ହାଇଦ୍ରାବାଦ: ଆଇପିଏଲ ଇତିହାସରେ ସବୁଠୁ ବଡ଼ ସ୍କୋର କରିଛି ସନରାଇଜର୍ସ ହାଇଦ୍ରାବାଦ (ଏସଆରଏଚ୍) । ମୁମ୍ବାଇ ଇଣ୍ଡିଆନ୍ସ (ଏମଆଇ) ବିପକ୍ଷରେ ଏସଆରଏଚ୍ ୨୦ ଓଭରରେ ୨୭୭ ରନ୍ କରିଛି । ମାତ୍ର ୩ ଓ୍ବିକେଟ ବିନିମୟରେ ଦଳ ବିଶାଳ ସ୍କୋର କରିପାରିଛି । ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ବାଧୀନ ମୁମ୍ବାଇ ସାମ୍ନାରେ ୨୮୮ ରନର ବିଜୟ ଲକ୍ଷ୍ୟ ରଖିଛି ହାଇଦ୍ରାବାଦ ।
ଛକା-ଚୌକା ବର୍ଷାରେ ଉଛୁଳିଲା ହାଇଦ୍ରାବାଦର ରାଜୀବ ଗାନ୍ଧୀ ଷ୍ଟାଡିୟମ । ସନରାଇଜର୍ସ ହାଇଦ୍ରାବାଦ ବ୍ୟାଟରଙ୍କ ଅବିଶ୍ଵସନୀୟ ବ୍ୟାଟିଂ। ଆଇପିଏଲ୍ ଇତିହାସରେ ସବୁଠୁ ବଡ଼ ସ୍କୋର। ନିର୍ଦ୍ଧାରିତ ଓଭରରେ ୩ ଓ୍ଵିକେଟ୍ ହରାଇ ଦଳ କରିଛି ୨୭୭ ରନ କରିଛି । ହେନରିକ କ୍ଲାସେନ ୩୪ ବଲରୁ ଅପରାଜିତ ୮୦ ରନ, ଅଭିଷେକ ଶର୍ମା ୨୩ ବଲରୁ ୬୩ ରନ, ଟ୍ରେଭିସ୍ ହେଡ୍ ୨୪ ବଲରୁ ୬୨ ଓ ଆଡନ ମାରକ୍ରମ ଅପରାଜିତ ୪୨ ରନ କରିଛନ୍ତି ।
୧୦ ବର୍ଷ ପୂର୍ବେ ଅର୍ଥାତ ୨୦୧୩ରେ ଆରସିବି, ସାହାରା ପୁଣେ ଓ୍ଵାରିୟର୍ସ ବିପକ୍ଷରେ ୫ ଓ୍ଵିକେଟ୍ ହରାଇ ୨୬୩ ରନ କରିଥିଲା। ଆଉ ଆଜିର ମ୍ୟାଚରେ ହାଇଦ୍ରାବାଦ ସବୁ ରେକର୍ଡ ଭାଙ୍ଗି ନିର୍ଦ୍ଧାରିତ ଓଭରରେ ୨୭୭ ରନ୍ କରିଛି । ଟସ୍ ହାରି ପ୍ରଥମେ ବ୍ୟାଟିଂ କରିଥିବା ସନରାଇଜର୍ସ ହାଇଦ୍ରାବାଦ ବିସ୍ଫେରକ ବ୍ୟାଟିଂ କରି କ୍ରିକେଟ ପ୍ରେମୀଙ୍କୁ ଆଶ୍ଚର୍ଯ୍ୟ ଚକିତ କରିପକାଇଛି ।
ଆଜି ହାଇଦ୍ରାବାଦ ବ୍ୟାଟରଙ୍କ ସାମ୍ନାରେ ଅସହାୟ ମଣିଥିଲେ ମୁମ୍ବାଇ ବୋଲର । ଅଧିନାୟକ ହାର୍ଦ୍ଦିକ ପାଣ୍ଡ୍ୟା ୪ ଓଭରରେ ୪୬ ରନ୍ ଦେଇଥିବା ବେଳେ ଗୋଟିଏ ଓ୍ବିକେଟ ନେଇଛନ୍ତି । ଗେରାଲ୍ଡ କୁଏତଜୀ ସର୍ବାଧିକ ୫୭ ରନ୍ ଦେଇଥିବା ବେଳେ ଗୋଟିଏ ଓ୍ବିକେଟ ଅକ୍ତିଆର କରିଛନ୍ତି । ସେହିଭଳି ପିୟୁଷ ଚାଓ୍ବଲା ଏକମାତ୍ର ଓ୍ବିକେଟ ନେବାରେ ସଫଳ ହୋଇଛନ୍ତି । ଫଳରେ ମାତ୍ର ୩ ଓ୍ବିକେଟ ହରାଇ ୨୭୭ ରନ୍ କରିଛି ହାଇଦ୍ରାବାଦ ।
