ଗୁଣପୁର,୦୬/୦୯: ମାଈ ହାତୀର ମୃତ୍ୟୁ ପରେ ଉତ୍ପାତ ହେଉଛି ଦନ୍ତା । ଗୁରୁବାର ବିଳମ୍ୱିତ ରାତିରେ ଏକାକୀ ବୁଲୁଥିବା ବେଳେ ନଷ୍ଟ କରିଲା ଧାନ ଜମି । ମାଇ ହାତୀ ମୃତ୍ୟୁ ପରଠାରୁ ମାଲାପଦର ଓ ଝୁମ୍ପାପୁର ଗାଁରେ ତିନି ଦିନ ହେବ ବନ୍ଦ ରହିଛି ବିଦ୍ୟୁତ ସେବା । ହାତୀର ଉପଦ୍ରବ ପାଇଁ ଚିନ୍ତାରେ ଚାଷୀ । ରାୟଗଡ଼ା ଜିଲ୍ଲା ଗୁଣପୁର ରେଞ୍ଜ ଫୁଲଫୁଟି ପୋଲ ନିକଟରେ ଏଭଳି ଘଟଣା ଘଟିଛି ।
ସୂଚନା ଅନୁଯାୟୀ, ମାଇହାତୀ ମୃତ୍ୟ ପରେ ସାଥିରେ ଥିବା ଦନ୍ତା ହାତୀ ପୁଣି ବିଳମ୍ବିତ ରାତ୍ରିରେ ନାକେଦମ୍ କରିଥିଲା । ନିଜ ସାଥି ମାଈ ହାତୀକୁ ନପାଇ ଗୁରୁବାର ବିଳମ୍ବିତ ରାତିରେ ଏଣେତେଣେ ବୁଲି ନଷ୍ଟ କରିଥିଲା ଧାନ କ୍ଷେତ । ଏହି କାରଣରୁ ପାଖ ଗ୍ରାମ ଗୁଡିକରେ ଭୟଭିତ ହୋଇ ରହିଛନ୍ତି ଗ୍ରାମବାସୀ । ହାତୀଟି ଏଭଳି ଭାବରେ ଉତ୍ପାତ ହେଉଥୁବାର ଦେଖି ବନ ବିଭାଗକୁ ଖବର ଦେଇଥିଲେ ସ୍ଥାନୀୟଲୋକେ । ଖବର ପାଇ ଘଟଣାସ୍ଥଳରେ ପହଞ୍ଚି ହାତୀର ଗତୀବିଧିକୁ ଟ୍ରାକିଂ କରୁଛି ବନବିଭାଗର କର୍ମଚାରୀ । ଭୀମପୁର ନିକଟ ସୀମା ଗାଁ ପାଖରେ ଏକାକି ହୋଇ ଯାଇଥିବା ଦନ୍ତା ହାତୀ ବିଚରଣ କରୁଥିବା ବନ ବିଭାଗ ଜାଣିପାରିଛି । ଅନ୍ୟପଟେ କ୍ଷତି ଘଟିଥିବା ଜମିର ମାଲିକଙ୍କ ସହ ଯୋଗାଯୋଗ କରି କ୍ଷୟ କ୍ଷତି ଆକଳନ କରୁଛି ବନ ବିଭାଗ । ମାଈହାତୀ ମୃତ୍ୟୁ ପରଠୁ ମାଲାପଦର ଓ ଝୁମ୍ପାପୁର ଗାଁରେ ତିନି ଦିନ ହେବ ବିଦ୍ୟୁତ ସେବା ବନ୍ଦ ରହିଛି ।
ବୁଧବାର ରାୟଗଡ଼ା ଜିଲ୍ଲା ଗୁଣପୁର ରେଞ୍ଜ୍ ଫୁଲପୁଟି ଠାରେ ଦୁଇଟି ହାତୀରୁ ଗୋଟିଏ ମାଈ ହାତୀର ମୃତ୍ୟୁ ଘଟିଥିଲା । ପୂର୍ବରୁ ହାତୀଦ୍ବୟ ପାଖ କପାବାଡ଼ରେ ଥିବା କୁଡିଆ ଓ ବିଦ୍ୟୁତ୍ ଖୁଣ୍ଟକୁ ଭାଙ୍ଗିଥିଲେ । ବିଦ୍ୟୁତ ଆଘାତରେ ମାଈ ହାତୀ ମୃତ୍ୟୁ ହୋଇଥିଲା । ମାଈହାତୀର ମୃତ ଦେହକୁ ବ୍ୟବଚ୍ଛେଦ କରାଇଛି ବନ ବିଭାଗ । ମାଇହାତୀ ମୃତ୍ୟ ପରେ ସାଥିରେ ଥିବା ଦନ୍ତା ହାତୀ ଏହି ଅଞ୍ଚଳରେ ବିଳମ୍ୱିତ ରାତ୍ରିରେ ସ୍ଥାନୀୟଲୋକଙ୍କୁ ନାକେଦମ୍ କରୁଛି ।
