ନୂଆଦିଲ୍ଲୀ, ୧୧/୧୧: ଦିଲ୍ଲୀ-ଏନସିଆରରେ ବାୟୁ ପ୍ରଦୂଷଣ ସ୍ତରରେ ସାମାନ୍ୟ ସୁଧାର ଆସିଛି । ତଥାପି ବାୟୁ ପ୍ରଦୂଷଣ ଏବେ ଖରାପ ଶ୍ରେଣୀରେ ରହିଛି । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (CPCB) ଅନୁସାରେ, ଶୁକ୍ରବାର ଏୟାର କ୍ୱାଲିଟି ଇଣ୍ଡେକ୍ସ ୨୭୯ ରହିଥିଲା । ଶନିବାର ରାତି ଯାକ ବର୍ଷା ପରେ ବାୟୁ ପ୍ରଦୂଷଣରେ ଆସିଥିଲା ସୁଧାର ।

ରାଷ୍ଟ୍ରୀୟ ରାଜଧାନୀ ଦିଲ୍ଲୀର ପ୍ରଦୂଷଣ ହଟସ୍ପଟ୍ ଆନନ୍ଦ ବିହାରରେ ଏକ୍ୟୁଆଇ ୨୮୨ ରେକର୍ଡ କରାଯାଇଥିଲା । ଆରକେ ପୂରମରେ ଏକ୍ୟୁଆଇ ୨୨୦ ରହିଥିବା ବେଳେ ପଞ୍ଜାବୀ ବାଗରେ ୨୩୬, ଆଇଟିଓରେ ୨୬୩ ରେକର୍ଡ କରାଯାଇଥିଲା ।

ହଜାରେରୁ ଅଧିକ ଥର ଭୂମିକମ୍ପ ପରେ ଲାଭା ଉଦଗୀରଣ ଭୟ, ବନ୍ଦ ହେଲା ଏହି ସୁନ୍ଦର ସ୍ଥାନ

ଶୂନରୁ ୫୦ ମଧ୍ୟରେ ଏୟାର କ୍ୱାଲିଟି ଇଣ୍ଡେକ୍ସକୁ ଭଲ କୁହା ଯାଉଥିବା ବେଳେ ୫୧ରୁ ୧୦୦ ସନ୍ତୋଷଜନକ, ୧୦୧ରୁ ୨୦୦ ମଧ୍ୟମଧରଣ, ୨୦୧ରୁ ୩୦୦ ଖରାପ, ୩୦୧ରୁ ୪୦୦ ଅତି ଖରାପ, ୪୦୧ରୁ ୫୦୦ ଭୀଷଣ ଓ ୫୦୦ ଉପରେ ଏୟାର କ୍ୱାଲିଟି ଇଣ୍ଡେକ୍ସ ସିଭିୟର ପ୍ଲସ୍ ବର୍ଗରେ ଆସିଥାଏ ।

ପାଣିପାଗ ବିଭାଗର ଆକଳନ ଅନୁସାରେ, ଶନିବାର ଦିଲ୍ଲୀ-ଏନସିଆର୍ ଅଞ୍ଚଳରେ ବର୍ଷା ହୋଇ ନପାରେ । ସକାଳେ ଆକାଶରେ ବାଦଲ ରହିବା ସହ କୁହୁଡ଼ି ଦେଖାଯିବ । ଆଶା କରାଯାଉଛି ଦିଲ୍ଲୀରେ ସର୍ବନିମ୍ନ ତାପମାତ୍ରା ୧୪ ଡିଗ୍ରୀ ଓ ସର୍ବାଧିକ ୨୭ ଡିଗ୍ରୀ ଆଜି ରେକର୍ଡ କରାଯାଇପାରେ ।

ତାଇୱାନକୁ ଲଗାତାର ଅସ୍ତ୍ରଶସ୍ତ୍ର ପଠାଉଛି ଆମେରିକା, ଚୀନ୍ ବିପକ୍ଷରେ ବଡ଼ ଯୋଜନା କରୁଛନ୍ତି କି ବାଇଡେନ୍ ?

ଅନ୍ୟପଟେ ଶୁକ୍ରବାର ଦିଲ୍ଲୀ ବାୟୁ ପ୍ରଦୂଷଣକୁ ନେଇ ଶୁଣାଣି ବେଳେ ସୁପ୍ରିମକୋର୍ଟ ଭର୍ତ୍ସନା କରିଥିଲେ । କହିଥିଲେ, ପ୍ରତିବର୍ଷ ପ୍ରଦୂଷଣ ମାମଲାରେ ଦଖଲ ଦେବା ପରେ କାହିଁକି ପଦକ୍ଷେପ ନିଆ ଯାଉଛି । ସୁପ୍ରିମକୋର୍ଟଙ୍କ ୨ ଜଣିଆ ଖଣ୍ଡପୀଠ ପ୍ରଶ୍ନ କରିଥିଲେ, ୬ ବର୍ଷ ଧରି କଣ କରୁଛନ୍ତି । ହୁଏତ ଭଗବାନ ଦିଲ୍ଲୀବାସୀଙ୍କ ପ୍ରାର୍ଥନା ଶୁଣି ବର୍ଷା କଲେ ।