲାଣ,ସମା ବଡ଼ନାଇକ ଙ୍କର ମୃତ୍ୟୁ ଘଟି ଥିବା ବେଳେ ବଳରାମ,ବୁଦା, ଶୁକ୍ରା ଗୁରୁତର ଭାବେ ଆହତ ହୋଇଛନ୍ତି। ସେମାନଙ୍କୁ ଅନ୍ୟ ସାଥି ଶ୍ରମିକ ମାନେ ନିକଟସ୍ଥ ହସ୍ପିଟାଲ କୁ ନେଇ ଚିକିତ୍ସା କରିଛନ୍ତି।
ଏ ସମ୍ପର୍କରେ ସନ୍ଧ୍ୟାରେ ମୃତ ଓ ଆହତ ପରିବାର ଲୋକେ ଖଇରପୁଟ (ମୁଦୁଲିପଡା) ଥାନାରେ ପହଁଚି ମୃତ ଶରୀର ମୁଦୁଲିପଡା କୁ ଆଣିବାର ବ୍ୟବସ୍ଥା କରିବା ଓ ମୃତ ଆହତ ପରିବାର ଙ୍କୁ କମ୍ପାନୀ ପକ୍ଷରୁ କ୍ଷତିପୂରଣ ଦେବା ପାଇଁ ଦାବି କରି ଏତଲା ଦେଇଛନ୍ତି। ମୁଦୁଲିପଡା ଥାନା ଅଧିକାରୀ ସାଙ୍ଗମା ଖଣ୍ଡଗିରି ହାଇଦ୍ରାବାଦ କୁ ଫୋନ କରି ଯୋଗା ଯୋଗ ସ୍ଥାପନ କରିବା ସହିତ ମୃତ ଶରୀର ଯେପରି ଖୁବ ଶୀଘ୍ର ସେମାନଙ୍କ ଗାଁକୁ ଫେରିବ ସେ ବ୍ୟବସ୍ଥା କରିଛନ୍ତି । ଏ ଘଟଣା ସମ୍ପର୍କ ରେ ତଦନ୍ତ ଆରମ୍ଭ କରିଛନ୍ତି । ଏ ଖବର ବଣ୍ଡା ଘାଟିରେ ପହଁଚିବା ପରେ ମୁଦୁଲିପଡା ଅଞ୍ଚଳରେ ଶୋକର ଛାୟାଖେଳି ଯାଇଛି।
