ୱାଶିଂଟନ,୨୮/୦୫: ଆମେରିକାର ଟେକ୍ସାସ, ଓକଲାହୋମା, ଆର୍କାନସସ୍, ଇଲିନୟ, ମିସୋରୀ, ଟେନିସି, ଟେକ୍ସାସ ଓ କେଣ୍ଟକୀ ପ୍ରଦେଶରେ ଘୂର୍ଣ୍ଣିଝଡ ତାଣ୍ଡବ ସୃଷ୍ଟି କରିଛି । ପ୍ରବଳ ପବନ ସହ ବର୍ଷା ଓ କୁଆପଥର ବୃଷ୍ଟି ଯୋଗୁ ୨୨ ଜଣଙ୍କର ମୃତ୍ୟୁ ଘଟିଥିଲା ବେଳେ ଶତାଧିକ ଲୋକ ଆହତ ହୋଇଛନ୍ତି । ୧୦ କୋଟି ଲୋକ ପ୍ରଭାବିତ ହୋଇଛନ୍ତି । ୨୦୦ରୁ ଅଧିକ ଘର ଭାଙ୍ଗି ଯାଇଥିଲା ବେଳେ ବିଦ୍ୟୁତ ସଂଯୋଗ ଓ ଗ୍ୟାସ୍ ଲାଇନ କ୍ଷତିଗ୍ରସ୍ତ ହୋଇଛି । କେତେକ ଇନ୍ଧନ ଷ୍ଟେସନ ମଧ୍ୟ ବ୍ୟାପକ ଭାବେ ନଷ୍ଟ ହୋଇଯାଇଛି ।
ଇଲିନୟ, କେଣ୍ଟକୀ, ମିସୋରୀ ଓ ଟେନିସି ସହର ସର୍ବାଧିକ କ୍ଷତିଗ୍ରସ୍ତ ହୋଇଛି । ଏଠାରେ ବେସ୍ ବଲ୍ ଆକାରରେ କୁଆପଥର ମାଡ଼ ହୋଇଥିଲା । ଘଣ୍ଟା ପ୍ରତି ୧୩୫ ରୁ ୧୬୫ କିମି. ବେଗରେ ପବନ ବହିଥିଲା । ଯାହାଫଳରେ ବ୍ୟାପକ କ୍ଷୟକ୍ଷତି ଘଟିଛି । ଲୋକମାନେ ଭୟଭୀତ ଅବସ୍ଥାରେ ରହିଛନ୍ତି । ଘଟଣା ସମ୍ପର୍କରେ ରାଷ୍ଟ୍ରପତି ଜୋ ବାଇଡେନଙ୍କୁ ଅବଗତ କରାଯାଇଛି । ସେ ପରିସ୍ଥିତି ଉପରେ ନଜର ରଖିବା ସହ ରିଲିଫ ଓ ଉଦ୍ଧାରକାରୀ ଦଳକୁ ପ୍ରଭାବିତ ଅଞ୍ଚଳକୁ ପଠାଇଛନ୍ତି ।
