ପ୍ରମୁଖ ଖବର
  • ହିଞ୍ଜିଳି : ହିଞ୍ଜିଳିରୁ ଶଙ୍ଖନାଦ କଲେ ମୁଖ୍ୟମନ୍ତ୍ରୀ, କହିଲେ ଆରମ୍ଭ ହେଲା ବିଜେଡିର ବିଜୟ ଯାତ୍ରା
  • ||
  • ଭୁବନେଶ୍ୱର : ମସଲା ବ୍ୟାନ୍‌ ପ୍ରସଙ୍ଗ: ମସଲା ବ୍ୟାନ୍‌ର ମୂଳ କାରଣକୁ ଚିହ୍ନଟ କରାଯିବ
  • ||
  • ଭୁବନେଶ୍ୱର : ନକଲି ପୁଲିସ୍‌, ସିବିଆଇ ଅଧିକାରୀ କହି ଲୁଟୁଥିଲେ; ଇରାନୀ ମୁସଲିମ୍‌ ଗ୍ୟାଙ୍ଗ୍‌ର ୭ ଗିରଫ
  • ||
  • ଭୁବନେଶ୍ୱର : ଲିଭୁନି ଚନ୍ଦକା ନିଅ, ୧୨ ଘଣ୍ଟା ନାକେଦମ୍‌ ବନ କର୍ମଚାରୀ
  • ||
  • ଫୁଲବାଣୀ : ବାରହା ଆକ୍ରମଣରେ ମହିଳା ମୃତ
  • ||
  • ମାଲକାନଗିରି ଜିଲ୍ଲାରୁ ନଗଦ ୩୦ ଲକ୍ଷ ଜବତ, ୨ ଗିରଫ
  • ||
  • ଭୁବନେଶ୍ଵର : ମେ ୧ରେ ୪୮ ଡିଗ୍ରୀ ଛୁଇଁବ, ଆହୁରି ୬ ଡିଗ୍ରୀ ବଢ଼ିଯିବ ତାତି
  • ||

ଦିଲ୍ଲୀ ଅବକାରୀ ଦୁର୍ନୀତି ଲିଙ୍କ୍‌, ଗୋଆର ୩ ଆପ୍‌ ନେତାଙ୍କୁ ଇଡିର ସମନ

Image Courtesy: aajtak

ପାନାଜୀ: ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ଗୋଆର ଆପ୍‌ ନେତା ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡ) ରାଡାରକୁ ଆସିଛନ୍ତି । ଏହି ମାମଲାରେ ଗୋଆର ଆପ ମୁଖ୍ୟ ଅମିତ ପାଲେକରଙ୍କ ସମେତ ରାମାରାଓ ଓ୍ବାଘା, ଦତ୍ତପ୍ରସାଦ ନାଇକଙ୍କୁ ଇଡି ସମନ କରିଛି । ଏମାନେ ଗୋଆ ବିଧାନସଭା ନିର୍ବାଚନରେ ବେଶ୍‌ ସକ୍ରିୟ ଥିଲେ । ତେବେ ସାଉଥ ଗ୍ରୁପ୍‌ରୁ ମିଳିଥିବା ଲାଞ୍ଚ ଅର୍ଥ ଗୋଆ ନିର୍ବାଚନରେ ବ୍ୟବହାର ହୋଇଥିଲା ବୋଲି ଇଡି ଅଭିଯୋଗ କରିଛି ।

 ତଦନ୍ତ ରିପୋର୍ଟରେ ଇଡି ଦର୍ଶାଇଛି ଯେ, ଆପ୍‌କୁ ସାଉଥ ଗ୍ରୁପ୍‌ ପାଖରୁ ଲାଞ୍ଚ ଆକାରରେ ୧୦୦ କୋଟି ଟଙ୍କା ମିଳିଥିଲା ।  ସେଥିମଧ୍ୟରୁ ୪୫ କୋଟି ଟଙ୍କା ଗୋଆ ବିଧାନସଭା ନିର୍ବାଚନ ପ୍ରଚାରରେ ବ୍ୟବହାର ହୋଇଥିଲା । ଗୋଆର ଆପ୍ ନେତାଙ୍କୁ ମାର୍ଚ୍ଚ ୨୮ରେ ହାଜର ହେବାକୁ ନୋଟିସ କରିଛି ଇଡି । 

ମିଳିଥିବା ସୂଚନା ଅନୁସାରେ, ଗୋଆ ନିର୍ବାଚନରେ ଲାଗିଥିବା ୪୫ କୋଟି ଟଙ୍କା ଭିନ୍ନ ଭିନ୍ନ ରୁଟ୍‌ରେ ମିଳିଥଲା । ଗୋଆରେ ଆପ୍‌ ପ୍ରାର୍ଥୀଙ୍କୁ ମଧ୍ୟ ଏହି ଟଙ୍କା ଦିଆଯାଇଥିଲା ବୋଲି ଦିଲ୍ଲୀର ରାଉଜ ଆଭେନ୍ୟୁ କୋର୍ଟର ଇଡି ପକ୍ଷର ଓକିଲ ଏସଭି ରାଜୁ କହିଛନ୍ତି । ସେପଟେ ୪ଟି ବାଟ ଦେଇ ଆସିଥିବା ୪୫ କୋଟି ସଂପର୍କରେ ତଥ୍ୟ ଥିବା ନେଇ ଇଡି କହିଛି । ସାଉଥ ଗ୍ରୁପ୍‌ ପାଖରୁ ଟଙ୍କା ପ୍ରଥମେ ଦିଲ୍ଲୀ ଆସିଥିଲା ଏବଂ ପରେ ଗୋଆରେ ପହଞ୍ଚିଥିଲା । ଏହା କେବଳ ୧୦୦ କୋଟିର ମାମଲା ନୁହେଁ ବରଂ ଆହୁରି ଅଧିକ ଟଙ୍କାର ନେଣଦେଣ ହୋଇଛି ବୋଲି ଦାବି କରିଛି ଇଡି । 

 

  • delhi
  • new delhi
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.