ନୂଆଦିଲ୍ଲୀ, ୧୯/୦୯: ଜାତିସଂଘ ସୁରକ୍ଷା ପରିଷଦରେ ବର୍ତ୍ତମାନ ସମୟର ପରିବର୍ତ୍ତନ ଅନୁସାରେ ଏହାର ସୁଧାର କରିବା ଦରକାର ବୋଲି କହିଛନ୍ତି ଜାତିସଂଘ ମହାସଚିବ ଏଣ୍ଟୋନିଓ ଗୁଟେରସ୍ । ମଙ୍ଗଳବାର ଗୁଟେରସ କହିଛନ୍ତି ଯେ, ୧୫ ସଦସ୍ୟତା ବିଶିଷ୍ଟ ଏହି ସଂଗଠନ(ୟୁଏନଏସସି) ରାଜନୈତିକ ଏବଂ ଆର୍ଥିକ ପରିସ୍ଥିତିକୁ ନଜରରେ ରଖି ୧୯୪୫ରେ ଆତ୍ମପ୍ରକାଶ କରିଥଲା । କିନ୍ତୁ ଏବେ ଏଭଳି ସମସ୍ୟା ଦୂର କରିବା ପରିବର୍ତ୍ତେ ଏହା ସମସ୍ୟା ହୋଇ ଛିଡ଼ାହେଉଛି ।
ୟୁଏନଜିଏର ୭୮ ତମ ପ୍ରତିଷ୍ଠା ଦିବସ ଅବସରରେ ଗୁଟେରସ୍ ଆହୁରି କହିଛନ୍ତି ଯେ, ଆମ ପୃଥିବୀ ନିର୍ଜନ ହେବାରେ ଲାଗିଛି । ସୀମାକୁ ନେଇ ବିବାଦ ବୃଦ୍ଧିପାଉଛି । ଆମ ପ୍ରତି ଆହ୍ବାନ ବଢ଼ୁଥିବା ବେଳେ ଆମେ ସମସ୍ତେ ଏକାଠି ହେବାକୁ ଅସମର୍ଥ ହେଉଥିବା ମନେ ହେଉଛି । ଜାତିସଂଘ ମୁଖ୍ୟ କହିଛନ୍ତି, ଆମେ ସମସ୍ୟାର ସମାଧାନ ପ୍ରଭାବୀ ଢ଼ଙ୍ଗରେ କରିପାରୁନାହୁଁ । ବିଶ୍ବ ସାମ୍ନାରେ ଯେପର୍ଯ୍ୟନ୍ତ ୟୁଏନଏସି ପ୍ରଭାବଶାଳୀ ଢ଼ଙ୍ଗରେ କୌଣସି ସମସ୍ୟାର ସମାଧାନ କରିନାହିଁ ସେପର୍ଯ୍ୟନ୍ତ ଏହାର କାର୍ଯ୍ୟକାରିତା ପ୍ରତିଫଳିତ ହେବନାହିଁ ବୋଲି ସେ କହିଛନ୍ତି ।
ଏପରି ସ୍ଥଳେ ସମସ୍ୟାର ସମାଧାନ ପରିବର୍ତ୍ତେ ସମସ୍ୟାର ଭାଗିଦାରୀ ଭଳି ମନେହେଉଛି । ତେଣୁ ଏକବିଂଶ ଶତାବ୍ଦୀରେ ଆର୍ଥିକ ଏବଂ ରାଜନୈତିକ ବାସ୍ତବିକତା ଉପରେ ଆଧାରିତ ସଂସ୍ଥାନଗୁଡ଼ିକର ନବୀନକରଣ ହେବା ଉପରେ ଗୁଟେରସ୍ ଜୋର ଦେଇଛନ୍ତି । ଗୁଟେରସ୍ ଆହୁରି ମଧ୍ୟ କହିଛନ୍ତି ଯେ, ଅନ୍ତର୍ଜାତୀୟ ଆର୍ଥିକ ଢ଼ାଞ୍ଚାକୁ ପୁଣି ଥରେ ଡିଜାଇନ କରିବାର ଆବଶ୍ୟକତା ରହିଛି । ଫଳରେ ବାସ୍ତବ ସମସ୍ୟାକୁ ବୁଝି ବିକାଶଶୀଳ ରାଷ୍ଟ୍ରଗୁଡ଼ିକର ଅନ୍ତର୍ଜାତୀୟ ସୁରକ୍ଷା କବଚ ରୂପେ କାମ କରିପାରିବ ।
You can also read: ବିକ୍ରି ହେବାକୁ ପ୍ରସ୍ତୁତ ‘ସିପ୍ଲା’, କିଣିବାକୁ ଫଣ୍ଡ ଏକାଠି କରୁଛି ଏହି ଫାର୍ମା କମ୍ପାନୀ
