ପ୍ରମୂଖ ଖବର
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

ପୁରୀ ବେଳାଭୂମିରୁ ନିଶାଶକ୍ତ ବିଦେଶୀ ପର୍ଯ୍ୟଟକ ଉଦ୍ଧାର

ପୁରୀ, ୩୦/୦୩ : ପୁରୀ ସ୍ଵର୍ଗଦ୍ଵାର ବେଳାଭୂମିରୁ ନିଶାଶକ୍ତ ବିଦେଶୀ ପର୍ଯ୍ୟଟକ ଉଦ୍ଧାର। ପର୍ଯ୍ୟଟକ ଜଣଙ୍କ ନିଶାରେ ଚୁର୍ ହୋଇ ମାତାଲ ଅବସ୍ଥାରେ ବୁଲୁଥିବା ବେଳେ ତାଙ୍କୁ ସମୁଦ୍ରକୂଳ ଥାନା ପୋଲିସ ଉଦ୍ଧାର କରିଛି। ଉଦ୍ଧାର ପର୍ଯ୍ୟଟକ ଜଣଙ୍କ ବ୍ରିଟିଶ ନାଗରିକ କ୍ରେଜ୍ ସେଲଡନ ବୋଲି ଜଣାପଡ଼ିଛି। 

ଶନିବାର ସକାଳେ ବିଦେଶୀ ନାଗରିକ କ୍ରେଜ୍ ସେଲଡନ୍ ନିଶାଗ୍ରସ୍ତ ଅବସ୍ଥାରେ ସ୍ଵର୍ଗଦ୍ଵାର ନିକଟରେ ବସିଥିବା ବେଳେ ପୋଲିସ ପାଖରେ ଖବର ପହଞ୍ଚିଥିଲା। ଘଟଣାସ୍ଥଳରେ ସମୁଦ୍ରକୂଳ ଥାନା ପୋଲିସ ପହଞ୍ଚି ବିଦେଶୀ ନାଗରିକଙ୍କୁ ଉଦ୍ଧାର କରି ଥାନାକୁ ଆଣିଥିଲା। ସେଠାରେ ତାଙ୍କୁ ପଚରାଉଚରା କରିବା ସହ ତାଙ୍କ ସ୍ଵାସ୍ଥ୍ୟାବସ୍ଥା ବିଷୟରେ ମଧ୍ୟ ଥାନା ଅଧିକାରୀ ପଚାରି ବୁଝିଥିଲେ। 

ପୋଲିସର ସୂଚନା ଅନୁଯାୟୀ, କ୍ରେଜ୍ ସେଲଡନ୍ ଗତ କିଛିଦିନ ତଳେ ପୁରୀ ଆସି ବଳିଆପଣ୍ଡା ସ୍ଥିତ ଏକ ଘରୋଇ ଆଶ୍ରମରେ ରହୁଥିଲେ। ତେବେ ଆଜି ସକାଳୁ ସେ ନିଶା ସେବନ କରି ସ୍ଵର୍ଗଦ୍ଵାର ନିକଟରେ ବସିଥିଲେ। ସ୍ଥାନୀୟ ଲୋକେ ଏନେଇ ପୋଲିସକୁ ଖବର ଦେବାପରେ ସମୁଦ୍ର କୂଳ ଥାନା ପୋଲିସ ସେଠାରେ ପହଞ୍ଚି ବିଦେଶୀ ନାଗରିକଙ୍କୁ ଉଦ୍ଧାର କରିଥିଲେ। ଉଦ୍ଧାର ବିଦେଶୀ ପର୍ଯ୍ୟଟକଙ୍କ ସ୍ବାସ୍ଥ୍ୟବସ୍ଥା ଭଲ ଥିବାବେଳେ ଆଶ୍ରମର ମୁଖ୍ୟ ତାଙ୍କୁ ଆଶ୍ରମକୁ ନେଇଥିବା ଜଣାପଡ଼ିଛି।


  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.