ମାଲକାନଗିରି,୫।୯(ଆପ୍ର): ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ରାଜ୍ୟ ସୁକୁମା ଜିଲ୍ଲା ଚିନ୍ତାଗୁମ୍ଫା ଥାନା ସ୍ଥ ତାଡ଼ମେଟାଲ ଜଙ୍ଗଲ ରେ ଆଜି ମାଓବାଦୀ ଯବାନ ଙ୍କ ମଧ୍ୟରେ ଗୁଳିବିନିମୟ ଘଟି ଦୁଇଜଣ ହାର୍ଡକୋର ମାଓବାଦୀ ଙ୍କର ମୃତ୍ୟୁଘଟିଛି। ସେମାନଙ୍କ ଠାରୁ ବନ୍ଧୁକ ଓ  ଗୋଳାବାରୁଦ ପୁଲିସ ଜବତ କରିଛି।

 ସୀମାନ୍ତ ସୁକୁମା ଜିଲ୍ଲା ତାଡ଼ମେଟଲା ଜଙ୍ଗଲରେ ମାଓକ୍ୟାମ୍ପରୁ ଚାଲିଥିବାର ଖବର ପାଇ ସିଆରପିଏଫ ଓ ଡିଆରଜି ଯବାନ ମାନେ କୁମ୍ବିଂ ଅପରେସନ ରେ ସେହି ଜଙ୍ଗଲ କୁ ଯାଇଥିଲେ। ଜଙ୍ଗଲ ମଧ୍ୟରୁ ଯବାନ ମାନଙ୍କ ଉପରକୁ ମାଓବାଦୀ ମାନେ ଗୁଳି ଚଳାଇଥିଲେ। ତାର ପାଲଟା ଜବାବ ରେ ଯବାନ ମନେ ମଧ୍ୟ ଗୁଳିଚାଳନା କରିଥିଲେ। ଉଭୟଙ୍କ ମଧ୍ୟରେ ପ୍ରାୟ ୩୦ ମିନିଟ ଧରି ଗୁଳିବିନିମୟ ହୋଇଥିଲା। ଯବାନ ଙ୍କୁ ମୁକାବିଲା କରିନପାରି ମାଓବାଦୀ ମାନେ ଜଙ୍ଗଲ ରେ ଛତ୍ର ଭଙ୍ଗ ଦେଇ ପଳାଇ ଥିଲେ। ପରେ ଯବାନ ମନେ ସର୍ଚ୍ଚ ଅପରେଶନ ବେଳେ ଜଙ୍ଗଲରୁ ଦୁଇଜଣ ହାର୍ଡକୋର ମାଓବାଦୀ ଙ୍କ ମୃତ ଶରୀର ସହିତ ବନ୍ଧୁକ,ପିସ୍ତଲ,ଗୋଳାବାରୁଦ ଓ ମାଓସମଗ୍ରୀ ଜବତ କରିଥିଲେ। ମୃତ ଦୁଇ ମାଓବାଦୀ ଙ୍କ  ପରିଚୟ ମିଳିଛି । ସେମାନେ ହେଲେ ଜାଗରକୋଣ୍ଡା ଏରିଆ କମିଟି ମେମ୍ବର ସୋଡି ଦେବା ଓ ରାବା ଦେବା । ସେମାନଙ୍କ ମୁଣ୍ଡଉପରେ ଏକ ଲକ୍ଷ ଟଙ୍କା ଲେଖା ପୁରସ୍କାର ରାଶି ଘୋଷିତ ହୋଇଥିଲା।  ଏହି ଗୁଳିବିନିମୟ ରେ ଅଧିକ ମାଓବାଦୀ ମୃତାହତ ହୋଇଥିବାର ସନ୍ଦେହ କରି ଯବାନ ମାନଙ୍କ ପକ୍ଷରୁ ସେହି ଜଙ୍ଗଲରେ ସର୍ଚ୍ଚ ଅପରେଶନ ଚାଲୁରହିଛି।

ଆହୁରି ପଢନ୍ତୁ : ଜିଲ୍ଲାସ୍ତରୀୟ ଗୁରୁଦିବସ ପାଳିତ, ୨୧ ଶିକ୍ଷକ ଶିକ୍ଷୟିତ୍ରୀ ସମ୍ମାନିତ