ନୂଆଦିଲ୍ଲୀ: ଡିଏମ୍କେ ନେତା କେ ପୋନ୍ମୁଡିଙ୍କୁ ମନ୍ତ୍ରୀମଣ୍ଡଳରେ ସାମିଲ କରାଯାଇନଥିବାକୁ ନେଇ ପ୍ରଧାନ ବିଚାରପତି ଡି.ଓ୍ବାଇ ଚନ୍ଦ୍ରଚୁଡ ତାମିଲନାଡୁର ରାଜ୍ୟପାଳ ଆର.ଏନ୍ ରବିଙ୍କୁ ତାଗିଦ୍ କରିଛନ୍ତି । ସେ କହିଛନ୍ତି ଯେ ରାଜ୍ୟପାଳ ସୁପ୍ରିମକୋର୍ଟଙ୍କୁ ବେଖାତିର୍ କରୁଛନ୍ତି ।
ଏହି ମାମଲାର ଶୁଣାଣି ସମୟରେ ସିଜେଆଇ ଡିଓ୍ବାଇ ଚନ୍ଦ୍ରଚୂଡ ମଧ୍ୟ କେନ୍ଦ୍ର ସରକାରଙ୍କୁ ପ୍ରଶ୍ନ କରି କହିଛନ୍ତି ଯେ, ଯଦି ରାଜ୍ୟପାଳ ସମ୍ବିଧାନ ପାଳନ କରୁନାହାଁନ୍ତି, ତେବେ ସରକାର କଣ କରୁଛନ୍ତି ? ବାସ୍ତବରେ, ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କ ସୁପାରିଶ ସତ୍ତ୍ୱେ ରାଜ୍ୟପାଳ ପୋନମୁଡିଙ୍କୁ କ୍ୟାବିନେଟରେ ସାମିଲ କରିବାକୁ ମନା କରିଦେଇଥିଲେ । ସୂଚନାଥାଉକି, ନିକଟରେ ଆୟ ବହିର୍ଭୂତ ସମ୍ପତ୍ତି ମାମଲାରେ ପୋନମୁଡିଙ୍କ ଦୋଷୀ ସାବ୍ୟସ୍ତ ଏବଂ ତିନି ବର୍ଷ ଜେଲ ଦଣ୍ଡାଦେଶ ଶୁଣାଇଥିଲେ କୋର୍ଟ ।
ସିଜେଆଇ ଡିଓ୍ବାଇ ଚନ୍ଦ୍ରଚୂଡ, ଜଷ୍ଟିସ୍ ଜେ.ବି ପାରଦୀୱାଲା ଏବଂ ଜଷ୍ଟିସ୍ ମନୋଜ ମିଶ୍ରଙ୍କୁ ନେଇ ଗଠିତ ଖଣ୍ଡପୀଠ ଆଶ୍ଚର୍ଯ୍ୟ ପ୍ରକଟ କରିଛନ୍ତି ଯେ, ରାଜ୍ୟପାଳ ଆର.ଏନ୍ ରବି କିପରି କହିପାରିବେ ଯେ ପୋନମୁଡିଙ୍କ ପୁନଃ ନିଯୁକ୍ତି ସାମ୍ବିଧାନିକ ନୈତିକତା ବିରୁଦ୍ଧରେ ହେବ । ଆମେ ୨୪ ଘଣ୍ଟା ମଧ୍ୟରେ ନିଷ୍ପତ୍ତି ନେବାକୁ ଆରଏନ ରବିଙ୍କୁ ନିର୍ଦ୍ଦେଶ ଦେଉଛୁ। ଖଣ୍ଡପୀଠ ଆଟର୍ଣ୍ଣି ଜେନେରାଲ୍ ଆର ଭେଙ୍କଟରମଣିଙ୍କୁ କହିଛନ୍ତି, “ଆଟର୍ଣ୍ଣି ଜେନେରାଲ୍, ରାଜ୍ୟପାଳ ଆର.ଏନ୍ ରବିଙ୍କ ଆଚରଣକୁ ନେଇ ଆମେ ଗଭୀର ଚିନ୍ତିତ । ତାଙ୍କୁ ପରାମର୍ଶ ଦେଇଥିବା ଲୋକମାନେ ତାଙ୍କୁ ସଠିକ୍ ପରାମର୍ଶ ଦେଇନାହାଁନ୍ତି ।
ଏହା ସାମ୍ବିଧାନିକ ନୈତିକତା ବିରୁଦ୍ଧରେ ହେବ ବୋଲି ରାଜ୍ୟପାଳ ଆର.ଏନ୍ ରବି ପୂର୍ବତନ ଉଚ୍ଚଶିକ୍ଷା ମନ୍ତ୍ରୀ କେ ପୋନମୋଡିଙ୍କୁ ରାଜ୍ୟ କ୍ୟାବିନେଟରେ ଅନ୍ତର୍ଭୁକ୍ତ କରିବାକୁ ମନା କରି ଦେଇଛନ୍ତି । ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କ ନେତୃତ୍ୱରେ ମନ୍ତ୍ରୀ ପରିଷଦର ପରାମର୍ଶ ଅନୁଯାୟୀ କାର୍ଯ୍ୟ କରିବାକୁ ରାଜ୍ୟପାଳ ଆରଏନ ରବିଙ୍କୁ ନିର୍ଦ୍ଦେଶ ଦେବାକୁ ରାଜ୍ୟ ସରକାର ଅନୁରୋଧ କରିଛନ୍ତି।
