ନୂଆଦିଲ୍ଲୀ,୨୬/୫: ପୁଣି ରାଜଧାନୀ ଦିଲ୍ଲୀରେ ଆଉ ଏକ  ଅଘଟଣ ଘଟିଛି। ବିବେକ ବିହାର ପରେ କୃଷ୍ଣାରେ ନଗରର ଏକ ବିଲ୍ଡିଂରେ ଅଗ୍ନିକାଣ୍ଡ। ନିଆଁରେ ପୋଡି ହୋଇ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ ଜଣ ଗୁରୁତର ଆହତ ହୋଇଛନ୍ତି ।  ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। 

ସୂଚନା ମୁତାବକ,  କୃଷ୍ଣା ନଗରର ବ୍ୟାଙ୍କ ଅଫ ଇଣ୍ଡିଆ ନିକଟରେ ଥିବା ଏକ ବିଲ୍ଡିଂରେ ଏହି ଅଗ୍ନିକାଣ୍ଡ ଘଟିଥିଲା । ଯେଉଁଥିରେ ପୋଡି ହୋଇ ୩ ଜଣଙ୍କର ମୃତ୍ୟୁ ହୋଇଛି।   ଏନେଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ସମସ୍ତ ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି। ଏଥିରୁ ଜଣଙ୍କ ଅବସ୍ଥା ଗୁରୁତର ଥିବା ବେଳେ ତାଙ୍କୁ ମେକ୍ସ ହସ୍ପିଟାଲକୁ ପଠାଇ ଦିଆଯାଇଛି । ତେବେ ମୃତକମାନେ ପ୍ରମିଳା ଶାଦ,  କେଶବ ଶର୍ମା ଓ ଅଞ୍ଜୁ ଶର୍ମା ବୋଲି ଜଣାପଡିଛି । ସେହିପରି ଏହା ପୂର୍ବରୁ ବିବେକ ବିହାରର ଚାଇଲ୍ଡ କେୟାର ୟୁନିଟରେ ନିଆଁ ଲାଗିଥିବା ସୂଚନା ମିଳିଛି।