ନୂଆଦିଲ୍ଲୀ: ଆସନ୍ତାକାଲି ଅର୍ଥାତ୍ ସେପ୍ଟେମ୍ବର ୮ ରୁ ସେପ୍ଟେମ୍ବର ୧୦ ମଧ୍ୟରେ ଦେଶର ରାଜଧାନୀ ଦିଲ୍ଲୀରେ ସାରା ବିଶ୍ୱର ବଡ ବଡ ନେତା ମାନେ ଏକାଠି ହେବାକୁ ଯାଉଛନ୍ତି । ଜି -20 ଶିଖର ସମ୍ମିଳନୀ ପାଇଁ ଆମେରିକା, ଜାପାନ, ବ୍ରିଟେନ ଏବଂ ବହୁ ବଡ ଦେଶର ମୁଖ୍ୟ ଭାରତ ଆସୁଛନ୍ତି । ଏଭଳି ପରିସ୍ଥିତିରେ ସୁରକ୍ଷା କର୍ମୀଙ୍କୁ ନିୟମିତ ଭାବେ ଦିଲ୍ଲୀରେ ନିୟୋଜିତ କରାଯାଇଛି । ସହରେ ସୁରକ୍ଷା ଏଜେନ୍ସି ଗୁଡିକ ସମ୍ପୂର୍ଣ୍ଣ ହାଇ ଆଲର୍ଟରେ ଅଛନ୍ତି । ଯେପରି କି କୌଣସି ପରିସ୍ଥିତିରେ ସେମାନଙ୍କ ନିରାପତ୍ତାରେ କୌଣସି ଅସୁବିଧା ନହେବା ଉଚିତ । ତେଣୁ ଭାରତ ସରକାର ଏବଂ ଗୁପ୍ତଚର ସଂସ୍ଥା ଏବେ ଆକ୍ଟିଭ୍ ମୋଡରେ ଅଛନ୍ତି । ଆଜି ଆମେ ଏଠାରେ ଆପଣଙ୍କୁ ସୁରକ୍ଷା ସହ ଜଡିତ ଏକ ବଡ ସୂଚନା ଦେବୁ, ହୁଏତ ଯାହା ବିଷୟରେ ଆପଣ କେବେ ପୂର୍ବରୁ ଜାଣିନଥିବେ । 

 ଯେତେବେଳେ ଜଣେ ବଡ ନେତା କିମ୍ବା ଭିଭିଆଇପି ଆସନ୍ତି, ସେ ରହୁଥିବା ହୋଟେଲ ସାମ୍ନାରେ କାହିଁକି ଅନେକ ଟ୍ରକ୍ ଗୁଡିକୁ ପାର୍କିଂ କରାଯାଏ ? ଏହା ଶୁଣି ଆପଣ ନିଶ୍ଚିତ ଭାବରେ ଆଶ୍ଚର୍ଯ୍ୟ ହୋଇଯିବେ, ତେବେ ଆସନ୍ତୁ ଜାଣିବା ଏହା ପଛରେ ମୁଖ୍ୟ କାରଣ କଣ ରହିଛି ? 

 ନିକଟରେ ଯେତେବେଳେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆମେରିକା ଗସ୍ତରେ ଯାଇଥିଲେ । ଏହି ସମୟ ମଧ୍ୟରେ, ସେ ରହୁଥିବା ହୋଟେଲ ଏବଂ ଆଖପାଖରେ ଅନେକ ଟ୍ରକ୍ ପାର୍କିଂ କରାଯାଇଥିଲା । ଟ୍ରକ ଗୁଡିକୁ ଏପରି ଭାବରେ ପାର୍କିଂ କରାଯାଇଥିଲା ଯେ ସମଗ୍ର ବିଲଡିଂଟି ସେଗୁଡିକ ଦ୍ବାରା ଘେରି ହୋଇ ରହିଥିଲା । ଆପଣ ନିଶ୍ଚିତ ଭାବରେ ପ୍ରଶ୍ନ କରିବେ ଯେ, ହୋଟେଲ ସମ୍ମୁଖରେ ଟ୍ରକ ଗୁଡ଼ିକୁ କାହିଁକି ପାର୍କିଂ କରାଯାଏ ? ଏହା ପଛର ମୁଖ୍ୟ କାରଣ ହେଉଛି ସୁରକ୍ଷା । କୌଣସି ବିଲଡିଂ ପାର୍ଶ୍ୱରେ ଟ୍ରକ୍ ପାର୍କିଂ କରାଯାଇଥାଏ ଯାହା ଦ୍ବାରା କୌଣସି ଆକ୍ରମଣକାରୀ କୌଣସି ଯାନବାହାନ ଦ୍ବାରା ସେଠାକୁ ଆସି ଆରଡିଏକ୍ସ (RDX) କିମ୍ବା ଗୁଳି ଦ୍ବାରା ହୋଟେଲ ଉପରକୁ ଆକ୍ରମଣ କରିପାରିବ ନାହିଁ । 

 ଯଦି ଆମେ ଆମ ଦେଶ ବିଷୟରେ କହିବା, ତେବେ ଅନେକ ଥର ସେନା ଟ୍ରକ୍ ଗୁଡିକ ଏପରି ସ୍ଥାନରେ ପାର୍କିଂ କରାଯାଏ । ଏହି ଟ୍ରକ୍ ବୈଷୟିକ ସୁରକ୍ଷା ପାଇଁ ରହିଥାଏ । ଏଥିରେ ଜାମର୍ସ ଫିଟ୍ ହୋଇଥାଏ, ଯିଏକି କିଏ ସେହି ଅଞ୍ଚଳକୁ ସମ୍ପୂର୍ଣ୍ଣ ସୁରକ୍ଷିତ ରଖିଥାଏ । ଏହା ସହିତ ସେନା ସୈନିକମାନେ ସେନା ଟ୍ରକରେ ଅସ୍ତ୍ରଶସ୍ତ୍ର ସହିତ ସଜ୍ଜିତ ହୋଇ ରହିଥାନ୍ତି ।