ପ୍ରମୂଖ ଖବର
  • କଟକ: କୋର୍ଟରେ ହାଜର ହେଲେ ଅନୁଭବ ମହାନ୍ତି, ଘରୋଇ ହିିଂସା ମାମଲାରେ ଜାରି ହୋଇଥିଲା NBW
  • ||
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

ଆଗାମୀ ୩ ବର୍ଷରେ ମାଗଣାରେ କେନ୍ଦ୍ର ବାଣ୍ଟିବ ୭୫ ଲକ୍ଷ ଉଜ୍ଜ୍ୱଳା ଗ୍ୟାସ୍, କେନ୍ଦ୍ର କ୍ୟାବିନେଟ୍‌ରେ ବାଜିଲା ମୋହର

ନୂଆଦିଲ୍ଲୀ,୧୪/୦୯: ୨୦୨୫-୨୬ ଯାଏ ଜାରି ରହିବ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା(ପିଏମ୍‌ୟୁୱାଇ) । ଏହା ଅନ୍ତର୍ଗତ ଆଗାମୀ ୩ ବର୍ଷରେ କେନ୍ଦ୍ର ସରକାର ଆଉ ୭୫ ଲକ୍ଷ ମାଗଣା ଏଲ୍‌ପିଜି ସଂଯୋଗ ଯୋଗାଇଦେବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବୁଧବାର ବସିଥିବା କେନ୍ଦ୍ର କ୍ୟାବିନେଟ୍‌ ବୈଠକରେ ଏ ପ୍ରସ୍ତାବରେ ମୋହର ବାଜିଛି । ବୈଠକରେ ତୃତୀୟ ପର୍ଯ୍ୟାୟ ଇ-କୋର୍ଟ ପ୍ରୋଜେକ୍ଟକୁ ମଧ୍ୟ ମଞ୍ଜୁରି ଦିଆଯାଇଛି ।

ଉଜ୍ଜ୍ୱଳା ସ୍କିମ୍‌ର ସମ୍ପ୍ରସାରଣ ବାବଦ ୧,୬୫୦ କୋଟି ଟଙ୍କାର ବ୍ୟୟବରାଦକୁ ମଞ୍ଜୁରି ମିଳିଥିବା କ୍ୟାବିନେଟ୍‌ ବୈଠକ ପରେ କେନ୍ଦ୍ରମନ୍ତ୍ରୀ ଅନୁରାଗ ଠାକୁର ସୂଚନା ଦେଇଛନ୍ତି । ଏହି ଯୋଜନା ଅନ୍ତର୍ଗତ ଏଯାବତ୍‌ ୯ କୋଟି ୬୦ ଲକ୍ଷ ମାଗଣା ସଂଯୋଗ ବଣ୍ଟାଯାଇସାରିଛି । ଅତିରିକ୍ତ ୭୫ ଲକ୍ଷ ଉଜ୍ଜ୍ୱଳା ସଂଯୋଗ ସହିତ ମୋଟ ପିଏମ୍‌ୟୁୱାଇ ହିତାଧିକାରୀଙ୍କ ସଂଖ୍ୟା ୧୦.୩୫ କୋଟିକୁ ବୃଦ୍ଧି ପାଇବ ।

ଯୋଜନା ଅନ୍ତର୍ଗତ ମାଗଣା ଏଲ୍‌ପିଜି ସଂଯୋଗ ସହ ପ୍ରଥମ ସିଲିଣ୍ଡର ରିଫିଲିଂ ବି ମାଗଣା ହୋଇଥାଏ । ଗ୍ୟାସ ଚୁଲା ବି ମାଗଣାରେ ପ୍ରଦାନ କରାଯାଇଥାଏ । ଉଜ୍ଜ୍ୱଳା ୨.୦ର ପ୍ରଚଳିତ ନିୟମ ଅନୁସାରେ ପିଏମ୍‌ୟୁୱାଇ ଉପଭୋକ୍ତା ୧୪.୨ କିଗ୍ରା ଏଲ୍‌ପିଜି ସିଲିଣ୍ଡର ପିଛା ୨୦୦ ଟଙ୍କାର ସବ୍‌ସିଡି ପାଉଛନ୍ତି । ବାର୍ଷିକ ୧୨ଟି ପର୍ଯ୍ୟନ୍ତ ରିଫିଲ୍‌ରେ ଏ ସୁବିଧା ମିଳିଥାଏ ।

ସୂଚନାଯୋଗ୍ୟ, ରକ୍ଷା ବନ୍ଧନ ଉପଲକ୍ଷେ ଦେଶର ମହିଳାମାନଙ୍କୁ ଉପହାର ପ୍ରଦାନ ପୂର୍ବକ ମୋଦି ସରକାର ଘରୋଇ ଏଲ୍‌ପିଜି ଦରରେ ୨୦୦ ଟଙ୍କା ହ୍ରାସ କରିଥିଲେ । ଦେଶର ୩୩ କୋଟି ଏଲ୍‌ପିଜି ଉପଭୋକ୍ତା ଏ ନିଷ୍ପତ୍ତିରୁ ଉପକୃତ ହୋଇଛନ୍ତି । ଓଡ଼ିଶାର ରାଜଧାନୀ ଭୁବନେଶ୍ୱରରେ ସିଲିଣ୍ଡର ପିଛା ଘରୋଇ ଏଲ୍‌ପିଜି ଦର ୯୨୯ ଟଙ୍କାକୁ ହ୍ରାସ ପାଇଛି, ଯାହାକି ପୂର୍ବରୁ ୧,୧୨୯ ଟଙ୍କା ଥିଲା । ସେହିଭଳି ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା ଅଧୀନରେ ଆସୁଥିବା ଉପଭୋକ୍ତାଙ୍କ ପାଇଁ ମଧ୍ୟ ଏହି ଦର ହ୍ରାସ ଲାଗୁ ହୋଇଛି । ଉଜ୍ଜ୍ୱଳା ହିତାଧିକାରୀମାନେ ପୂର୍ବରୁ ୨୦୦ ଟଙ୍କାର ସବ୍‌ସିଡି ପାଇଆସୁଥିଲେ । ବର୍ତ୍ତମାନର ଦର ହ୍ରାସ ପରେ ଏମାନେ ସିଲିଣ୍ଡର ପିଛା ମୋଟ ୪୦୦ ଟଙ୍କାର ରିହାତି ପାଉଛନ୍ତି । ଏ ନିଷ୍ପତ୍ତି ଦ୍ୱାରା ୨୦୨୩-୨୪ ଆର୍ଥିକବର୍ଷରେ ସରକାରଙ୍କ ଉପରେ ୭,୬୮୦ କୋଟି ଟଙ୍କାର ଅତିରିକ୍ତି ବୋଝ ପଡ଼ିବ ।

ଉଜ୍ଜ୍ୱଳା ସ୍କିମ୍‌ର ଅବଧି ବଢ଼ାଇ କେନ୍ଦ୍ର ସରକାର ନିମ୍ନ ଆୟବର୍ଗଙ୍କୁ ଆଶ୍ୱସ୍ତି ପ୍ରଦାନ କରିଛନ୍ତି । ସେମାନେ ଯେପରି ପାରମ୍ପରିକ କାଠଚୁଲା ବ୍ୟବହାର ନ କରି ସ୍ୱଚ୍ଛ ଶକ୍ତିକୁ ସ୍ଥାନାନ୍ତରିତ ହେବେ ତାହା ଲକ୍ଷ୍ୟ । 

କ୍ୟାବିନେଟ୍‌ ବୈଠକରେ ଅନ୍ୟ ଏକ ନିଷ୍ପତ୍ତି କ୍ରମେ ୭,୧୨୦ କୋଟିର ଇ-କୋର୍ଟ ମିଶନ୍‌ ମୋଡ୍‌ ପ୍ରୋଜେକ୍ଟର ଫେଜ୍‌-୩କୁ ମଞ୍ଜୁରି ଦିଆଯାଇଛି । ଏହାର ଲକ୍ଷ୍ୟ ହେଉଛି ଅନ୍‌ଲାଇନ୍‌ ତଥା ପେପର୍‌ଲେସ୍‌ କୋର୍ଟ ପ୍ରସ୍ତୁତ କରିବା । ଏହାଦ୍ୱାରା ନ୍ୟାୟିକ ବ୍ୟବସ୍ଥା ଅଧିକ ପାରଦର୍ଶୀ ହେବ । ପେପର୍‌ଲେସ୍‌ କୋର୍ଟ ପାଇଁ ଇ-ଫାଇଲିଂ ଏବଂ ଇ-ପେମେଣ୍ଟ ସିଷ୍ଟମ୍‌କୁ ସାର୍ବଜନୀନ କରାଯିବ । ଡାଟା ଷ୍ଟୋର କରିବା ପାଇଁ କ୍ଲାଉଡ୍‌ ଷ୍ଟୋରେଜ୍‌ ବନାଯିବ । ସମସ୍ତ କୋର୍ଟ ପରିସରରେ ୪,୪୦୦ ଇ-ସର୍ଭିସ ସେଣ୍ଟର ତିଆରି କରାଯିବ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.