ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଇଜିପ୍ଟ ସହ ଗାଜାର ଏକମାତ୍ର ସୀମାକୁ କବ୍‌ଜା କଲା ଇସ୍ରାଏଲ, ଚୋରାରେ ଯୁଦ୍ଧାସ୍ତ୍ର ଆଣୁଥିଲେ ହମାସ ଆତଙ୍କବାଦୀ

ଜେରୁସାଲେମ: ୭ ମାସରୁ ଅଧିକ ସମୟ ହେବ ଇସ୍ରାଏଲ ଓ ହମାସ ମଧ୍ୟରେ ଯୁଦ୍ଧ ଜାରି ରହିଛି । ଏହାରି ଭିତରେ ଗାଜାର ସବୁ ସୀମାକୁ କବ୍‌ଜା କରିବାକୁ ଅଭିଯାନ ଚଳାଇଛି ଇସ୍ରାଏଲ୍‌ । ମିଳିଥିବା ସୂଚନା ଅନୁସାରେ, ବୁଧବାର ଗାଜା ଓ ଇଜିପ୍ଟ ସୀମାରେ ଥିବା ଏକ ବଫର୍‌ ଜୋନ୍‌ ଉପରେ ଇସ୍ରାଏଲ୍‌ ସେନା କବ୍‌ଜା କରିଛି। ଏହାକୁ ନେଇ ହମାସ ଆତଙ୍କବାଦୀଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଛି । ରାଫାରେ ଆକ୍ରମଣ ମଧ୍ୟରେ ଇସ୍ରାଏଲ ସେନା ଇଜିପ୍ଟକୁ ସଂଯୋଗ କରୁଥିବା ଗାଜା ସୀମାକୁ କବ୍‌ଜା କରିନେଇିଛି । ଏହା ସହିତ ଇସ୍ରାଏଲ ସୈନିକମାନେ ଟ୍ୟାଙ୍କର୍‌ ଧରି ରାଫାରେ ପ୍ରବେଶ କରିଛନ୍ତି ।

ଇଜିପ୍ଟ ସହ ଗାଜାର ଏକମାତ୍ର ସୀମା ‘ଫିଲାଡେଲଫି କରିଡର’କୁ ଇସ୍ରାଏଲ କବଜା କରିନେଇଛି ବୋଲି ଇସ୍ରାଏଲ ଡିଫେନ୍ସ ଫୋର୍ସ (ଆଇଡିଏଫ)ର ମୁଖପାତ୍ର ଡାନିଏଲ ହଜାରୀ କହିଛନ୍ତି । ସେପଟେ ଇସ୍ରାଏଲ ସେନା ରାଫାର ବିଭିନ୍ନ ଅଞ୍ଚଳରେ ଆକ୍ରମଣ ଜାରି ରଖିଛି । ଯୁଦ୍ଧ ଆରମ୍ଭରୁ ପ୍ରାୟ ୨୩ ଲକ୍ଷ ଶରଣାର୍ଥୀ ଶରଣ ନେଇଥିବା ଦକ୍ଷିଣ ଗାଜାରେ ଆକ୍ରମଣ ବନ୍ଦ କରିବାକୁ ଆଇସିଜେର ଚେତାବନୀ ସତ୍ବେ ଇସ୍ରାଏଲ ଏହି ଆକ୍ରମଣ କରୁଛି ।
 ଅନ୍ୟପଟେ ‘ଫିଲାଡେଲଫି କରିଡର’ ମାଧ୍ୟମରେ ଗାଜାକୁ ଯୁଦ୍ଧାସ୍ତ୍ର ଚୋରାରେ ଆଣୁଥିଲା ହମାସ ଆତଙ୍କବାଦୀ ସଂଗଠନ । ଫଳରେ ହମାସକୁ ଚେକ୍‌ ଦେବାକୁ ପ୍ରଥମ ଥର ଲାଗି ଇଜିପ୍ଟ ସହ ଗାଜାର ଏକମାତ୍ର ସ୍ଥଳ ସୀମାକୁ ସିଧାସଳଖ କବଜା କରିଛି ଇସ୍ରାଏଲ ।

ସେପଟେ ଇସ୍ରାଏଲର ସୁରକ୍ଷା ପରାମର୍ଶଦାତା ଜାଚି ହାନେଜିବି କହିଥିଲେ ଯେ, ଗାଜା ଯୁଦ୍ଧ ଅତିକମରେ ୨୦୨୪ ଶେଷ ପର୍ଯ୍ୟନ୍ତ ଜାରି ରହିବ ।  ହମାସର ପ୍ରତିଟି ଭିତ୍ତିଭୂମିକୁ ଧ୍ବଂସ ନକରିବା ପର୍ଯ୍ୟନ୍ତ ଏବଂ ପ୍ରତ୍ୟେକ ପଣବନ୍ଦୀଙ୍କୁ ବିନା ସର୍ତ୍ତ ପୂରଣ କରି ନଆଣିବା ପର୍ଯ୍ୟନ୍ତ ଯୁଦ୍ଧ ଲାଗି ରହିବ ବୋଲି ଇସ୍ରାଏଲ ପକ୍ଷରୁ ଚେତାବନୀ ଦିଆଯାଇଥିଲା । ଏହା ପୂର୍ବରୁ ବୁଧବାର ବ୍ରାଜିଲ ନିଜର ରାଷ୍ଟ୍ରଦୂତଙ୍କୁ ଇସ୍ରାଏଲରୁ ଫେରାଇ ନେଇଛି । 

  • Israel Hamas war
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.