ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

୩୧ ପୂରି ଚାଲିଥାନ୍ତା ୩୨ ବର୍ଷ, ପୁଅର ଜନ୍ମ ଦିନ ପାଳିବାକୁ ଅପେକ୍ଷା କରିଥିଲା ମା'..ହେଲେ ଡାକିନେଲା ଯମ

ଭୁବନେଶ୍ୱର,୧୩/୦୬: ଆଜି ଚନ୍ଦନକୁ ୩୧ ପୂରି  ୩୨ ବର୍ଷ ଚାଲିଥାନ୍ତା । ତା’ର ଜନ୍ମଦିନ ଧୁମଧାମ୍‌ରେ ପାଳିଥାନ୍ତୁ । ୭ ବର୍ଷ ଧରି  ଯେଉଁ ନେତାଙ୍କ ପାଖରେ କାମ କରୁଥିଲା ସେ ଏବେ ମୁଖ୍ୟମନ୍ତ୍ରୀ ପଦରେ ବସିଛନ୍ତି । ସେ ତାଙ୍କ ପିଏ ସାଜିଥାନ୍ତା । କେତେ ଖୁସି ହୋଇଥାନ୍ତା ସେ? ହେ  ପ୍ରଭୁ, ମୋ ପୁଅକୁ ଫେରାଇ ଆଣ ।’ ୟୁନିଟ୍‌-୮ ଡେଲ୍‌ଟା ଛକ ନିକଟ ଦୁର୍ଘଟଣାରେ ପ୍ରାଣ ହରାଇଥିବା ଚନ୍ଦନ ମହାପାତ୍ରଙ୍କ ମା’ ସ୍ନିଧା ଏବେ ବାହୁନି ବାହୁନି କାନ୍ଦୁଛନ୍ତି । ଚନ୍ଦନଙ୍କ ଏଭଳି ଅକାଳ ମୃତ୍ୟୁରେ ମା’ ସ୍ନିଗ୍ଧାଙ୍କ ସହ ବାପା ଦେବେନ୍ଦ୍ର, ବଡ଼ ଭାଇ ରାଜକୁମାର  ସଭିଏଁ ଦୁଃଖରେ ଭାଙ୍ଗିପଡିଛନ୍ତି । ସେମାନଙ୍କ ଘରେ ଖାଇବା ପିଇବା ବନ୍ଦ  ହୋଇଯାଇଛି । 


ମୁଖ୍ୟମନ୍ତ୍ରୀ ମୋହନ ମାଝୀ ବିଧାୟକ ଥିବା ବେଳେ ତାଙ୍କର ବ୍ୟକ୍ତିଗତ ସହାୟକ (ପିଏ) ଥିଲେ  ଚନ୍ଦନ । ଦୀର୍ଘ ୭ ବର୍ଷ ଧରି ସେ ତାଙ୍କ ପାଖରେ କାମ କରୁଥିଲେ । ମଙ୍ଗଳବାର ଚନ୍ଦନଙ୍କ ମୃତ୍ୟୁ ଖବର ପାଇବା ପରେ ମୁଖ୍ୟମନ୍ତ୍ରୀ ସିଧା କ୍ୟାପିଟାଲ ହସ୍ପିଟାଲ ଧାଇଁଥିଲେ । ଚନ୍ଦନଙ୍କ ମରଶରୀରରେ ମାଲ୍ୟାର୍ପଣ କରିବା  ରେ ପରିବାର ଲୋକଙ୍କୁ ଭେଟିଥିଲେ ।  ସେମାନଙ୍କୁ ସମବେଦନା ଜଣାଇବା ସହ  ପରିବାରକୁ ସମସ୍ତ ପ୍ରକାର ସହାୟତା  ଯୋଗାଇବେ ବୋଲି ଆଶ୍ୱାସନା  ଦେଇଥିଲେ । 

ସୂଚନାଯୋଗ୍ୟଯେ,  ଅଢ଼େଇ ବର୍ଷ ତଳେ ବେବିନା ପ୍ରଧାନଙ୍କୁ  ବାହା ହୋଇଥିଲେ ଚନ୍ଦନ । ଏବେ  ବେବିନାଙ୍କ ଆଖିରୁ ଲୁହ ଶୁଖୁନି । ଗତ  ମେ’ ୪ରେ ଏକମାତ୍ର ପୁଅର ପ୍ରଥମ  ଜନ୍ମବାର୍ଷିକୀ ପାଳିଥିଲେ । ଗୁରୁବାର ଚନ୍ଦନଙ୍କ ଜନ୍ମଦିନ ମଧ୍ୟ ଆଡମ୍ବର  ସହକାରେ ପାଳିବାକୁ ଯୋଜନା କରିଥିଲେ ପରିବାର ଲୋକେ । କିନ୍ତୁ  ମଙ୍ଗଳବାର ମର୍ମନ୍ତୁଦ ଦୁର୍ଘଟଣାରେ ତାଙ୍କ ଜୀବନ ଚାଲିଯାଇଛି । ନୂଆପଲ୍ଲୀ  ଥାନା ପୁଲିସ ଏକ ମାମଲା ରୁଜୁ କରି ତଦନ୍ତ ଚଳାଇଛି । ଦୁର୍ଘଟଣାସ୍ଥଳରୁ ୪ଟି ଗାଡିକୁ ଜବତ କରିଛି ପୁଲିସ ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.