ନୂଆଦିଲ୍ଲୀ,୯।୬: ଇଡଲି, ଡୋସା ଏବଂ ଖମାନ ଅନେକ ଲୋକଙ୍କ ପ୍ରିୟ ଜଳଖିଆ ଏବଂ ଭୋଜନ। କିନ୍ତୁ, ବର୍ତ୍ତମାନ ସେଗୁଡ଼ିକର ସ୍ୱାଦ ଟିକେ ମହଙ୍ଗା ହୋଇପାରେ। କାରଣ ଇଡଲି, ଦୋସା ଏବଂ ଖମନ ତିଆରିରେ ବ୍ୟବହୃତ ଇନଷ୍ଟାଣ୍ଟ ଅଟା ମିକ୍ସ ଉପରେ ଲାଗୁଥିବା ଗୁଡସ୍ ଆଣ୍ଡ ସର୍ଭିସ ଟ୍ୟାକ୍ସ(ଜିଏସ୍ଟି) ଉପରେ ଏକ ଗୁରୁତ୍ବପୂର୍ଣ୍ଣ ସ୍ପଷ୍ଟୀକରଣ ଆସିଛି। ବର୍ତ୍ତମାନ ନିଷ୍ପତ୍ତି ନିଆଯାଇଛି ଯେ ଇନଷ୍ଟାଣ୍ଟ ମିଶ୍ରଣକୁ ୫ ପ୍ରତିଶତ ନୁହେଁ ୧୮ ପ୍ରତିଶତ ଟିକସ ଦିଆଯିବ।
ଏ ନିଷ୍ପତ୍ତି ଗୁଜରାଟ ଆପିଲିଏଟ୍ ଅଥରିଟି ଫର ଆଡଭାନ୍ସ ରୁଲିଂ (GAAAR) ଏହି ନେଇଛି। ତାଙ୍କର କହିବା ଅନୁସାରେ, ଇଡଲି, ଦୋସା ଓ ଖମନ୍ ତିଆରି ମିଶ୍ରଣକୁ ଛତୁଆ ଭାବରେ ଶ୍ରେଣୀଭୁକ୍ତ କରିହେବନି। ତେଣୁ ୧୮% ଜିଏସ୍ଟି ଲଗାଯିବା ଦରକାର।
ଗୁଜରାଟର କିଚେନ ଏକ୍ସପ୍ରେସ୍ ଓଭରସିଜ୍ ଲିମିଟେଡ୍ ଜିଏସ୍ଟି ଆଡଭାନ୍ସ ଅଥରିଟିର ନିଷ୍ପତ୍ତି ବିରୋଧରେ AAAR ପାଖକୁ ଯାଇଥିଲା। କିଚେନ ଏକ୍ସପ୍ରେସ୬୍ର କହିବା ଅନୁସାରେ, ତାଙ୍କର ୭ଟି ଇନଷ୍ଟାଣ୍ଟ ଅଟା ମିକ୍ସ ‘ରେଡି ଟୁ ଇଟ୍’ ନୁହେଁ, କାରଣ ତାଙ୍କୁ କିଛି ଖାଦ୍ୟ ତିଆରି କରିବାର ପକ୍ରିୟା ଦେଇ ଗତି କରିବାକୁ ପଡିଥାଏ। ଏଭଳି ସ୍ଥିତିରେ ‘ରେଡି ଟୁ କୁକ୍’ କୁହାଯାଇ ହେବ। କମ୍ପାନୀ ଗୋଟା, ଖମନ୍, ଡାଡବଡା, ଦହି-ବରା, ଢୋକଲା, ଇଡଲି ଓ ଦୋସାର ଅଟା ମିଶ୍ରଣକୁ ପାଉଡର ଉପରେ ବିକ୍ରି କରିଥାଏ। କିଚେନ ଏକ୍ସପ୍ରେସ୍ର ଦଲିଲ୍ ଥିଲା ଯେ, ଏହା ଛତୁଆ ସମାନ ଅଟେ ଓ ଏହା ଉପରେ ୫% ଜିଏସ୍ଟି ଲଗାଯିବା ସରକାର, କିନ୍ତୁ GAAAR ତାଙ୍କର ସବୁ ଦଲିଲକୁ ଖାରଜ କରିଦେଇଥିଲା।
