ନୂଆଦିଲ୍ଲୀ,୧୧।୯:  ଶିମଲାର ସଞ୍ଜୋଲିରେ ମସଜିଦ୍‌ର ଅବୈଧ ନିର୍ମାଣ ମାମଲାରେ ହଙ୍ଗାମା। ପ୍ରଦର୍ଶନକାରୀ ବ୍ୟାରିକେଡ୍ ଭାଙ୍ଗି ବିବାଦୀୟ ମସଜିଦ୍‌ ସ୍ଥଳରେ ପହଁଞ୍ଚି ଯାଇଛନ୍ତି। ଭାଙ୍ଗିଥିବା ଟନେଲରେ ପ୍ରଦର୍ଶନକାରୀ ଓ ପୋଲିସ ମଧ୍ୟରେ ସଂଘର୍ଷ ହୋଇଛି ଓ ପୋଲିସ ଏହି ସମୟରେ ଲାଠିଚାର୍ଜ ମଧ୍ୟ କରିଛି। ପ୍ରଦର୍ଶନକାରୀ ଏହାର ଜବାବ୍‌ରେ  ପଥରମାଡ଼ ମଧ୍ୟ କରିଥିଲେ। ଆନ୍ଦୋଳନକାରୀ ମସଜିଦ୍ ସ୍ଥଳ ନିକଟରେ ପହଁଞ୍ଚି ଯାଇଥିଲେ। ପୋଲିସ ତାଙ୍କୁ କାବୁ କରିବା ପାଇଁ ପାଣିମାଡ କରିଥିଲା। ପ୍ରଦର୍ଶନକାରୀଙ୍କୁ ଏକାଠି କରିବାରେ ସଞ୍ଜୋଲି ଅଞ୍ଚଳରେ ବିବାଦୀୟ ସ୍ଥିତି ଉପୁଜିଛି। ଜିଲ୍ଲା ପ୍ରଶାସନ ଓ ସଞ୍ଜୋଲି କ୍ଷେତ୍ରରେ ଆଜି ସକାଳୁ ନେଇ ମଧ୍ୟ ରାତ୍ରି ପର୍ଯ୍ୟନ୍ତ ଧାରା ୧୬୩ ଲଗାଯାଇଛି, କିନ୍ତୁ ଏହାର ପ୍ରଭାବ ଦେଖିବାକୁ ମିଳିନି।

ସଞ୍ଜୋଲିର ମୁଖ୍ୟ ପ୍ରଦେଶ ଦ୍ବାରାକୁ ଚାଲିଚାଲି ଯିବା କିମ୍ବା ବାହନ ଯିବା ଆସିବାକୁ ବନ୍ଦ କରି ଦିଆଯାଇଛି। ପରିବା ମାର୍କେଟ ନିକଟରେ ବହୁ ସଂଖ୍ୟାରେ ପ୍ରଦର୍ଶନକାରୀ ନାରାବାଜି କରିଛନ୍ତି। ତାଙ୍କୁ ସଞ୍ଜୋଲି ମସଜିଦ୍‌ ଆଡକୁ ଆହୁରି  ବଢିବାକୁ ରୋକିବା ପାଇଁ ଦୁଇପଟୁ ଯିବା ଆସିବା ବନ୍ଦ କରି ଦିଆଯାଇଛି। ଏହା ସହ ନିଜର ସମର୍ଥକଙ୍କ ସହ ସଞ୍ଜୋଲି ପହଁଞ୍ଚିଥିବା ହିନ୍ଦୁ ଜାଗରଣ ମଞ୍ଚର ପୂର୍ବତନ ମହାମନ୍ତ୍ରୀ କମଳ ଗୌତମଙ୍କୁ ପୋଲିସ କଷ୍ଟଡିରେ ନିଆଯାଇଛି। 

କମଳ ଗୌତମ କହିଛନ୍ତି, ହିନ୍ଦୁ ସମାଜର ଭାବନାକୁ ଧ୍ୟାନରେ ରଖି ତାଙ୍କ ସମର୍ଥନରେ ସଞ୍ଜୋଲି ପହଁଞ୍ଚିଛି। ହିନ୍ଦୁଙ୍କ  ସ୍ବର ଚପାଇବାକୁ ଚେଷ୍ଟା କରାଯାଉଛି। ସିଭିଲ ସୋସାଇଟିର ବ୍ୟାନର ତଳେ କିଛି ଲୋକ ସଞ୍ଜୋଲି ପହଁଞ୍ଚି ନାରାବାଜି କରିବାକୁ ଲାଗିଥିଲେ, କିନ୍ତୁ ପୋଲିସ ତାଙ୍କୁ ବାହାର କରିଦେଇଥିଲା। ସ୍ଥିତି ନିୟନ୍ତ୍ରଣରେ ରଖିବା ପାଇଁ ପୋଲିସ ଦଙ୍ଗା ନିୟନ୍ତ୍ରକ ବାହାନକୁ ମଧ୍ୟ ସଞ୍ଜୋଲିରେ ମୁତୟନ କରିଛି। ଜିଲ୍ଲା ପୋଲିସ ରାଜ୍ୟର ସବୁ ୬ଟି ବାଟାଲିଅନ୍‌କୁ ସଞ୍ଜୋଲିରେ ମୁତୟନ କରିଛି। ମସଜିଦ୍ ସ୍ଥଳକୁ ପୁରା ପୁରି ସିଲ୍ କରି ଦିଆଯାଇଛି।