ପ୍ରମୂଖ ଖବର
  • କାଲିମେଳା: ଲଗାଣ ବର୍ଷାରେ ବେହାଲ ଜନଜୀବନ, ପାହାଡ ଧସିବାରୁ ରାସ୍ତା ବନ୍ଦ
  • ||
  • ସପ୍ତଦଶ ବିଧାନସଭାର ବଜେଟ୍ ଅଧିବେଶ ଆରମ୍ଭ, ପ୍ରଥମ ଦିନରେ ଅଭିଭାଷଣ ରଖିଲେ ରାଜ୍ୟପାଳ ରଘୁବର ଦାସ
  • ||
  • ଯାଜପୁର : ଭାରସାମ୍ୟ ହରାଇ ଓଲଟିଲା ​କାଉଡିଆଙ୍କୁ ନେଇ ଯାଉଥିବା ବସ୍, ୫ରୁ ଉର୍ଦ୍ଧ୍ଵ ଆହତ
  • ||

ମୁମ୍ୱାଇରେ ଆଗାମୀ ୨୪ ଘଣ୍ଟାରେ ପ୍ରବଳ ବର୍ଷା ସମ୍ଭାବନା , ସତର୍କ କରାଇଲା ପାଣିପାଗ ବିଭାଗ

ମୁମ୍ୱାଇ – ଭାରତୀୟ ପାଣିପାଗ ବିଭାଗ (ଆଇଏମଡି)ର ତାଜା ପୂର୍ବାନୁମାନ ଆସିଛି। ଆଗାମୀ ୨୪ ଘଣ୍ଟା ଭିତରେ ମୁମ୍ୱାଇ ଓ ଏହାର ନିକଟବର୍ତ୍ତୀ ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହାକୁ ନେଇ ଆଇଏମଡି ସତର୍କ ସୂଚନା ଜାରି କରିଛି। ସନ୍ଧ୍ୟା ୬.୧୫ରେ ଜାରି ସତର୍କ ସୂଚନାରେ ଆଇଏମଡି କହିଛି , ମୁମ୍ୱାଇର ଭିନ୍ନ ଭିନ୍ନ ସ୍ଥାନରେ ଓ ଏହାର ନିକଟବର୍ତ୍ତୀ ଅଞ୍ଚଳରେ ଆଗାମୀ ୨୪ ଘଣ୍ଟା ଭିତରେ ଖୁବ୍‌ ବର୍ଷା ହୋଇ ପାରେ। 

ଆଇଏମଡିର ଏହି ଚେତାବନୀ ଓ ପୂର୍ବାନୁମାନ ସେତେବେଳେ ଜାରି ହୋଇଛି, ଯେବେ ପୂର୍ବରୁ ମୁମ୍ୱାଇ ଜଳାର୍ଣ୍ଣବ ହୋଇ ରହିଛି। ମୁମ୍ୱାଇରେ ପ୍ରବଳ ବର୍ଷା କାରଣରୁ ରେଳ ଓ ବିମାନ ସେବା ପ୍ରଭାବିତ ହୋଇଛି। ସ୍କୁଲ ଗୁଡ଼ିକୁ ମଧ୍ୟ ବନ୍ଦ କରିଦିଆ ଯାଇଛି। ପାଣିପାଗ ବିଭାଗ ପୂରା ମୁମ୍ୱାଇରେ ରେଡ୍‌ ଆଲର୍ଟ ଜାରି କରିଛି। 

ରବିବାର ଓ ସୋମବାର ହୋଇଥିବା ବର୍ଷା କାରଣରୁ ମୁମ୍ୱାଇ ଓ ଏହାର ଆଖପାଖର ଅଞ୍ଚଳରେ ଥିବା ରେଳ ଟ୍ରାକ୍‌ରେ ଜଳ ଭରି ରହିଛି। ଏହି କାରଣରୁ ମଧ୍ୟ ରେଲୱେ ସେବା ବହୁ ମାତ୍ରାରେ ପ୍ରଭାବିତ ହୋଇଛି। ବିମାନ ବନ୍ଦରରେ ମଧ୍ୟ ବିମାନ ପରିଚାଳନା ଉପରେ ପ୍ରଭାବ ପଡ଼ିଛି, ଯେଉଁଥି ପାଇଁ ସୋମବାର ୫୦ଟି ଉଡ଼ାଣକୁ ରଦ୍ଦ କରିବାକୁ ପଡ଼ିଛି। ଖୁବ୍‌ ବର୍ଷା କାରଣରୁ ସହରର ଅନେକ ତଳିଆ ଅଞ୍ଚଳ ଜଳମଗ୍ନ ହୋଇ ଯାଇଛି, ଯେଉଁଥିରେ ଯାନବାହନର ଯାତାୟତରେ ବାଧା ଉପୁଜିଛି। ଲୋକେ ଜଳମଗ୍ନ ସଡ଼କରେ ଯିବା ଆସିବା କରୁଥିବାର ଦେଖିବାକୁ ମିଳିଛି। 

ଅନ୍ୟପଟେ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ମନ୍ତ୍ରଣାଳୟରେ ଏକ ବୈଠକ କରି ମୁମ୍ୱାଇରେ ପ୍ରବଳ ବର୍ଷା ସ୍ଥିତିର ସମୀକ୍ଷା କରିବା ସହ ବିଏମସିର ନିୟନ୍ତ୍ରଣ କକ୍ଷକୁ ମଧ୍ୟ ଗସ୍ତ କରିଥିଲେ।


News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.