ନୂଆଦିଲ୍ଲୀ,୨୩/୦୩: ଆମେରିକାର ଭିତ୍ତିକ ପ୍ରମୁଖ ଇ-କମର୍ସ କମ୍ପାନି ଆମାଜନର ପ୍ରତିଷ୍ଠାତା ଜେଫ୍‌ ବେଜୋସ ବିଶ୍ୱର ୧ ନମ୍ବର ଧନୀ ବ୍ୟକ୍ତି ପାଲଟିଛନ୍ତି । ସେ ଫ୍ରାନ୍ସର ବର୍ଣ୍ଣାଡ ଆରନଲ୍ଟଙ୍କୁ ପଛରେ ପକାଇ ଦେଇଛନ୍ତି । 

ବ୍ଲୁମବର୍ଗ ବିଲିୟନେୟାର  ଇଣ୍ଡେକ୍ସ ମୁତାବକ, ବେଜୋସଙ୍କ ସମ୍ପତ୍ତି  ୨.୧୬ ବିଲିୟନ ଡଲାର ବୃଦ୍ଧି ହେବା  ଯୋଗୁ ୨୦୧ ବିଲିୟନ ଡଲାର ଛୁଇଁଥିଲା । ଚଳିତ ବର୍ଷ ତାଙ୍କ ସମ୍ପତ୍ତି ୨୪ ବିଲିୟନ  ଡଲାର ବଢ଼ିଛି । ସେହିଭଳି ଆର୍‌ନଲ୍ଟଙ୍କ  ସମ୍ପତ୍ତି ୨.୮୦ ବିଲିୟନ ଡଲାର ହ୍ରାସ  ହୋଇଛି । ଏବେ ଆରନଲ୍ଟଙ୍କ ନିକଟରେ  ୧୯୯ ବିଲିୟନ ଡଲାର ସମ୍ପତ୍ତି ରହିଛି ।  ୨୦୦ ବିଲିୟନ ଡଲାର କ୍ଲବରେ କେବଳ  ଜେଫ୍‌ ବେଜୋସ ରହିଛନ୍ତି । ଟେସଲା  ସିଇଓ ଏଲନ ମସ୍କଙ୍କ ନେଟୱର୍ଥ ୩.୨  ବିଲିୟନ ଡଲାର ବୃଦ୍ଧି ହେବା ଯୋଗୁ  ଏହା ୧୮୯ ବିଲିୟନ ଡଲାର ଛୁଇଁଛି ।