ନୂଆଦିଲ୍ଲୀ : ରୁଷ୍-ୟୁକ୍ରେନ୍ ଯୁଦ୍ଧ କାରଣରୁ ସୃଷ୍ଟି ହୋଇଥିବା ଗଭୀର ମତଭେଦ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜି-୨୦ ସମ୍ମିଳନୀରେ ପୂରା ବିଶ୍ୱକୁ ଏକା ସାଥିରେ ଯୋଡ଼ିବା କଥା ଉପରେ ଜୋର ଦେଇଛନ୍ତି। ପ୍ରଧାନମନ୍ତ୍ରୀ ମୋଦି ବିଶ୍ୱର ନେତାଙ୍କୁ ଅପିଲ କରିଛନ୍ତି ସେମାନେ ସାରା ବିଶ୍ୱରେ ବିଶ୍ୱାସରେ ଦେଇଥିବା ଅଭାବବୋଧକୁ ଦୂର କରନ୍ତୁ। ପ୍ରଧାନମନ୍ତ୍ରୀ ମୋଦି କହିଛନ୍ତି ସବୁ ଦେଶ ପରସ୍ପର ଉପରେ ଭରସା କରନ୍ତୁ ଏବଂ ପୁରୁଣା ଚ୍ୟାଲେଞ୍ଜର ନୂଆ ସମାଧାନ ଖୋଜିବାକୁ ମିଳିମିଶି ଚେଷ୍ଟା କରନ୍ତୁ। ମୋଦି ଭାରତ ମଣ୍ଡପମ୍ରେ ଜି-୨୦ ନେତାଙ୍କ ଶିଖର ସମ୍ମିଳନୀର ଆରମ୍ଭ କରି ନିଜର ସମ୍ୱୋଧନରେ କହିଛନ୍ତି କି, ଯଦି ଦୁନିଆ କୋଭିଡ-୧୯କୁ ହରାଇ ପାରେ, ତ ସେ ଯୁଦ୍ଧ କାରଣରୁ ଆସିଥିବା ବିଶ୍ୱାସର ଅଭାବ ଉପରେ ବି ବିଜୟ ପ୍ରାପ୍ତ କରିପାରିବ।
ପ୍ରଧାନମନ୍ତ୍ରୀ ଜି-୨୦ ନେତାଙ୍କର ଗୋଟିଏ ପୃଥିବୀ ସେସନକୁ ସମ୍ୱୋଧିତ କରି କହିଛନ୍ତି , ଏହା ବିଶ୍ୱର କଲ୍ୟାଣ ପାଇଁ ଆମ ସମସ୍ତଙ୍କୁ ମିଳିମିଶି ଚାଲିବାର ସମୟ। ଏହି ସେସନରେ ଆମେରିକାର ରାଷ୍ଟ୍ରପତି ଜୋ ବାଇଡେନ , ସାଉଦୀ ଆରବର ଯୁବରାଜ ମହମ୍ମଦ ବିନ ସଲମାନ , ବ୍ରିଟେନର ପ୍ରଧାନମନ୍ତ୍ରୀ ରିଷି ସୁନକ ଓ ବ୍ରାଜିଲର ରାଷ୍ଟ୍ରପତି ଲୁଇଜ ଇନାସିୟୋ ଲୁଲା ଡା ସିଲଭାଙ୍କ ସମେତ ଅନେକ ନେତା ଯୋଗ ନେଇଛନ୍ତି।
ଜି-୨୦ରେ ସାମିଲ ହେଲା ଆଫ୍ରିକାନ୍ ୟୁନିୟନ୍, ଆଲିଙ୍ଗନ କରି ପ୍ରଧାନମନ୍ତ୍ରୀ ମୋଦି କଲେ ସ୍ବାଗତ
ମୋଦି ଏଠାରେ ଭାରତ ମଣ୍ଡପମ୍ ସମ୍ମଳନୀ କେନ୍ଦ୍ରରେ ସଭାକୁ ସମ୍ୱୋଧିତ କରି କହିଛନ୍ତି , ବିଶ୍ୱ ସ୍ତରୀୟ କୋଭିଡ ମହାମାରୀ ପରେ ଦୁନିଆ ବିଶ୍ୱାସରେ ଅଭାବର ନୂଆ ଚ୍ୟାଲେଞ୍ଜକୁ ସାମନା କରିଛି ଏବଂ ଦୁର୍ଭାଗ୍ୟ ଯେ ଯୁଦ୍ଧ ଏହାକୁ ଆହୁରି ଗୁରୁତର କରି ଦେଇଛି । ସେ କହିଛନ୍ତି, କିନ୍ତୁ ଆମକୁ ମନେରଖିବା ଉଚିତ କି ଯଦି ଆମେ କୋଭିଡ ଭଳି ବୈଶିକ ମହାମାରୀକୁ ହରାଇ ପାରୁଛେ, ତ ଆମ ବିଶ୍ୱାସରେ ଏହି ଚ୍ୟାଲେଞ୍ଜକୁ ବି ଅତିକ୍ରମ କରିପାରିବା। ଆଜି ଭାରତ ଜି-୨୦ ର ଅଧ୍ୟକ୍ଷ ଭାବେ ପୂରା ଦୁନିଆରେ ବିଶ୍ୱାସର ଅଭାବକୁ ଦୂର କରି ପରସ୍ପର ଉପରେ ଭରସା କରିବାକୁ ଅନୁରୋଧ କରୁଛି।
‘ବିଶ୍ୱରେ ବିଶ୍ୱାସ ସଂକଟ’ କଥା କହି G20ରୁ ‘ସବକା ସାଥ୍, ସବକା ବିକାଶ’ର ମନ୍ତ୍ର ଦେଲେ ପିଏମ୍ ମୋଦୀ
