ଭୁବନେଶ୍ୱର,୧୩/୦୨ : ପାଟିରେ ବୋମା ବିସ୍ଫୋରଣ ଘଟି ଗୁରୁତର ଥିବା ଦନ୍ତା ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଛି। ଭରତପୁର ଜଙ୍ଗଲରେ ଠାବ ହୋଇଥିବା ଦନ୍ତା ପାଟିରେ ୧୫ ଦିନ ତଳେ ବିସ୍ଫୋରଣ ହୋଇଥିବା ଅନୁମାନ କରାଯାଉଛି। ଦନ୍ତାର ମୃତଦେହକୁ ଓୟୁଏଟିର ପାଥୋଲୋଜି ଲ୍ୟାବ୍ରେ ବ୍ୟବଚ୍ଛେଦ କରାଯିବ। ଘଟଣାସ୍ଥଳରେ ବନବିଭାଗର ତଦନ୍ତ ଆରମ୍ଭ ।
ଭରତପୁର ଜଙ୍ଗଲରେ ଠାବ ହୋଇଥିଲା ଗୁରୁତର ଦନ୍ତା ହାତୀ ମୃତ। ବୋମା ବିସ୍ଫୋରଣରେ ହାତୀର ଜିଭ ଛିଡ଼ି ଯାଇଥିବା ବେଳେ ମାଢ଼ି ହାଡ଼ ଫାଟି ଯାଇଥିଲା । କ୍ଷତସ୍ଥାନ ପଚିଯାଇଛି। ସୋମବାର ଓୟୁଏଟି ଓ ନନ୍ଦନକାନନ ପ୍ରାଣୀ ଚିକିତ୍ସକମାନେ ପହଞ୍ଚି ହାତୀର ଚିକିତ୍ସା ଆରମ୍ଭ କରିଥିଲେ। ଶେଷରେ ଜୀବନ ମୃତ୍ୟୁ ସଂଗ୍ରାମରେ ଆଖିବୁଜିଦେଲା ଦନ୍ତା
ବନବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ, ହାତୀଟି ପ୍ରାୟ ୧୦/୧୨ ଦିନ ହେବ ଖୋର୍ଦ୍ଧା ଅଞ୍ଚଳରୁ ଭରତପୁର ଜଙ୍ଗଲକୁ ଆସିଥିଲା । ଜଙ୍ଗଲରେ ଅନ୍ୟ ହାତୀମାନଙ୍କ ସହ ଏପଟସେପଟ ହେଉଥିଲା । ତେବେ ପ୍ରାୟ ୩/୪ ଦିନ ହେଲା ହାତୀଟି ଚଲାବୁଲା କରିପାରୁ ନଥିଲା । ର ସୋମବାର ପୂର୍ବାହ୍ନରେ ହାତୀଟି ଜଙ୍ଗଲ ରାସ୍ତାରେ ପଡ଼ି ଯାଇଥିଲା । ପାଟ୍ରୋଲିଂ କରୁଥିବା ଟିମ୍ ଦେଖି ଚନ୍ଦକା ଡିଏଫ୍ଓ ଶରତ ଚନ୍ଦ୍ର ବେହେରାଙ୍କୁ ଜଣାଇଥିଲେ । ଡିଏଫ୍ଓଙ୍କଠାରୁ ଖବର ପାଇ ଓୟୁଏଟି ପ୍ରଫେସର ଡାକ୍ତର ଇନ୍ଦ୍ରମଣି ନାଥ, ନନ୍ଦନକାନନ ଡାକ୍ତର ସନ୍ତୋଷ ଗୁପ୍ତା ଟିମ୍ ସହ ଭରତପୁର ଜଙ୍ଗଲରେ ପହଞ୍ଚିଥିଲେ । ହାତୀଟିର ଜିଭ ଛିଡ଼ି ପଡ଼ିଥିବା ବେଳେ ମାଢ଼ି ସଂପୂର୍ଣ୍ଣ ପଚି ଯାଇଛି । ଫଳରେ ହାତୀ ଖାଦ୍ୟ ଗ୍ରହଣ କରିପାରୁ ନାହିଁ । ତେଣୁ ଡାକ୍ତରମାନେ ହାତୀକୁ ଟ୍ରାଙ୍କୁଲାଇଜ କରିବା ପରେ ତା’ ପାଟି ସଫା କରି ଆଣ୍ଟିବାୟୋଟିକ୍ ଦେବା ସହ ପେନ୍ କିଲର ଇଞ୍ଜେକ୍ସନ ଦେଇଥିଲେ । ହାତୀକୁ ସାଲାଇନ୍ ଦିଆଚାଲିଛି । ହାତୀର ଅବସ୍ଥା ସଂକଟାପନ୍ନ ରହିଥିଲା। ତେବେ ଗତ ରାତିରେ ଦନ୍ତାର ମୃତ୍ୟୁ ଘଟିଛି।
