ପ୍ରମୁଖ ଖବର
  • ଜମ୍ମୁ-କାଶ୍ମୀରକୁ ଖୁବ୍‌ଶୀଘ୍ର ମିଳିବ ପୂର୍ଣ୍ଣ ରାଜ୍ୟ ମାନ୍ୟତା, ଉଦ୍ଧମପୁରରେ ପ୍ରଧାନମନ୍ତ୍ରୀଙ୍କ ବଡ଼ ଘୋଷଣା
  • ||
  • କାଳିକାଦେବୀ ସାହିରେ ବୁଲେ ମାଟିମଣ୍ଡପ ସାହି ପଟୁଆର, ଆଜି ବାଲିସାହି-ହରଚଣ୍ଡି ସାହି ଶାନ୍ତି କମିଟି ବୈଠକ
  • ||
  • ପ୍ୟାରିସ ଅଲିମ୍ପିକ୍ସ: ୧୭ରେ ବିକ୍ରି ହେବ ୨୫୦,୦୦୦ ଟିକେଟି
  • ||
  • ଗ୍ରୀଷ୍ମ ଛୁଟିରେ ଅନ୍‌ଲାଇନ୍‌ କ୍ଲାସ୍‌, ଆଜି ପ୍ରଧାନଶିକ୍ଷକମାନଙ୍କ ବୈଠକରେ ହେବ ଆଲୋଚନା
  • ||
  • ତୃତୀୟ ପର୍ଯ୍ୟାୟ ନିର୍ବାଚନ: ଶୁକ୍ରବାର ପ୍ରକାଶ ପାଇବ ବିଜ୍ଞପ୍ତି, ଆରମ୍ଭ ହେବ ନାମାଙ୍କନ ପ୍ରକିୟା
  • ||
  • ଜାତୀୟ ପଥପ୍ରାନ୍ତ ନାଟକ ଦିବସ: ସରକାରୀ ସ୍ୱୀକୃତିକୁ ଅପେକ୍ଷା, ଅନେକ ଦାବି ପରେ ବି ଅବହେଳିତ
  • ||
  • ଦିଲ୍ଲୀ ମଦ ନୀତି ମାମଲା: ଆଜି କୋର୍ଟରେ ହାଜର ହେବେ ବିଆର୍‌ଏସ୍‌ ନେତ୍ରୀ କେ.କବିତା, ରିମାଣ୍ଡ ଆବେଦନ କରିବ CBI
  • ||
  • IPL 2024: ସୁପରଜାଏଣ୍ଟ୍‌ସ - କ୍ୟାପିଟାଲ ଲଢ଼େଇ, ଏକାନ୍ନାରେ ଚ୍ୟାଲେଞ୍ଜ ହେବ ସ୍ପିନ
  • ||
  • ପୂର୍ବତନ ସ୍ୱାସ୍ଥ୍ୟମନ୍ତ୍ରୀ କମଳା ଦାସଙ୍କ ପରଲୋକ, ୭୯ ବର୍ଷ ବୟସରେ କଲେ ଶେଷ ନିଶ୍ୱାସ ତ୍ୟାଗ
  • ||
  • ବଦଳିବ ପାଣି ପାଗ ମିଜାଜ୍: ୪ ଦିନରେ ୮ ଡିଗ୍ରୀ ବଢ଼ିପାରେ ତାପମାତ୍ରା, ପୁଣି କଲବଲ କରିବ ତାତି
  • ||

ତ୍ରିକୋଣୀୟ ପ୍ରେମରୁ ହତ୍ୟାକାଣ୍ଡ: ପ୍ରେମିକାକୁ ଧରି କୁଆଡ଼େ ଗଲା ହତ୍ୟାକାରୀ ? ଏବେ ବି ପୁଲିସ ହାତ ଖାଲି...

ଭୁବନେଶ୍ୱର/ କଟକ ୧୮/୦୩: ପ୍ରେମିକାକୁ ନେଇ କୁଆଡେ ଗଲା କିଲର ପ୍ରେମିକ ? ରାଜ୍ୟ ବାହାରକୁ ଚାଲିଗଲା କି ପିଙ୍କୁ ଓରଫ କାହ୍ନୁ ପ୍ରଧାନ? ନାରକୀୟ କାଣ୍ଡ ଘଟାଇଥିବା ପ୍ରେମିକା ନିହାରିକା ଏବେ କେଉଁଠି? ଭୁବନେଶ୍ୱର ଲକ୍ଷ୍ମୀସାଗର ଥାନା ଚିନ୍ତାମରିଶ୍ୱରରେ ତ୍ରିକୋଣୀୟ ପ୍ରେମକୁ ନେଇ ହତ୍ୟାକାଣ୍ଡ ମାମଲାକୁ ୩୬  ଘଣ୍ଟା ଅଧିକ ବିତିଲାଣି । ଏବେ ବି ପୁଲିସ ହାତ ଖାଲି ।  ମୁଖ୍ୟ ଅଭିଯୁକ୍ତ ସହ ଜଣେ ଯୁବତୀ ଓ ୪  ସହଯୋଗୀଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ  ଚଢାଉ ଜାରି ରଖିଛି ପୁଲିସ । ହେଲେ  ସେମାନଙ୍କ ପତ୍ତା ପାଉନାହିଁ । ଶୁକ୍ରବାର  ବିଳମ୍ବିତ ରାତିରେ ଘଟିଥିଲା ଏହି ବିଭତ୍ସ  ହତ୍ୟାକାଣ୍ଡ । ମୃତକ ହେଲେ ଲକ୍ଷ୍ମୀସାଗର  ଅଞ୍ଚଳରେ ରହି କ୍ୟାଟେରିଂ ବୟ ଭାବେ କାମ  କରୁଥିବା ଅଞ୍ଜନ ବେହେରା । ସାଙ୍ଗକୁ ରକ୍ଷା  କରିବାକୁ ଯାଇ ଅଭିଯୁକ୍ତର ଆକ୍ରମଣର ଶିକାର  ହୋଇଥିଲେ ଅଞ୍ଜନ । ଶୁକ୍ରବାର ରାତିରେ  ଅଭିଯୁକ୍ତ ପିଙ୍କୁ ଓ ନିହାରିକା ପୁରୁଣା ପ୍ରେମିକ  ଗୌତମକୁ ଡକାଇଥିଲେ । ଗୌତମ ରାତି  ଅଧରେ ଏକା ନଆସି ଅଞ୍ଜନଙ୍କୁ ସାଙ୍ଗରେ  ନେଇ ଆସିଥିଲେ । ଗୌତମଙ୍କୁ ବଞ୍ଚାଇବାକୁ  ଯାଇ ଜୀବନ ହାରିଥିଲେ ଅଞ୍ଜନ ।

ଘଟଣା ପରଠୁ ପ୍ରେମିକ ସହିତ ଫେରାର  ହୋଇଯାଇଛନ୍ତି ବୋଲି ଭଉଣୀକୁ ମେସେଜ ଦେଇଛନ୍ତି ନିହାରିକା । ଲକ୍ଷ୍ମୀସାଗର ଥାନା ପୁଲିସ ସାଇଣ୍ଟିଫିକ୍‌ ଟିମ୍‌ ସହ ଘଟଣାସ୍ଥଳରେ ପହଞ୍ଚି  ତଦନ୍ତ କରିବା ସହ ପ୍ରତ୍ୟେକ୍ଷଦର୍ଶୀଙ୍କ  ବୟାନ ଆଧାରରେ ତଦନ୍ତ  ଚଳାଇଛି । ମୁଖ୍ୟ ଅଭିଯୁକ୍ତ ପିଙ୍କୁ,  ନିହାରିକା ଓ ୪ ସହଯୋଗୀଙ୍କୁ  ଗିରଫ କରିବା ପାଇଁ ବିଭିନ୍ନ  ସ୍ଥାନରେ ଚଢ଼ଉ ଚଳାଇଛି । ଏପରିକି ଗୋଟିଏ ଟିମ୍‌  ଜିଲ୍ଲା ବାହାରେ ଯାଇ  ଖୋଜୁଛି । ହେଲେ ହତ୍ୟାକରୀିଙ୍କୁ ପାଇନାହିଁ ବୋଲି ଲକ୍ଷ୍ମୀସାଗର ଥାନା ଅଧିକାରୀ  କହିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.