ଚନ୍ଦାହାଣ୍ଡି ,୨୯।୮ - ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି    ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର  ଭ୍ରାମ୍ୟମାଣ ସ୍ୱାସ୍ଥ୍ୟ ସେବା ଗାଡି ଭାରସାମ୍ୟ ହରାଇ ଓଲଟି ପଡିଛି। ଏଥିରେ ଡ୍ରାଇଭର  ପ୍ରଦୀପ ପୂଜାରୀ ଗୁରୁତର ହୋଇଛନ୍ତି। ଚିକିତ୍ସା ପାଇଁ ଡ୍ରାଇଭରଙ୍କୁ ନବରଙ୍ଗପୁର ପଠାଯାଇଛି। 

ଗୁରୁବାର ସକାଳେ ଚନ୍ଦାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଭ୍ରାମ୍ୟମାଣ ସ୍ୱାସ୍ଥ୍ୟ ସେବା (ଏମ ଏଚ ୟୁ ) ଗାଡିରେ ଡାକ୍ତର ବସନ୍ତ କୁମାର ଷଡ଼ଙ୍ଗୀ, ଫାର୍ମାସିଷ୍ଟ ରମେଶ ଦାଶ ଏବଂ ଆଣ୍ଟେଣ୍ଡାଣ୍ଟ ବାଳ ଗୋବିନ୍ଦ ମାଝିl  ଗ୍ରାମାଞ୍ଚଳ ଚିକିତ୍ସା ପାଇଁ    ଗାଡିରେ ଚନ୍ଦାହାଣ୍ଡି ସ୍ୱାସ୍ଥ୍ୟ କେନ୍ଦ୍ର ରୁ ମାଲଗାଁ ଅଭିମୁଖେ ବାହାରି ଥିଲେ l ଚନ୍ଦାହାଣ୍ଡି ଠାରୁ  ୨  କି ମି ଦୂର ସେମଲାଗୁଡା ଛକ ଠାରେ ଡ୍ରାଇଭର ପ୍ରଦୀପ ପୂଜାରୀ ଙ୍କ  ଅନ୍ୟମନସ୍କ ଯୋଗୁଁ ଗାଡି ଭାରସାମ୍ୟ ହରାଇ ଓଲଟି ପଡି ଥିଲା l ଏଥିରେ ଡ୍ରାଇଭର ଗୁରୁତର ହୋଇ ପଡି ଥିବା ବେଳେ  ଡାକ୍ତର ଓ ଫାମାସିଷ୍ଟ ସାମାନ୍ୟ ଆହତ ହୋଇ ଥିଲେ l   ପାଖରେ ଥିବା ଲୋକେ ସେମାନଙ୍କୁ   ଉଦ୍ଧାର କରିବା ସହ ୧୦୮ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ ଚନ୍ଦାହାଣ୍ଡି ଗୋଷ୍ଠୀ ଚିକିତ୍ସା କେନ୍ଦ୍ରରେ ଭର୍ତ୍ତୀ କରି ଥିଲେ l  ସେଠାରେ ଡାକ୍ତର  ସନ୍ଦିପ କୁମାର ଶତପଥି   ପ୍ରାଥମିକ ଚିକିତ୍ସା ପରେ  ଡ୍ରାଇଭର  ପ୍ରଦୀପଙ୍କୁ ଜିଲ୍ଲା ହସ୍ପିଟାଲକୁ ସ୍ଥାନାନ୍ତର କରିଥିଲେ।